JOHN INKHATNA 4:8 - LEKHARABU INTHENG (BSI)

⁸ Lungsetna kaneimak mi’n Pathen kha manhret mak; ajârchu Pathen kha lungset kae.

JOHN INKHATNA 4:8 ပူးပေါင်းရင်းမြစ်များ

HLAHEI 86:15

Tâk-kha nang chu O Rōngpu, maritna leh lungsetna kasip Pathen che, ahei tik a akadehrat, mi kabômthei leh taksenthei che kha kae.

HLAHEI 86:5

Keini sik a kaṭha che khana narangei mandam ung, nahnenga akader rakip sik a lungsetna kasiptak che.

CORINTHIANHEI INHNINA 13:11

Khana tûnchu sōpuihei, chibei kapek chei! Pui tlukna sik tak intlo ruh; kahri hi rangei ruh; inkhat leh inkhat intōk ruh; khan chu malung kamōnga om ruh. Khana Pathen lungsetna leh lung mōngna khan ompui chei rasoh.

EPHESIANHEI 2:4

Tâk-kha Pathen maritna me leh alungsetna me hingtuk hrep kalen,

HEBREWHEI 12:29

ajârchu ni-Pathen kha roman hmangna hmei malekhet kha kae.

JOHN INKHATNA 1:5

Tûn keini’n asapa inphut kantathei ṭong khana kanta phôngsōt kha hi kae: Pathen kha vâr kae, khana ama hneng inthim inti hi om hêrmak.

JOHN INKHATNA 2:4

Ama kamanhret jo kati hei, tâk aṭongpek chu juilo hei kha malei kaseihei kae khana anhnenga akadik kha om mak.

JOHN INKHATNA 2:9

Vâra ka-om ung kati hei, tâk ansōpuihei chu aka-en kadahei kha, tûn katlunga hin khō inthim shunga alaka-om hei kae.

JOHN INKHATNA 3:10

Hivahi Pathen sa leh Diabol sa inkârna inchêntak a inlârna kha kae; tu achang inum ṭōndik katlomak leh mihlop inlungset mak mi kha Pathen sa changmak hei.

JOHN INKHATNA 3:6

Khava jâra tu achang inum Christa leh inchun a aka-om ṭhak mi khan setna tlomanjôn mak jo ning; tâk setna lakatlo injôn mi khachu Christa kha lahmu mak, manhret um lamanhret mak.

JOHN INKHATNA 4:16

Khana Pathen in nichunga lungsetna anei kha eini’n nimanhret khana nitaksen. Pathen kha lungset kae, lungsetna shunga akahring hei kha Pathen leh inchun a kahring hei, khana Pathen kha anmani leh inchun a ka-om.

JOHN INKHATNA 4:7

Kaṭhōn marit hei, eini khat leh khat inlungset rih; ajârchu lungset hi Pathena inphut kae. Tu achang inum lungsetna kanei mi kha Pathen sa leh Pathen inhret kha kae.