JOHN INKHATNA 3:2 - LEKHARABU INTHENG (BSI)

² Kaṭhōn marit hei, eini Pathen sa kachang jo me, tâk heimo ahong kachang sik me ti lahong inlârmak. Tâk-kha eini’n hi nimanhret ti chu Christa ajōng inlâr pha, ama kha nipō sik jo, ajârchu ama atak-khet kha inchêna nihmu sik jo.

JOHN INKHATNA 3:2 ပူးပေါင်းရင်းမြစ်များ

JOB LEKHARABU 19:26

Kataksa vun rahlung in asâk jo’num, hiva taksa kalōnga ka-omlai hin ke’n Pathen kha kalahmu sik.

HLAHEI 16:11

Nang in hringna ram tinga akase hlam kha namanhmu sik eng; nang omna khan kei inpâkna amansip eng, khana ahei tik a inpâkna kha ahei rôn pek eng.

HLAHEI 17:15

Tâk-kha kei chu, ṭhatmak katlomak jâra nang kahmu sik che; khana kahong inṭhang pha na-ompuina eng khan inpâkna amansip phet sik eng.

HLAHEI 31:19

Nang kajana kaneihei sik a nadapek neinâk-hei kha heituk-hrep a a’nlak jo hei mo! Mi rakip in heituk-hrep a akaṭha che mo, nang kataksenhei kha heituk kakhôk a nahrung hei mo ti hi anmanhret.

ISAIAH 56:5

narahming kha kabek-inn shunga khana sanu sapa katamtak nanei kanek a kamihei kâra kasôt chet a mandonsōtna aka-om sik kae. Nang ahei tik a mahngi changmak jo tin che.”

MALACHI 3:2

Tâk-kha ama ahong pha tu’n mo athōk tor sik? Ama ahong inlâr pha tu mo kahringa aka-om tor sik? Ama kha thirkheng manthengna phûmhmei kapō khana pōnsôpna sâbon ka-ang sik.

MATTHEW 5:8

“Malung intheng hei kha anmahâm kaṭha; Pathen antahmu sik kae!

LUKE 17:30

Khava kapōa Mihring Sapa ajo’nlâr ning khanga akachang sik kae.

LUKE 20:36

Anmani marvân ngeva ka-ang sik hei khana thithei mak hei ning, Pathen sahei kae ajârchu thina inphut akathōi jo hei kae.

JOHN 1:12

Achang inum, mi ṭhahrep in, ama anlei rahlânga antaksen; khava jâra Pathen sa anchangna sik ratha apek hei.

JOHN 11:52

Khana anmani sik rōk changloa, Pathen sahei seng inthek inchaia ka-om hei kha taksa pumkhat a ṭhōi manchuna sik um kae. 3

JOHN 17:24

“Apa! lûrna naleipek eng, khava kalûrna kha anmani’n anhmu theina sik nang in napek jo eng hei kha kei omna hmun a kaman om hnōm hei; ajârchu vânhnōi alei insyem mak hma nalei lungset jo eng.

ROMANHEI 8:16

Eini Pathen sa nichang kha phôngsōtna sik a Pathen Rathla khan eini rathla kha a’nchunpuia kae.

ROMANHEI 8:18

Tûn pha shunga eini’n khōdeng theina nide manrim hi leh hnunga nichunga ajōng katlung sik lûrna kha tethei changmak ning tia kamandon.

ROMANHEI 8:19

Pathen in asahei ajōng malâr sik hei kha kutsyem rakip in antahngâk hla et kae.

ROMANHEI 8:29

Sapa kha sōpui katamtak kâra upapen achangna sik, Pathen talei kadeisōtsa hei kha Sapa kapōa anhong changna sik, ahlop a aṭhensōt heia kae.

CORINTHIANHEI INKHATNA 13:12

Tûna nihmu hichu thle enna lim inhmakrōi kapō kha kae; khava sō leh chu hmai leh hmaia nilahmu sik. Ke’n tuna kamanhret hi ahar hrepte kae; khava sō leh chu pui katluk a, Pathen in pui katluk a amanhret eng kapōa kamanhret sik jo.

CORINTHIANHEI INKHATNA 15:49

Eini’n raleia a’nsyem mihring hmea a’nret me kapōa, marvâna inphut akajōng mi hme kapōa a’nret sik me kae.

CORINTHIANHEI INKHATNA 2:9

Achang inum ṭong intheng in ahri: “Tûte inkhat tahmu phungmak leh tathei phung hêrmak, tûte inkhat in kasōk sik tia amandon phungmak, khavatak kha, Pathen in ama inlungset hei sik a amantluk pek heia kae.”

CORINTHIANHEI INHNINA 3:18

Eini seng chu hmai makhu loa, Rōngpu lûrna kha nimalâra kae; khava lûrna Rōngpua inphut akajōng rathla khet khan ama kapōhrep a ahei tik a akalenpen lûrna a, nihme kha athleng pek jo mea kae.

CORINTHIANHEI INHNINA 4:17

Khana hiva pha bongkhat inrimna ajingte kantathōk hin pha kasôttak a akakhe chet lûrna sik aṭhōi sik ung kae, kan-inrimna kha mahâmṭhatna khan hingja akhe sik kae.

GALATIANHEI 3:26

Nangni Christa Jesua inchunna shunga taksen jâra nankhenga Pathen sa kachang jo chei.

GALATIANHEI 4:6

Nangni asa nuhngâk leh pase nanchang malârna sik, Pathen in Sapa Rathla kha nimalung shunga ajōng tira, khava rathla khan, “Apa, kapa” tia abek a kae.

PHILIPPIANHEI 3:21

Ama’n akatlasam akathithei nitaksa hi athlengsōt sik khana neinâk rakip avai rônna thōia akada ratha hratna kha ahmanga, ataksa kalûr kapōa eini’m asyem sik jo me.

COLOSSIANHEI 3:4

Nangni hringkhō kadiktak kha Christa kae khana ama ahon’lâr pha leh nangni’m ama leh ho’nlâr sik chei, khana alûrna nan chensap sik jo!

HEBREWHEI 9:28

Khava kapōa Christa kha’m mi katamtak setna kalosōt sik a vōi khat inthoina le’ntōksōt jo. Ama vōi 2 changna, setna chunga ensuina sik changloa, ama kahngâk ṭhak hei kahuk inhring sik a, alajōng inlâr nôk sik kae.

PETER INHNINA 1:4

Hing’hin aṭong tepna kutchoi kalen leh mankatam kha apek jo me, hiva kutchoi vânga hin raleichunga inhmang theina madu rangeia inphut sōksōt theina sik, rathla omngai kha nanhongchen theina sik a kae.

JOHN INKHATNA 2:28

Kadik, kasahei, ama leh inchun a omṭhak ruh, kha achang inchu, ama ahon’lâr ajōng ning Kani khan pui katluk inngamna kha ninei sik khana ahmai kunga inphut inzak a inthup sik kha rangei mak ning.

JOHN INKHATNA 2:7

Kaṭhōn marit hei, hiva ṭongpek kaheimazet chei hi ather changmak; a’nphutbia nantaneisa ṭongpek marō kha kae. Ṭongpek marō khachu nanta leitheisa jo kha kae.

JOHN INKHATNA 3:1

Enruh, Pa’n heituk-hrep a alungset me mo! Alungsetna kha hingtuk hrep kalen khachu eini hi Pathen sa ati jo me, khava jâra kadiktak a asa kha kachang jo me. Vânhnōi in Pathen kha anmanhret mak jâra eini antamanhret mak me kae.

JOHN INKHATNA 3:10

Hivahi Pathen sa leh Diabol sa inkârna inchêntak a inlârna kha kae; tu achang inum ṭōndik katlomak leh mihlop inlungset mak mi kha Pathen sa changmak hei.

JOHN INKHATNA 3:21

Khava jâra kaṭhōn marit hei, eini mandon ṭhen theina khan maset apek mak me’nchu, Pathen hmaikunga eini kangamtor sik mea kae.

JOHN INKHATNA 5:1

Tu achang inum Jesu hi Messiah kae tia akataksen kha Pathen sa kae; khana pa inkhat inlungset mi khan asa kha’m alungset a kae.

ṬONGPHÔNG 22:4

Anmachea arahming inzet sik, khana anmani’n Ahmai kha anhmu sik.