JOHN INKHATNA 5:18 - LEKHARABU INTHENG (BSI)

¹⁸ Pathen sa inkhatbek in setna tlomanjôn mak jo ti eini’n nimanhret, ajârchu Pathen Sapa khan akahuk hei khana akaṭhamak inkhat khan suk manset tor mak hei.

JOHN INKHATNA 5:18 ပူးပေါင်းရင်းမြစ်များ

HLAHEI 119:101

Naṭong kha kajui hnōm jâra, akaṭhamak omchen rakip kha kapesōt jo.

HLAHEI 119:3

Anmani’n akadik mak tlophung mak hei; anmani’n Rōngpu hlam kha anjui.

HLAHEI 17:4

milak-hei kapōa; naṭongpek kha kajui, khana innâk-insena hlam juimak eng.

HLAHEI 18:23

Kei ṭhena neimak eng ti hi ama’n amanhret, ti chu akadik mak tlona inphut kei kabinga inphesōt eng.

HLAHEI 39:1

Ke’n kaleihri “Ke’n kaṭōn tlona chunga insing thei sik eng khana kamalei hin setna amantlo mak ning; mikaṭhamak-hei kahnenga an-om pha leh ke’n heite hrimak ning.”

ṬONGCHÎK-HEI 4:23

Heikhong mo namandon kha insing thei roh; ajârchu namalung mandonna khan nahringkhō kha asyem kae.

LEVI-DÂN 11:37

Khava inkhat in vor sik hmuchi chunga atlâk inchu, hmuchi kha intheng ṭhak sik.

MATTHEW 5:37

‘Ôk’ a-emak leh ‘Dâng’ ti hnâm ruh, hiva kakhea nahri kha Akaṭhamak Inkhatpa a inphut ahei kasōk kae.

MATTHEW 6:13

Mathlemna aṭhōimak roh, tâk-kha Akaṭhamak Inkhat a inphut ahuksōt roh. Ajârchu rengram, rathahrat, khana lûrna ahei tik a nata kae. Amen.’

JOHN 1:13

Anmani khachu ngai dungjuia mihring pa inkhat in amatet heia Pathen sa ahong kachang emak hei; Pathen khet kha anpa leikae.

JOHN 14:30

Ke’n nanhnenga kasôttak a ṭong hri tor mak jo ning, ajârchu hiva raleichung vaikarônpa kha kajōng joa kae. Ama’n kei chunga ratha neimak,

JOHN 15:4

Keia omṭhak ruh, khana kei nangnia ka-om ṭhak sik eng. Vomhrui bâk inkhat kha abinga kara nei tor mak; athlurpuia akai leh rōk khan a’nrator kae. Kha leh in-angtlinga nangni keia nan-om ṭhak mak inchu kara nei tor mak tin chei.

JOHN 15:7

Nangni keia nan-om ṭhak a, khana kaṭong nangni shunga a-omṭhak a achang inchu, hei-achang inum nangni’n nanta madu nantader kha nanchen sik.

JOHN 15:9

Pa’n kei alungset eng kapōa, ke’n nangni kalungset chei; kalungsetna cheia khan omṭhak ruh.

ṬŌNTLOHEI 11:23

Avatlung jo pha mipuihei chunga Pathen in mahâmṭhat abukna hei avahmu sōt a inpâk hêr jo, khava jâra anmalung pumpui vâng Rōngpu sik a hlamrinthei leh akadik anchangna sik a aleimathok hei.

JAMES 1:18

Akutsyem rakip kâra eini’n hma inkeipen kha nichang theina sik, ṭongdik vâng khan alungdotak a ajōngṭhōi jo me.

JAMES 1:27

Pa Pathen in akadik leh a’ntheng bekṭong tia alo khachu hi kae: nu leh pa kasehei leh renghmeihei khōdengthei pha ensui sik khana raleichung hōn mathlâkna inphut binga sōksōt sik hi kae.

PETER INKHATNA 1:23

Ajârchu akathithei kachangmak, akathi hêrmak Pa inkhat sahei kapōa, kumleikōa Pathen ṭong kahring ṭhak vâng a’ntether jo chei kae.

JOHN INKHATNA 2:29

Christa kha akadik kae ti nanmanhret; kha achang inchu akadik katlo rakip kha Pathen sahei kae ti hi nantamanhret sik kae.

JOHN INKHATNA 3:12

Cain intipa kapō kha akachang hêrmak sik me kae; ama chu Akaṭhamak Inkhatpa ta kae khana asōpuikhet Abel kha aleithat a kae. Heisa mo Cain in ama kha aleithat? Ajârchu ama khet ṭōntlo kha leidikmak, tâk asōpuipa ṭōn leitlo khachu kadik a kae.

JOHN INKHATNA 3:3

Christa kha a’ntheng achang kapōa, tu achang inum Christa a inhōrna kanei mi kha abinga a’nsuk intheng kae.

JOHN INKHATNA 3:9

Pathen sa kachang jo mi inkhatbek in setna tlomanjôn nôk mak jo ning, ajârchu Pathen chônngai kha anshunga ka-om jo; khana Pathen kha an-Pa achang jo jâra, anmani set tlomanjôn theimak jo hei.

JOHN INKHATNA 4:6

Tâk-kha eini chu Pathen ta me kae. Tu achang inum Pathen tahei khan niṭong anrangei. Hina inphut eini’n Rathla kadik leh akadik mak manhretṭhen torna kha nihritor.

JOHN INKHATNA 5:1

Tu achang inum Jesu hi Messiah kae tia akataksen kha Pathen sa kae; khana pa inkhat inlungset mi khan asa kha’m alungset a kae.

JOHN INKHATNA 5:15

Eini’n nider akaia ama’n athei pek me; hivahi kadik ti nimanhret jâra eini’n nider rakip kha apek me ti hi’m nimanhret a kae.

JOHN INKHATNA 5:19

Akaṭhamak Inkhatpa vairônna thōia vânhnōi ralei pumpui hi a-om inum eini chu Pathen ta me kae ti hi eini’n nimanhret.

JOHN INKHATNA 5:20

Eini’n akadik Pathen kha nimanhretna sik, Pathen Sapa kha kajōnga manhret theina apek jo me ti hi eini’n nimanhret. Asapa Jesu Christa leh inchunna shunga, Pathen kadik leh inchun a eini akahring me kae. Hivahi Pathen kadik kha kae, khana kumsôt hringna kha kae.

JOHN INKHATNA 5:21

Kasahei, akadik mak Pathena inphut nanbinga inhrung thei ruh!

JOHN INKHATNA 5:4

ajârchu Pathen sa rakip in vânhnōi hi antatorthei jo kae. Khana eini’n taksen vâng vânhnōi hi nitor jo kae.

JUDE 1:21

Ni-Rōngpu Jesu Christa lungsetna vâng kumsôt hringna apek sik chei kha hngâkna leh inṭhōia, Pathen lungsetna shunga inhrung una omṭhak ruh.

JUDE 1:24

Nangni nan-inpai inthlûk makna akatlo tor leh ṭhena neimakna leh alûrna ângshunga inpâkna anikapek tor,

ṬONGPHÔNG 2:13

Na-omna hmun kha Seitan len in-ongna hmun achang kha ke’n kamanhret. Taksen ka-om tak kasâkhi kachang Antipas kha, anleithat katlunga nataksenna eng nang in masō mak chea kei sik a akadik kachang che.