JOHN INKHATNA 3:23 - LEKHARABU INTHENG (BSI)

²³ Ama ṭongpek khachu, Christa’n ṭong aleipek me kapōa, eini khat leh khat a’nlungset sik me khana asapa Jesu Christa rahming nitaksen sik hi kae.

JOHN INKHATNA 3:23 ပူးပေါင်းရင်းမြစ်များ

HLAHEI 2:12

Ratha innok pum a ahnenga inkun ruh; kha achangmak inchu ahnuk kha inranga hongkana sik, khana nangni inrangtak a kathi sik chei. Ama tahrung sik a ahnenga akase rakip kahōihei!

MATTHEW 22:39

Inhni tlukna akakhôk pen khachu: ‘Nang nabinga na’nlungset kapōa nakhō naven lungset roh,’ ti hi kae.

MARK 9:7

Khava sōa sumtuk inkhat jōngkasōk a adaihlim khan amakhusi jo hei khana sumtuk a inphut rasa inkhat kajōnga, “Ama hi ka-Sapa marittak kae, aṭong rangei ruh,” ati.

JOHN 1:12

Achang inum, mi ṭhahrep in, ama anlei rahlânga antaksen; khava jâra Pathen sa anchangna sik ratha apek hei.

JOHN 13:34

Khana tûn ke’n nangni ṭongpek ther kapek chei kae: khat leh khat inlungset ruh. Ajârchu ke’n nangni kalungset chei kapōa, nangni khat leh khat a’nlungset nger sik chei kae.

JOHN 14:1

Jesu’n ahnenga ati, “Nanmalung manrim mak ruh: Pathen taksen ruh, khana ke’m ataksen ruh.

JOHN 15:12

Ke’n nangni kalungset chei kapōa, nangni khat leh khat inlungset ruh, ti hi kaṭong pek chei kae.

JOHN 17:3

Khana kumsôt hringna ti hi chu nang, akadik Pathen inkhat rōk, manhret hi leh najōngtir Jesu Christa manhret hi kae.

JOHN 2:23

Rakan Kût reveilai Jesu Jerusalema a-om shunga ṭōn-inlak katamtak atlosōt anhmu jâra mi katamtak in antaksen jo.

JOHN 3:18

Tu achang inum Sapa kataksen rakip chu aṭong intanmak ning, tu achang inum akataksenmak rakip kha ṭongtansa jo hei kae, ajârchu ama’n Pathen Sapa inkhat rōk kha leitaksen mak jo.

JOHN 6:29

Jesu’n amasôn hei, “Pathen in nangni amantlo hnōm chei ṭōn kha hi kae; ama’n ajōng tirpa kha taksen ruh.”

ṬŌNTLOHEI 16:31

Anmani’n anmasôn, “Rōngpu Jesu taksen roh, kha achang inchu nang leh na-innshung hukmanhring nanchen sik.”

EPHESIANHEI 5:2

Christa khan eini alungset mea, Pathen malung tlaina marim katui tōkna leh inthoina inkhat kachanga ama abinga eini sik jâra anpek sōt kapōa nangni um lungset in ching chei rasoh.

THESSALONIANHEI INKHATNA 4:9

Nanloi akataksenhei lungset sik chunga avea heimazet sik rangei mak jo. Ajârchu inkhat leh inkhat heikhonga a’nlungset sik chei mo ti hi nanbingkhet a Pathen in amanthei jo chei.

TIMOTHY INKHATNA 1:15

Pui katluk a rahlâng sik leh taksen sik a akadiktak ṭong inhri kha hi kae: Mikaset-hei kahuk inhring sik Jesu Christa kha vânhnōia kajōng. Ankâra akasetpen kha kei eng kae,

PETER INKHATNA 1:22

Khava jâra tûnchu aṭong nanjui jâra nanbinga insuk intheng jo chei, khana akataksen loihei chunga inthengtak a lungsetna nannei jo; nanmalung pumpuia lumlotak a khat leh khat inlungset jo ruh.

PETER INKHATNA 4:8

Heirakip chunga nangni khat leh khat lungri tak a inlungset ruh, ajârchu lungset in setna katamtak akahuksia kae.

JOHN INKHATNA 2:7

Kaṭhōn marit hei, hiva ṭongpek kaheimazet chei hi ather changmak; a’nphutbia nantaneisa ṭongpek marō kha kae. Ṭongpek marō khachu nanta leitheisa jo kha kae.

JOHN INKHATNA 3:11

A’nphutbia inphut nantaleithei ṭong manrôn kha hi kae: eini khat leh khat a’nlungset sik me kae.

JOHN INKHATNA 4:15

Tu achang inum Jesu Christa kha Pathen Sapa kae tia akaphôngsōt kha Pathen leh inchun a aka-om kae; khana Pathen kha ama leh inchun a aka-om kae.

JOHN INKHATNA 4:21

Christa ṭong pek me kha hi kae: Pathen inlungset mi rakip khan asōpui kha’m alungset nger sik kae.

JOHN INKHATNA 5:13

Pathen Sapa akataksen nangni’n kumsôt hringna nannei jo ti nanmanhret theina sik hivahi kaheimazet kae.