JOHN INKHATNA 2:24 - LEKHARABU INTHENG (BSI)

²⁴ Khava jâra a’nphutbia nantaleithei ṭong kha nanmalunga da ngerna sik tlo ruh. Khava ṭong kha nan-indaṭhak inchu Sapa leh Pa inchunna shunga akahring ṭhak sik chei kae.

JOHN INKHATNA 2:24 ပူးပေါင်းရင်းမြစ်များ

HLAHEI 119:11

Nang kadōia setna katlo makna sik kamalung shunga nadân kha ka’nda jo.

ṬONGCHÎK-HEI 23:23

Akadik, singna, themna, khana rachak kaṭhahei hi mankatamtak pek sik anrahōia kae, khana nang tajōrsōt sik a chu maner ka-omhêr hei.

LUKE 1:2

A’nphutbia inphut omchen rakip akahmu leh aṭong kahri inthangle he’n keini antamanthei ung kha anmani’n antamazet kae.

LUKE 9:44

“Ke’n kamanthei sik chei hi mahngi mak ruh! Mihring sapa kha mihei ratha neina thōia a’npesōt sik jo kae.”

JOHN 14:23

Jesu’n amasôn, “Tu achang inum kei inlungset mi khan kaṭong hri ajuia kae. Kapa’n amalungset sik, khana kapa leh kei ahnenga kajōng sik unga kha ama leh ka-omsap sik ung.

JOHN 15:7

Nangni keia nan-om ṭhak a, khana kaṭong nangni shunga a-omṭhak a achang inchu, hei-achang inum nangni’n nanta madu nantader kha nanchen sik.

JOHN 6:56

Tu achang inum kataksa ravōi kasâk a khana kathisen ka-in mi kha keia ama ka-om khana ama a kei ka-om eng.

JOHN 8:25

Anmani’n ander, “Nang tu che mo?” Jesu’n amasôn hei, “A’nphutbia inphut kalei manthei jo chei kae.

PHILIPPIANHEI 4:15

Hma inkeia Ṭong kaṭha kavahrile lai Macedonia kadahlon pha nangni Philippia bekrup rōk in nantalei inthōpui eng kha nanmanhret; ka’nhmangna achanga, kahnemna achanga nangni rōk in chen nanneipui eng.

COLOSSIANHEI 3:16

Christa ṭong kha aṭhatna rakip leh nanmalung shunga aka-om sik kae. Khat leh khat singna rakip vâng inse intheitō ruh. Inpâk hla, bek hla, hla intheng hei sak ruh; nanmalunga Pathen manpâk leh inṭhōia hla sak ruh.

HEBREWHEI 2:1

Khava jâra eini aniṭhōisōt makna sik me, nileithei jo akadik kha inhnakchet a nimatutlit sik kae.

HEBREWHEI 3:14

Ajârchu a’nphutbia inphut eini inngamna kha nimatutlit inchu, eini nikhenga Christa leh chen kaneisap me kha kae.

JOHN INKHATNA 1:3

Apa leh asapa Jesu Christa leh inṭhōia kan-inloikhômna shunga hin nangni’m nanhong hlutna sik, kantahmu leh kantathei hei kha kantahri pek chei kae.

JOHN INKHATNA 1:7

Tâk-kha ama vâra a-om kapōa, eini vâra aka-om nichang inchu, eini inkhat leh inkhat a’nloikhôm me kae, khana asapa Jesu thisen khan setna rakip a inphut asôp mantheng jo me kae.

JOHN INKHATNA 2:7

Kaṭhōn marit hei, hiva ṭongpek kaheimazet chei hi ather changmak; a’nphutbia nantaneisa ṭongpek marō kha kae. Ṭongpek marō khachu nanta leitheisa jo kha kae.

JOHN INKHATNA 3:24

Tu achang inum Pathen ṭongpek kajui mi kha Pathen leh inchun a ka-oma kae, khana Pathen kha ama leh inchunna shunga ka-oma kae. Khana Pathen tapek me Rathla vâng hin Pathen in eini leh inchun a a-om hi nimanhret a kae.

JOHN INKHATNA 4:13

Eini Pathen leh inchun a ka-om me khana ama’n eini leh inchun a ka-om ti hi nimanhret manchên, ajârchu ama’n arathla kha apek jo me.

JOHN INKHATNA 4:15

Tu achang inum Jesu Christa kha Pathen Sapa kae tia akaphôngsōt kha Pathen leh inchun a aka-om kae; khana Pathen kha ama leh inchun a aka-om kae.

JOHN INKHATNA 4:16

Khana Pathen in nichunga lungsetna anei kha eini’n nimanhret khana nitaksen. Pathen kha lungset kae, lungsetna shunga akahring hei kha Pathen leh inchun a kahring hei, khana Pathen kha anmani leh inchun a ka-om.

JOHN INHNINA 1:2

ajârchu akadik kha nishunga ka-om khana ahei tik a a-ompui ṭhak sik me.

JOHN INHNINA 1:9

Tu achang inum, Christa mantheina khan omloa, akakhe chet a akase mi khan Pathen neimak. Tu achang inum mantheina aka-om mi khan Apa leh Asa an-inhnia anei hei.

JOHN INTHUMNA 1:3

Christian sōpui ṭhahrep anheitlung pha nang ṭongdik a na-omṭhak jâra, heituk-hrep a ṭongdik a taksenthei akachang che mo ti anhri pek eng pha, kei le’npâk hêr eng.

ṬONGPHÔNG 3:11

Kei inranga kajōng sik eng. Nang in natorna tloman kha tûte’n amarûk tor makna sik, nachen kha inda kaṭha roh.

ṬONGPHÔNG 3:3

Khava jâra heimo ale’nthei che, heikhong mo naleithei kha mandon roh; jui roh, khana namalung thleng roh. Nang jena inphut na’nṭhang mak inchu, inru inkhat kapōa kei nachunga kajōng sik eng, khana heitik akajōng sik eng nang in manhret mak tin che.