JOHN INKHATNA 4:1 - LEKHARABU INTHENG (BSI)

¹ Kaṭhōn marit hei, Rathla kachen ung kati rakip taksen mak hei ruh; tâk anmani rathla nei kha Pathena inphut mo enmansin hei ruh. Ajârchu sânkathem kadikmak katamtak hmun rakip a kasesōt jo heia kae.

JOHN INKHATNA 4:1 ပူးပေါင်းရင်းမြစ်များ

RENGHEI INKHATNA 13:18

Khana Bethel a sânkathem katerpa khan ahnenga ati, “Kei um nang kapōa sânkathem inkhat eng kae, khana Rōngpu ṭongpek a ngeva inkhat in kahnenga ahri pek eng dungjuia nang hi ka-inna kaṭhōi chea sâk leh in pek sik chea ahei tir eng kae.” Sânkathem katerpa khan maleiseia ahri kae.

ṬONGCHÎK-HEI 14:15

Mikamo’n heirakip ataksen sik; mandonna kanei he’n ankethonna sik an-ensui.

JEREMIAH 14:14

Tâk-kha Rōngpu’n amasôn eng, “Sânkathemhei khan karahminga maleisei antahri kae; ke’n tir mak hei eng, anhnenga ṭongpekna heikhat achangmak leh mi hnenga ṭong inkhat avakahri sik pek mak hei eng. Anmani’n hnunga kasōk sik omchen antahrisōt kha kei hnenga inphut changmak, hmangna kase anmandonna kha antahrisōt kae.

JEREMIAH 23:16

Chunghnung Rōngpu’n Jerusalema mihei hneng ahri, “Sânkathemhei ṭonghri kha rangei mak ruh; akadik mak inhōrna vâng anmansip chei. Anmani’n kei tahri kha hrimak hei, anmani tamandon kha anhri pek cheia kae.

JEREMIAH 5:31

Sânkathem he’n maleisei tei loa heite hrimak jo hei, thempu he’num sânkathemhei ṭongpek a vai anrôn jo, khana kamipui he’num heite inphin mak jo hei. Tâk heirakip ahong inchai pha khan anmani’n heimo antatlo sik jo?”

MARK 13:21

“Khava pha tu mo inkhat in, ‘Enruh, Messiah kha hin ka-om!’ a-emak leh, ‘Enruh, son ama ka-om,’ antia achang inum taksen mak ruh.

LUKE 12:57

Akadik tlona sik a heisa mo nanbing chunga a’n-ensin mak chei?

LUKE 21:8

Jesu’n ati, “Nangni mihe’n anhōn mathlâk makna sik chei insing thei ruh. Ajârchu mi katamtak in kei sik a ṭongkahri ung antia kahong sik hei, ‘Kei ama eng kha kae,’ khana, ‘Apha jōng katlung jo,’ anti sik.

ṬŌNTLOHEI 17:11

Khava hmun a ka-om mihei kha Thessalonica mihei kanek a anmalung le’ntheng. Anmani’n ṭong inhri kha malung kahluttak a anleirangei, khana Paul tahri kha akadik khet mo ti hmusōtna sik a nitina Ṭong intheng anleiteia kae.

ṬŌNTLOHEI 20:29

Kadahlon chei kahnunga nankâra kahne kahrâng heikahlut sik hei, khana kemōng rup kha that loa damak hei ning ti hi kamanhret.

CORINTHIANHEI INKHATNA 12:10

Rathla khan mi inkhat hneng ṭōn-inlak tlotorna ratha apek; khan chu mihlop inkhat hneng Pathen ṭonghri theina kutchoi apek; khana mihlop inkhat hneng Rathla a inphut akajōng kutchoi akae leh aka-emak hrisōt theina apek a kae. Mi inkhat hneng ṭongsō inlak a ṭong theina, mihlop inkhat hneng khava ṭongsō inlak kha hrimanchên theina ratha apek a kae.

CORINTHIANHEI INKHATNA 14:29

Mi 2 a-emak leh inthumlim in Pathen ṭong kha hri hei rasoh, alak he’n anṭong hri kha ensui hei rasoh.

THESSALONIANHEI INKHATNA 5:20

rathla manhlimna ṭong inhri hei kha hnōise mak hei ruh.

THESSALONIANHEI INKHATNA 5:21

Heirakip entetōk ruh: akaṭha kha ching ruh

THESSALONIANHEI INHNINA 2:2

Rōngpu Kani kha jōng katlung jo tia sânkathem inkhat in asânsōt inum kabeitak a inhmak mak ruh a-emak leh malung manrim mak ruh. Khana keini hei taheimazet anti’num kabeitak a taksen mak ruh, ṭimak ruh.

TIMOTHY INKHATNA 4:1

Pha hnung intonga chu mi ṭhahrep in antaksenna kha andahlon sik tia Rathla khan inthengtak a ahria kae; anmani’n rathla malei kasei anjui sik khan chu ṭaihei mansena anjui sik a kae.

TIMOTHY INHNINA 3:13

mikaṭhamak-hei leh a’nṭhat hlemsak-hei kha anbinga inhōn inthla sik hei, khana milak um anhōn sik hei, mise anchangna inphut akasechet kachang sik hei.

PETER INHNINA 2:1

Hmalai mihei kâra sânkathem kadikmak le’nlâr hei, khava leh in-anghrep a mi’nthei kadikmak hei nankâra ahong inlâr sik hei kae. Anmani’n ankahuk ankapu kha hnōm mak heia, khana insena kadikmak insuk-inpaina anheirônsōt sik, khana manhret manloa anbinga insuk inhmangna antamasō sik kae.

JOHN INKHATNA 2:18

Kasahei, a’nchaina sik kahnai jo! Christa kadōipa ajōng sik ṭong nangni anleimanthei jo chei; tûn Christa kadōi katamtak ho’nlâr jo hei, khava jâra a’nchaina sik pha kahnai jo ti hi nimanhret.

JOHN INKHATNA 2:7

Kaṭhōn marit hei, hiva ṭongpek kaheimazet chei hi ather changmak; a’nphutbia nantaneisa ṭongpek marō kha kae. Ṭongpek marō khachu nanta leitheisa jo kha kae.

JOHN INHNINA 1:7

Jesu Christa kha ralei mihring ajōng kachang kha akahnōm mak, mikahōn inthla katamtak vânhnōi raleichunga hong kasōk jo hei. Khava mihei kha Christa kadōi mikahōn inthla hei kha kae.

JOHN INTHUMNA 1:11

Kasōpui marit, akaṭhamak kha inchu mak roh, tâk akaṭha kha inchu roh. Tu achang inum akaṭha katlo kha Pathen ta kae; tu achang inum akaṭhamak katlo khan Pathen lahmu mak.

ṬONGPHÔNG 2:2

Naṭōn leitlo ke’n kamanhret; khangtuk hrep de akahrat chea khangtuk ṭōn intatak natlo kha ke’n kamanhret. Khan chu sonle chu changloa sonle kachang ung kati hei, nang in na-enmansin heia, mimalei kasei anchang kha nasursōt heia, mikaṭhamak-hei nang in namadim tor mak kha kamanhret.