JOHN INKHATNA 4:10 - LEKHARABU INTHENG (BSI)

¹⁰ Lungset kha hi kae: eini’n Pathen nilungset jâra changloa, ama’n eini alungset mea nisetnahei rangei mandam theina sik a Sapa kha ajōngtir kha kae.

JOHN INKHATNA 4:10 ပူးပေါင်းရင်းမြစ်များ

DANIEL 9:24

“Namihei leh nakhōpui intheng kha setna leh akaṭhamak inphut masōsōtna sik Pathen in kum 70 et kha vōi 7 kasôt aṭhensōt a ada jo. Ṭongsân leh hmangtalâr kha hui atlungna sik, khana a’ntheng Bek-inn avea manther sōtna sik a, setna rangei mandam sik khana kumleikōa dikna kha matungsōt sik kae.

JOHN 13:34

Khana tûn ke’n nangni ṭongpek ther kapek chei kae: khat leh khat inlungset ruh. Ajârchu ke’n nangni kalungset chei kapōa, nangni khat leh khat a’nlungset nger sik chei kae.

JOHN 15:16

Nangni’n kei nantakadei eng changmak; nangni nanvase leh kara katamtak kasôttak a a’nra sik a, ke’n nangnijôk kakadei cheia kamanṭang chei kae. Khava jâra hei-achang inum kapa hneng karahminga nantader kha Pa khan apek sik chei.

JOHN 3:16

Ajârchu Pathen in vânhnōi ralei hi hingtuk hrep alungset jâra Asapa inkhat rōk kha apek jo, tu achang inum ama kataksen kha thimak ning, tâk kumleikōa hringna anei sik kae.

JOHN 6:51

Kei marvâna inphut akajōng hringna buhlom eng kha kae. Tu achang inum hiva buhlom kasâk mi kha ahei tik chen a kahring sik. Khana ke’n ama kapek sik buhlom kha kataksa ravōi hi kae, hivahi vânhnōi hringna sik a kapek kha kae.”

HEBREWHEI 2:17

Hiva tina chu mihei setna kha rangei mandamna sik, apathen ṭōn tlona chunga khan anmani sik taksenthei leh maritna kasip Thempu Kalen achang theina sik, ahlam rakip a asōpuihei kapōa ama’m akachang sik leikasōk jo.

PETER INKHATNA 2:24

Eini hi setna shunga nithi theina sik khana akadik a nihring theina sik Christa amatak in nisetnahei kha ataksa chunga thingrakea arôn pek me kae. Asungbi rôn vâng khan nangni amandam jo chei kae.

PETER INKHATNA 3:18

Ajârchu, nangni Pathen hneng aṭhōi theina sik chei, mikaṭha inkhat kha mikaṭhamak-hei sik, Christa kha setna jâra aheitik a sik vōi khat kathi jo. Ama taksa a anleithat jo, tâk rathla a manhring jo kae.

JOHN INKHATNA 2:2

Khana niset inthengna kha Christa ama khet kha kachang jo, einihei setna rōk changmak, tâk mi rakip setna kha’m kae.

JOHN INKHATNA 3:1

Enruh, Pa’n heituk-hrep a alungset me mo! Alungsetna kha hingtuk hrep kalen khachu eini hi Pathen sa ati jo me, khava jâra kadiktak a asa kha kachang jo me. Vânhnōi in Pathen kha anmanhret mak jâra eini antamanhret mak me kae.

JOHN INKHATNA 4:19

Pathen in ahma inkeia alungset me jâra eini’n ama nilungset kae.

JOHN INKHATNA 5:11

Khava sâkhi kha hi kae: Pathen in kumsôt hringna apek jo me, hiva hringna hi asapa a inphut ahong kasōk kae.