JOHN INKHATNA 3:8 - LEKHARABU INTHENG (BSI)

⁸ Tu achang inum setna katlo injônṭhak mi kha Diabol ta kae, ajârchu Diabol khan a’nphutbia inphut setna aleitloa kae. Diabol ṭōntlohei kha akasuk inhmang sik a Pathen Sapa kha ajōng inlâr kae.

JOHN INKHATNA 3:8 ပူးပေါင်းရင်းမြစ်များ

A’NPHUTNA 3:15

Nang leh nuhmeinu kâra in-enkadana kaman om sik jo; nuhmeinu sōn in nalu asukkhōi sik khana nang in asōn apâr kerahmit namachuk pek sik kae,” ati.

ISAIAH 27:1

Khava kani ning khan Rōngpu’n Leviathan, a’nze lele leh a’nher lele rihren tuipui shunga aka-om takpum kalen kha karâkna sik leh thatna sik a ratha kaneitak mithatna achemjâm kha ahmang sik jo.

MIJAHEI 21:9

Khava jâra Moses’n sum-êng mari inkhat lim asyema thingtlōn inkhat a atâr jo. Tu mo inkhat mari’n amachuk jo mi khan a-en inchu akadam sik kae.

MATTHEW 12:28

Beelzebul tapek eng changmak, Pathen Rengram kha nankâra jōng katlungdek jo ti manchênna sik ṭaihei hnongsōt torna ratha hi Pathen Rathla tapek eng kae.

MATTHEW 13:38

hlei kha vânhnōi ralei hi kae; hmuchi kaṭhahei kha rengram a mihei kha kae; kaharhei kha Akaṭhamak Inkhatpa mihei kha kae;

MATTHEW 4:3

Khava sōa Diabol kha ahnenga kahonga ati, “Nang Pathen sapa nachang inchu hiva hlunghei hi buhlom changna sik ṭong pe roh.”

MARK 1:24

“Nazareth Jesu, keini heimo namanlo hnōm ung? Kankasuk inhmang sik a hin akahong che mo? Nang tu nachang kamanhret che, nang Pathena inphut a’ntheng ṭongkarôn inkhat che kae!” aleiti.

LUKE 10:18

Jesu’n amasôn hei, “Ke’n mar-vâna inphut khō inphe kapōa Seitan ajōngkatla kahmu.

JOHN 12:31

Tûn pha hi raleichung ṭong tanna sik pha jo kae; tûn hiva raleichung vaikarônpa kha nam mathlâk sik jo kae.

JOHN 16:11

Anmani ṭongtan chungchânga anṭhe, ajârchu hiva raleichung vaikarônpa kha aṭong a’ntansōsa jo kae.

JOHN 8:44

Nangni chu nanpa Rathla Kadikmak sa chei kae, khana nanpa kachang lungdo kha nantajui kae. Ama chu anphutbia inphut mikathat kae, ṭongdik langa khan omphung mak ajârchu ashunga ṭongdik kha om mak. Maleisei ahri kha ama ngaihrep ahri kae ajârchu ama chu malei kasei khana malei kaseihei pa kha kae.

ROMANHEI 16:20

Khana nilung mōngna kung Pathen in inrangtak a Seitan kha nanke thōia amanchōn rachi sik chei kae. Ni-Rōngpu Jesu Christa maritna nanchunga om rasoh.

EPHESIANHEI 2:2

Vânhnōi ṭhatmakna hlam kha nanleijui; nangni’n khava lai khan tuna Pathen ṭong kajuimak mihei kathlimpa, bōirōk a ratha kanei, rathla vaikarônpa nanleijuia kae.

COLOSSIANHEI 2:15

Khana khava thingrake chunga khan rathla vaikarôn leh ṭong kaneihei ratha neina inphut Christa kha abinga insō jo; ama’n aretorna shunga mipuihei kha rehringa sur hei kapōa hlam akei injôkpui heia mipui ta-en sik a atloa kae.

TIMOTHY INKHATNA 3:16

Eini bekṭong in-ip lenje hi tûte’n emak titheimak hei ning: Ama mihringa hong inlâr, Rathla khan kadik tia amalâr, khana ngeva he’n anleihmu. Jât-hlop hei kâra ama ṭong le’nhrile, vânhnōi pumpui in anleitaksen, khana marvâna ṭhōitoua leika-om jo.

HEBREWHEI 2:14

Ama’n naipanghei ati kha, taksa leh thisen mihei anchang jâra, Jesu amatak kha’m anmani kapō inkhat hong kachanga, anmihring ngai ahongchenpui hei. Khana ama thi jâra Diabol, thina chunga ṭong kaneipa, kha asuk manhmang theina sik ama’n hivahi aleitlo jo,

HEBREWHEI 9:26

khanga achang inchu, vânhnōi ralei insyembia inphut ave-avea inrimna aleide jo akachang sik kae. Kha changloa, tûnchu pha rakip a’nchai sik ting, ama intōksōtna hin setna rakip a’nthengna sik ahei tik a sik a vōi khat rōk ava’nlâr kae.

PETER INHNINA 2:4

Marvân ngeva akaset hei kha, Pathen in ṭhensōt mak hei, tâk Ṭongtan Ning kani kahngâk a anmani kha thirhrui vâng akhit heia, khō inthim hmun khurkōk a ahlon manhlut sik heia kae.

JOHN INKHATNA 1:2

Hiva hringna hi hmuthei ahongchang jo pha, keini’n kanleihmu jo; khava jâra Pa leh aleika-omsap kumsôt hringna kantahong manhret jo kha keini’n kanhrilea kanmanthei chei.

JOHN INKHATNA 3:10

Hivahi Pathen sa leh Diabol sa inkârna inchêntak a inlârna kha kae; tu achang inum ṭōndik katlomak leh mihlop inlungset mak mi kha Pathen sa changmak hei.

JOHN INKHATNA 3:5

Setnahei kalosōt sik a Christa kha jōng inlâr khana ama chu setna heite neimak ti hi nanmanhret.

JOHN INKHATNA 5:19

Akaṭhamak Inkhatpa vairônna thōia vânhnōi ralei pumpui hi a-om inum eini chu Pathen ta me kae ti hi eini’n nimanhret.

JUDE 1:6

Khan chu marvân ngevahei anratha neinahrep shunga aka-om mak hei, anhmun kadahlon hei kha: kani lûnpui ninga maset kachen sik heia, kumsôt a thirhrui vâng Pathen in akhit heia, ralei thōi inthim shunga akhum hei hi nangni’n mandonsōt ruh.

ṬONGPHÔNG 20:10

Khava pha mikahōn inthlapa, Diabol kha kât kakâng hmei dîr shunga anhlon manhlut jo, khava hmun a khan ranhring leh sânkathem inhlem hei khachu aleika-omsa jo hei kae; khana khan asûn-ajâna khōdengthei are-rea mande sik jo kae.

ṬONGPHÔNG 20:15

Tu achang inum hringna lekharabu shunga arahming aka-om mak mi khachu hmei dîr shunga anhlon manhlut jo hei.