JOHN INKHATNA 3:22 - LEKHARABU INTHENG (BSI)

²² Eini’n aṭongpek nijuia, amalung tlaina kha nitlo achang jâra nider rakip ahnenga inphut nichena kae.

JOHN INKHATNA 3:22 ပူးပေါင်းရင်းမြစ်များ

JOB LEKHARABU 22:26

Kha achang inchu Pathen kha nataksen ṭhak sik jo khana ama kha nang hōina kung kae tia namanhret sik jo.

HLAHEI 10:17

O Rōngpu, a’nsinsak hei derna nathei pek sik hei; nang in anmani vak neina napek sik hei.

HLAHEI 34:4

Ke’n Rōngpu hneng kader, ama’n amasôn eng; ṭitna rakip a inphut amasō eng.

HLAHEI 50:15

Nan-inreng pha leh kei eibe ruh; kahuk sik chei, khana nantamanpâk sik eng kae.”

ṬONGCHÎK-HEI 15:29

Mikaṭha he’n derna annei pha Rōngpu’n arangei pek hei, tâk mikaṭhamak-hei derna chu donpek mak hei.

ṬONGCHÎK-HEI 28:9

Dân najui mak inchu, naderna kha Pathen in mater ka-om tak a athei sik.

ISAIAH 1:15

“Nangni’n derna nankut nankalâng pha, ke’n enmak chei ning. Heituk nandera achang inum, theipek mak chei ning, ajârchu nankut hei kha thisen in akatoma kae.

JEREMIAH 33:3

“Kei eibe roh, ke’n kamasôn sik che; namanhret hêrmak a’nlak tatak kahri pek sik che.

MATTHEW 17:5

Khang’khan ama aṭonglai khan sumtuk kabang hlom inkhat in amakhusi heia khana sumtuk kâra rasa inkhat in, “Ama hi Kasapa marit kae, achunga kamalung katlai, aṭong hri rangei ruh,” ajōng tia kae.

MATTHEW 21:22

Nantaksen inchu, nantader rakip kha nantahmu sik kae,” ati.

MARK 11:24

Hiva jâra kamanthei chei kae: nangni’n nander pha khana hei-inkhat nanngek pha, kanhmu jo tia taksen ruh, nantader rakip kha a’npe sik chei kae.

JOHN 14:13

Sapa inphut Pa lûrna kha anhmu theina sik, karahminga nantader rakip kha ke’n katlo pek sik chei.

JOHN 15:10

Ke’n kapa ṭongpek kajuia alungsetna a khan aka-om ṭhak eng kapōa, nangni’n kaṭong pek chei nanjui inchu, kalungsetna cheia khan aka-om ṭhak chei kae.

JOHN 15:7

Nangni keia nan-om ṭhak a, khana kaṭong nangni shunga a-omṭhak a achang inchu, hei-achang inum nangni’n nanta madu nantader kha nanchen sik.

JOHN 6:29

Jesu’n amasôn hei, “Pathen in nangni amantlo hnōm chei ṭōn kha hi kae; ama’n ajōng tirpa kha taksen ruh.”

JOHN 8:29

Khana anijōng katirpa khan a’nṭhōipui eng, kabinga amasō mak, ajârchu ke’n amalung tlaina aheitik a katlo ṭhak a kae.”

JOHN 9:31

Pathen in mikaset-hei tader theipek mak; tâk ama kajana kapek hei leh amadu hlam katlo mihei derna athei pek hei ti eini’n nimanhret.

ṬŌNTLOHEI 17:30

Mihring he’n Pathen anleimanhret mak laia pha kha Pathen in-enmak jo, tâk tûnchu hmun rakip a mi rakip hneng anṭhatmakna hlam a inphut anhong inhena sik ṭong pekna anei jo hei.

ṬŌNTLOHEI 20:21

Jehudihei leh Jât-hlop hei hneng in-angtlinga ansetna inphut Pathen langa anhong inhena sik leh ni-Rōngpu Jesu antaksenna sik a khôk saktak a kaleihri pek hei.

PHILIPPIANHEI 4:18

Khava jâra, hivahin nankutchoi pek eng rahlângna lekha kha ka-om, ahmangna sik kakhea katam jo! Tûn Epaphroditus in nankutchoi rakip ahei rôn pek enga madu rangei rakip kachen jo! Hihei hi Pathen hnenga a’ntōksōt arahlângthei inthoina marim katui kapō hei kha kae.

COLOSSIANHEI 1:10

Khana inphut ahei tik a Rōngpu malung tlaina ṭōn nantlo sik khana alungdo dungjuia kahringthei sik jo chei. Khana Pathen manhretnating kakhang sik chei khana nanhringkhōa ṭōn kaṭha rakip kara kanei kachang sik jo chei.

JAMES 1:5

Tâk-kha nankâra tu achang inum singna tinga akatlasam a-om inchu anikapek sik Pathen hneng ama’n der rasoh, ajârchu Pathen in mi rakip malung kalentak a leh marittak a apek hei kae.

JAMES 4:3

Khana nangni’n nander pha hmumak chei ajârchu nanmalung rôn dikmak a kae; nanbing hōina sik a nandera kae.

JAMES 5:16

Khava jâra nangni inkhat leh inkhat nansetnahei inhri sōttō una, nandam theina sik inderpek ruh. Mikadik derna khan ratha kaneitak a ṭōn atlo.

JOHN INKHATNA 2:3

Pathen ṭongpek kha nijui inchu, ama nimanhret jo ti hi inchên.

JOHN INKHATNA 5:14

Eini’n Pathen hmaikunga inngamna ninei, ajârchu Pathen lungdo dungjuia heirakip eini’n nider inchu ama’n athei pek sik me ti nimanhret manchênna kae.