JOHN INKHATNA 4:2 - LEKHARABU INTHENG (BSI)

² Hing’hin Pathen Rathla achang leh achangmak nangni’n nanmanhret thei sik; ti chu Jesu Christa kha mihring jōng kachang kati kha Pathena inphut akajōng Rathla kha achen jo kae.

JOHN INKHATNA 4:2 ပူးပေါင်းရင်းမြစ်များ

JOHN 1:14

Ṭong kha mihring jōng kachanga maritna leh dikna kasip phet a nikâra ka-om. Alûrna kha kanleihmu, Apa Sapa inkhat rōk achangna aleichen lûrna kha kae.

CORINTHIANHEI INKHATNA 12:3

Tûnchu manhret jo ruh, ti chu Pathen Rathla taṭhōi mi tûte’n, “Jesu kha hâksêr kachen kae,” titor mak ning; khan chu Rathla Intheng taṭhōimak mi tûte’n, Jesu kha, “Rōngpu kae,” tia phôngtor mak ning.

TIMOTHY INKHATNA 3:16

Eini bekṭong in-ip lenje hi tûte’n emak titheimak hei ning: Ama mihringa hong inlâr, Rathla khan kadik tia amalâr, khana ngeva he’n anleihmu. Jât-hlop hei kâra ama ṭong le’nhrile, vânhnōi pumpui in anleitaksen, khana marvâna ṭhōitoua leika-om jo.

JOHN INKHATNA 1:2

Hiva hringna hi hmuthei ahongchang jo pha, keini’n kanleihmu jo; khava jâra Pa leh aleika-omsap kumsôt hringna kantahong manhret jo kha keini’n kanhrilea kanmanthei chei.

JOHN INKHATNA 2:23

Ajârchu Sapa kahnōm mak mi khan Pa kha’m ahnōm mak kae, Sapa inhlâng mi khan Pa kha’m arahlâng kae.

JOHN INKHATNA 4:15

Tu achang inum Jesu Christa kha Pathen Sapa kae tia akaphôngsōt kha Pathen leh inchun a aka-om kae; khana Pathen kha ama leh inchun a aka-om kae.

JOHN INKHATNA 4:3

Tâk-kha Jesu chunga akahnōm mak rathla kha Pathena inphut changmak. Ama rathla chen khachu Christa kadōipa a inphut kae; nangni’n ajōngna sik ṭong nanthei, kha tûn vânhnōia ka-omdek joa kae.

JOHN INKHATNA 5:1

Tu achang inum Jesu hi Messiah kae tia akataksen kha Pathen sa kae; khana pa inkhat inlungset mi khan asa kha’m alungset a kae.

JOHN INHNINA 1:7

Jesu Christa kha ralei mihring ajōng kachang kha akahnōm mak, mikahōn inthla katamtak vânhnōi raleichunga hong kasōk jo hei. Khava mihei kha Christa kadōi mikahōn inthla hei kha kae.