JOHN INKHATNA 3:10 - LEKHARABU INTHENG (BSI)

¹⁰ Hivahi Pathen sa leh Diabol sa inkârna inchêntak a inlârna kha kae; tu achang inum ṭōndik katlomak leh mihlop inlungset mak mi kha Pathen sa changmak hei.

JOHN INKHATNA 3:10 ပူးပေါင်းရင်းမြစ်များ

SAMUEL INHNINA 13:22

Khana Absolom khan Amnon kha asernu Tamar rumhrat a asetpui jâra aning ache reia avea inbekpui mak jo.

MATTHEW 13:38

hlei kha vânhnōi ralei hi kae; hmuchi kaṭhahei kha rengram a mihei kha kae; kaharhei kha Akaṭhamak Inkhatpa mihei kha kae;

LUKE 6:35

Kha changmak! Nanka-en inda hei kha lungset hei ruh, khana anṭhatna sik tlo ruh, khan chu anhnenga inphut hmu nôkna sik a mandon loa nanneinâk manpûk hei ruh. Kha achang inchu nangni’n vâng kalentak nanchen sik, khana A’nshângpen Pathen sa kachang sik chei. Ajârchu ama kha mikaṭhamak-hei leh mi kanimak hei sik a akaṭha kae.

JOHN 1:12

Achang inum, mi ṭhahrep in, ama anlei rahlânga antaksen; khava jâra Pathen sa anchangna sik ratha apek hei.

JOHN 11:52

Khana anmani sik rōk changloa, Pathen sahei seng inthek inchaia ka-om hei kha taksa pumkhat a ṭhōi manchuna sik um kae. 3

JOHN 8:44

Nangni chu nanpa Rathla Kadikmak sa chei kae, khana nanpa kachang lungdo kha nantajui kae. Ama chu anphutbia inphut mikathat kae, ṭongdik langa khan omphung mak ajârchu ashunga ṭongdik kha om mak. Maleisei ahri kha ama ngaihrep ahri kae ajârchu ama chu malei kasei khana malei kaseihei pa kha kae.

JOHN 8:47

Pathena inphut akajōng ama khan Pathen ṭong kha arangei. Nangni Pathena inphut changmak chei leh chu rangei mak chei.”

ṬŌNTLOHEI 13:10

khana ati, “Nang Diabol sapa! Ṭōn kaṭha rakip kadōi che kae; akaṭhamak lungthim rakip kasip che khana Rōngpu ṭongtak rakip maleisei manchang sik nareiṭhak!

ROMANHEI 13:8

Tûte inkhat hneng ṭōnbat neimak ruh, ṭōnbat inkhat rōk nantanei khachu khat leh khat inlungset sik kha kae. Khava katlo mi kha Dân ajui jo kae.

EPHESIANHEI 5:1

Nangni Pathen sa marit chei nanchang jâra, ama kapō nanchangna sik tak intlo ruh.

COLOSSIANHEI 3:14

Hiva rahōi sōkna rakip a hin, heirakip pui katluk a akakhit inchun, lungset kha besa ruh.

TIMOTHY INKHATNA 1:5

Hiva ṭongpekna jârpen khachu, taksenna kadiktak leh mandon ṭhen theina, khana malung inthengtak a inphut lungsetna kha ahong sōk theina sik a kae.

JOHN INKHATNA 2:29

Christa kha akadik kae ti nanmanhret; kha achang inchu akadik katlo rakip kha Pathen sahei kae ti hi nantamanhret sik kae.

JOHN INKHATNA 3:1

Enruh, Pa’n heituk-hrep a alungset me mo! Alungsetna kha hingtuk hrep kalen khachu eini hi Pathen sa ati jo me, khava jâra kadiktak a asa kha kachang jo me. Vânhnōi in Pathen kha anmanhret mak jâra eini antamanhret mak me kae.

JOHN INKHATNA 3:2

Kaṭhōn marit hei, eini Pathen sa kachang jo me, tâk heimo ahong kachang sik me ti lahong inlârmak. Tâk-kha eini’n hi nimanhret ti chu Christa ajōng inlâr pha, ama kha nipō sik jo, ajârchu ama atak-khet kha inchêna nihmu sik jo.

JOHN INKHATNA 4:21

Christa ṭong pek me kha hi kae: Pathen inlungset mi rakip khan asōpui kha’m alungset nger sik kae.

JOHN INKHATNA 4:6

Tâk-kha eini chu Pathen ta me kae. Tu achang inum Pathen tahei khan niṭong anrangei. Hina inphut eini’n Rathla kadik leh akadik mak manhretṭhen torna kha nihritor.

JOHN INKHATNA 4:8

Lungsetna kaneimak mi’n Pathen kha manhret mak; ajârchu Pathen kha lungset kae.

JOHN INKHATNA 5:19

Akaṭhamak Inkhatpa vairônna thōia vânhnōi ralei pumpui hi a-om inum eini chu Pathen ta me kae ti hi eini’n nimanhret.

JOHN INKHATNA 5:2

Hina inphut Pathen sa nilungset hei ti hi nimanhret: khachu Pathen nilungsetna leh aṭongpek nijuina vânga kae.

JOHN INTHUMNA 1:11

Kasōpui marit, akaṭhamak kha inchu mak roh, tâk akaṭha kha inchu roh. Tu achang inum akaṭha katlo kha Pathen ta kae; tu achang inum akaṭhamak katlo khan Pathen lahmu mak.