JOHN INKHATNA 3:1 - LEKHARABU INTHENG (BSI)

¹ Enruh, Pa’n heituk-hrep a alungset me mo! Alungsetna kha hingtuk hrep kalen khachu eini hi Pathen sa ati jo me, khava jâra kadiktak a asa kha kachang jo me. Vânhnōi in Pathen kha anmanhret mak jâra eini antamanhret mak me kae.

JOHN INKHATNA 3:1 ပူးပေါင်းရင်းမြစ်များ

SAMUEL INHNINA 7:19

Kha’num Chunghnung Rōngpu, tûn katlung akakhe chet a nalatlo pek eng; akahong sik pha kasōn leh pârhei sik a intepna nasyempek eng. Khana Chunghnung Rōngpu, hihei hi mi inkhat hneng nala manhmua kae.

HLAHEI 31:19

Nang kajana kaneihei sik a nadapek neinâk-hei kha heituk-hrep a a’nlak jo hei mo! Mi rakip in heituk-hrep a akaṭha che mo, nang kataksenhei kha heituk kakhôk a nahrung hei mo ti hi anmanhret.

JEREMIAH 3:19

Rōngpu’n ahri, “Israel, kasa kapōa karahlâng hnōm che, ke’n raleichunga ram kaṭhapen, leh ram kahōipen kha kapek hnōm che. Apa tia nabek sik eng hi kamadu, khana keia inphut aheitik a na-inhesōt mak sik hi kamadu.

HOSEA 1:10

Israel mihei kha tui-ôngpui nêrdi kapō hongkachang sik hei, tei torlo leh tetor mak hongkachang sik hei. Tûnhin Pathen in anhnenga, “Nangni kami changmak chei,” ati, tâk-kha anhnenga, “Nangni akahring Pathen sa chei kae,” atina pha kha lakahong sik!

LUKE 20:36

Anmani marvân ngeva ka-ang sik hei khana thithei mak hei ning, Pathen sahei kae ajârchu thina inphut akathōi jo hei kae.

JOHN 1:12

Achang inum, mi ṭhahrep in, ama anlei rahlânga antaksen; khava jâra Pathen sa anchangna sik ratha apek hei.

JOHN 11:52

Khana anmani sik rōk changloa, Pathen sahei seng inthek inchaia ka-om hei kha taksa pumkhat a ṭhōi manchuna sik um kae. 3

JOHN 15:21

Tâk-kha nangni keita nanchang jâra, anmani’n nanchunga hiva rakip hi anta hongtlo sik kae; ajârchu anmani’n anijōng katirpa kha manhret mak heia kae.

JOHN 16:3

Anmani’n ke’m khana kapa’m anmanhret mak jâra, nanchunga hiva ṭōnhei hi anta hongtlo sik kae.

JOHN 17:25

Nunchen kadik Apa! Vânhnōi ralei in nang manhret mak hei che, tâk ke’nchu kamanhret che, khana anmani’num nang in najōngtir eng hi anmanhret.

JOHN 3:16

Ajârchu Pathen in vânhnōi ralei hi hingtuk hrep alungset jâra Asapa inkhat rōk kha apek jo, tu achang inum ama kataksen kha thimak ning, tâk kumleikōa hringna anei sik kae.

ROMANHEI 5:8

Tâk-kha Pathen in eini hi heituk-hrep mo alungset me ti kha amalâr jo, khachu eini’n mikaset nileichang laitak Christa kha eini sik a kathi jo.

ROMANHEI 8:19

Pathen in asahei ajōng malâr sik hei kha kutsyem rakip in antahngâk hla et kae.

ROMANHEI 8:21

khachu kutsyem hi asōk changna inphut aṭop inhmang makna sik ni khat masōa alaka-om sik kae, khana Pathen sahei hi akalûrtak ning leh hnōm kha achanpui sik hei kae.

ROMANHEI 8:32

Ama’n asapa kapha maner loa nikhenga sik a atōksōt jo! Ama’n asapa kha hmen apek sōt jo me achang inchu, heirakip hi mankasea apek mak sik me mo?

CORINTHIANHEI INHNINA 6:18

Kei nanpa kachang sik eng, khana nangni kasapahei leh kasanuhei kachang sik chei, Akahratpen Rōngpu khan ati.”

GALATIANHEI 3:26

Nangni Christa Jesua inchunna shunga taksen jâra nankhenga Pathen sa kachang jo chei.

GALATIANHEI 3:29

Nangni Christa ta nanchang inchu, nangni Abraham sōn chei kha kae, nangni Pathen ṭongtep kha nantachen sik kae.

DÂNRABU INHNINA 14:1

“Nangni Rōngpu nan-Pathen mi chei kae. Khava jâra nangni’n kathihei sik a ṭajai nansui pha, milak-hei tatlo kapōa nantak karittan mak ruh a-emak leh nanmache ting nansam vomak ruh.

COLOSSIANHEI 3:3

Ajârchu nangni kathi jo chei, khana nanhringkhō kha Pathen hneng Christa leh inṭhōia a’nthup jo kae.

JOHN INKHATNA 3:10

Hivahi Pathen sa leh Diabol sa inkârna inchêntak a inlârna kha kae; tu achang inum ṭōndik katlomak leh mihlop inlungset mak mi kha Pathen sa changmak hei.

JOHN INKHATNA 3:2

Kaṭhōn marit hei, eini Pathen sa kachang jo me, tâk heimo ahong kachang sik me ti lahong inlârmak. Tâk-kha eini’n hi nimanhret ti chu Christa ajōng inlâr pha, ama kha nipō sik jo, ajârchu ama atak-khet kha inchêna nihmu sik jo.

JOHN INKHATNA 4:17

Ṭongtan ning khan inngamna nineina sik nishunga lungsetna kha pui amathlukpek me, khana vânhnōia nihringkhō hi Christa kapōhrep nichang jo jâra khavakha eini’n ninei sik.

ṬONGPHÔNG 21:7

Khava torna kanei mihei khan hivahi keia inphut achen sik: Kei anpa Pathen kachang sik eng, khana anmani kasa kachang sik hei.