JOHN INKHATNA 2:27 - LEKHARABU INTHENG (BSI)

²⁷ Tâk-kha nangni sik a chu Christa’n arathla Intheng kha nanchunga ajōng bun mathlâk jo. Arathla khan nanmalunga a-omlai seng, nan-inthei sik tûte rangei mak. Ajârchu arathla khan heirakip amanthei sik jo chei, khana ama tamanthei chei kha akadik kae, akadik mak changmak. Rathla mantheina chei kha jui una Christa leh inchun a omṭhak ruh.

JOHN INKHATNA 2:27 ပူးပေါင်းရင်းမြစ်များ

ṬONGCHÎK-HEI 28:5

Mikadik mak in ṭongtan kadik kha heimo ti manhret mak hei, tâk Rōngpu inmuk hei khan chu kaṭha anmanhret.

LEVI-DÂN 7:35

Hivahi Aaron leh asapahei thempu ṭōna matung ninga inphut Rōngpu hnenga tōkna thai inthoina ṭhen a’npek hei kha kae.

MATTHEW 13:11

Jesu’n amasôn hei, “Nangni hnenga marvân Rengram in-ip kha manhretna sik inpek jo chei; tâk anmani chu la’npek mak hei.

JOHN 14:16

Ke’n Pa hneng nangni inthōpui ahlop inkhat akadiktak Rathla kha nanka-ompui ṭhak sik a ajōng pekna sik chei kader sik.

JOHN 14:17

Ama kha Pathen chungchânga akadik kaphôngsōt Rathla kha kae. Ama kha vânhnōi in chentor mak, ajârchu hmu um hmutor mak khana manhret um manhret tor mak a kae. Tâk-kha ama’n nangni a-ompui cheia nanshunga a-om jâra, nanmanhret a kae.

JOHN 14:26

Pa khan Inthōpui, Rathla Intheng kei rahminga ajōngtir sik khana heirakip amanthei sik chei khana kaleihri pek chei rakip mandonsōtna apek sik chei.

JOHN 16:13

Achang ravâng Pathen chungchânga akadik inlârpa Rathla kha ajōng pha, ama’n akadik rakip a hlam akei sik jo chei. Ama’n abing ratha neina ṭong hrimak ning, tâk aṭong thei kha ahri sik khana ajōng katlung sik kha amanthei sik chei.

JOHN 4:14

Khana tu achang inum kei tapek sik tui ka-in mi khachu atui hrenôk hêrmak jo ning. Kei tui pek sik khachu, kapek mipa shunga khan hringna tui kapût a kalōng sik, khana kumleikōa hringna apek sik kae.”

JOHN 6:45

Sânkathem he’n hing’hin anleimazet, ‘Pathen in mi rakip amanthei sik.’ Tu achang inum Pa hnenga inphut aṭong kathei leh a’nchû mi kha kahnenga kahong.

CORINTHIANHEI INKHATNA 2:12

Eini’n hiva raleichung rathla kha nileichen jo changmak; Pathen tapek me rakip kha nimanhretna sik, Pathen tajōngtir Rathla kha nichen jo kae.

CORINTHIANHEI INKHATNA 2:13

Khava jâra keini’n mihring singna mantheina vâng hrimak ung, tâk Rathla mantheina vâng, Rathla kachen hei hneng rathla langa akadik kha kantahri manchên pek hei kae.

CORINTHIANHEI INHNINA 1:21

Keini kasyem kha Pathen ama khet kae, nangni leh inṭhōia keini hringkhō hi Christa a amanchun me kae; khana ani kaṭhensōt kha’m Pathen khet kae,

EPHESIANHEI 4:21

Nangni’n ama chungchâng ṭong chu nantathei khet jo kha kae, khana ama kahnung kajui nanchang dungjuia Jesua akadik kha anmanthei jo chei.

COLOSSIANHEI 2:6

Nangni’n Jesu Christa kha Rōngpua nantahnōm jo achang jâra, ama leh inchun a hring ruh.

THESSALONIANHEI INKHATNA 2:13

Khana keini’n ahei tik a Pathen kanmanpâk ṭhakna ajâr inkhat ka-om. Ti chu keini’n Pathen ṭong kha kanhei rôn pha, mihring ṭong changloa, Pathen ṭonghrikhet a nangni’n nanlei rahlâng, khavakha akadiktak kae. Ajârchu akataksen nangni kâra Pathen in ṭōn atlo kae.

THESSALONIANHEI INKHATNA 4:9

Nanloi akataksenhei lungset sik chunga avea heimazet sik rangei mak jo. Ajârchu inkhat leh inkhat heikhonga a’nlungset sik chei mo ti hi nanbingkhet a Pathen in amanthei jo chei.

TIMOTHY INKHATNA 2:7

khava jâra Jât-hlop hei hneng akadik leh taksenna ṭong kahri inthang sik a, kei sonle inkhat leh oja inkhat a atir eng kae. Kei kamalei seimak; kei akadik kahri kae!

PETER INKHATNA 1:23

Ajârchu akathithei kachangmak, akathi hêrmak Pa inkhat sahei kapōa, kumleikōa Pathen ṭong kahring ṭhak vâng a’ntether jo chei kae.

JOHN INKHATNA 2:28

Kadik, kasahei, ama leh inchun a omṭhak ruh, kha achang inchu, ama ahon’lâr ajōng ning Kani khan pui katluk inngamna kha ninei sik khana ahmai kunga inphut inzak a inthup sik kha rangei mak ning.

JOHN INKHATNA 3:24

Tu achang inum Pathen ṭongpek kajui mi kha Pathen leh inchun a ka-oma kae, khana Pathen kha ama leh inchunna shunga ka-oma kae. Khana Pathen tapek me Rathla vâng hin Pathen in eini leh inchun a a-om hi nimanhret a kae.

JOHN INHNINA 1:2

ajârchu akadik kha nishunga ka-om khana ahei tik a a-ompui ṭhak sik me.