JOHN INKHATNA 3:3 - LEKHARABU INTHENG (BSI)

³ Christa kha a’ntheng achang kapōa, tu achang inum Christa a inhōrna kanei mi kha abinga a’nsuk intheng kae.

JOHN INKHATNA 3:3 ပူးပေါင်းရင်းမြစ်များ

SAMUEL INHNINA 22:27

Malung intheng hei hnenga namalung intheng; tâk mikaṭhamak-hei hnenga na’nrepuihei.

MATTHEW 5:48

Marvâna nan-Pa kha pui katluk kapōa, nangni um pui akatluk nger sik chei kae.

LUKE 6:36

Nanpa lungset kathem achang kapōa nangni lungset them ruh.

JOHN 17:19

Anmani’m kadiktak a nang hneng an-intōksōt theina sik anmani sik kei kabinga nahnenga a’ntōksōt eng kae.

ṬŌNTLOHEI 15:9

Ama’n einihei leh anmani anikhōi ṭhenna heite damak jo, ajârchu anmani’m antaksenna jâra ansetnahei arangei mandam pek jo hei.

ROMANHEI 15:12

Khana avea, Isaiah’n ati, “Jesse sōn inkhat jōng inlâr sik; ama Jât-hlop hei vai karôna kajōng sik, khana ama chunga inhōrna annei sik.”

CORINTHIANHEI INHNINA 7:1

Kaṭhōn marit hei, hihei seng hi eini hnenga aṭongtep kha kae. Taksa leh rathla a’ntheng makna inphut nibing et a inthengsōt rih. Khava jâra Pathen kaṭittak a om me sona, pui katluktak a inthengna sik jong rih.

COLOSSIANHEI 1:5

Hma inkeitak a Ṭong kaṭha, akadik ṭong nanhnenga ahong pha khan inhōrna apekna chei kha nanthei jo. Khava jâra marvân chunga nangni sik a injentak a aleika-om sik a inhōrna nantanei chunga khan nantaksenna leh lungsetna hei hi’m a’nhnga hei kae.

THESSALONIANHEI INHNINA 2:16

Ani’nlungset leh amaritna vâng akatlasam mak ratha hrokna leh inhōrna kahnet anikapek ni-Pa Pathen leh ni-Rōngpu Jesu Christa khet khan,

TITUS 3:7

ama maritna vânga Pathen leh inchun a akadik nichangna sik khana ni’nhōrna kumleikōa hringna kha nichenna sik a kae.

HEBREWHEI 12:14

Mi rakip leh intōk inchamna sik leh hringkhō inthenga omna sik tak intlo ruh, ajârchu khava loa chu tûte’n Rōngpu kha hmutor mak ning.

HEBREWHEI 6:18

Hiva thlengthei kaemak 2 hi ka-om hei, khahei chunga Pathen amalei seitor mak. Khava jâra ama leh inhukna kachen jo me eini hmaikunga inhōrna adapek me kha kahnet a nimatu tlitna sik inhnaktak a amathok me kae.

HEBREWHEI 7:26

Khava jâra nirangei anikapek inthluktor Thempu Kalen kha Jesu hi kae. Ama a’ntheng kae. Ama’n setna leh sukṭhena heite neimak; ama mikase heia inphut ahlop a dasōt a ka-om khana marvânhei chunga keitou kachang jo.

JAMES 4:8

Pathen heihnai ruh, khan chu ama’n ahei hnai sik chei. Eh mikaset-hei; nankut sôp mantheng ruh! Eh a’nhri inṭhat hei, nanmalung mantheng ruh!

PETER INKHATNA 1:15

Khava kanek a chu, nankabekpa a’ntheng kapōa nantlona rakip a intheng ruh.

PETER INKHATNA 1:3

Eini’n ni-Rōngpu Jesu Christa Pa leh Pathen kha inpâkna pek rih! Ama maritna me jâra Jesu Christa thina inphut akei mathōina vâng khan eini hringkhōther apek jo me. Hivahin akahring inhōrna kha apek mansip me,

PETER INHNINA 1:4

Hing’hin aṭong tepna kutchoi kalen leh mankatam kha apek jo me, hiva kutchoi vânga hin raleichunga inhmang theina madu rangeia inphut sōksōt theina sik, rathla omngai kha nanhongchen theina sik a kae.

PETER INHNINA 3:14

Khava jâra kaṭhōnhei, khava Kani nanhngâk lai, Pathen hmit-hmua ṭhenakase a’nthengseng changna sik, khana ama leh kamōnga omtheina sik nantorchena tak intlo ruh.

JOHN INKHATNA 2:6

khachu, Pathena ka-om ṭhak eng kati hei kha’n, Jesu Christa taleitlo kapōtak a akahring sik hei kae.

JOHN INKHATNA 4:17

Ṭongtan ning khan inngamna nineina sik nishunga lungsetna kha pui amathlukpek me, khana vânhnōia nihringkhō hi Christa kapōhrep nichang jo jâra khavakha eini’n ninei sik.