JOHN INKHATNA 2:20 - LEKHARABU INTHENG (BSI)

²⁰ Tâk-kha nangni’n Christa tajōng bun mathlâk Rathla Intheng kha nantaleichen jo achang jâra, akadik kha nankhenga nanmanhret a kae.

JOHN INKHATNA 2:20 ပူးပေါင်းရင်းမြစ်များ

HLAHEI 16:10

ajârchu thina ratha neina inphut nakhar eng. Taksen theitak a ke’n karazen jo che. Nang in kei kathirama adahlon mak che ning

HLAHEI 23:5

Ka’nrepui he’n anhmu theina sik eng hmun a revei sâktlâng namantluk pek eng. Nang in kaja sik rahōi kasōk khōhme inkhat kapōa naratō eng, kakōklei inlet-leoa nasun mansip pek eng.

HLAHEI 45:7

Nang in akadik kha namadu, akaṭhamak kha namater a kae. Khava jâra Pathen, na-Pathen in nang kha akadei che khana reng ralak-hei kanek a nachunga hōina ajōng bun mathlâk pek chea kae.

HLAHEI 71:22

Serângdâr leh inṭhōia kachoi ka-ân nger sik che; Ka-Pathen ke’n taksenthei nachangna kha kachoi manshâng sik. Israelhei A’nthengpa! Namanpâkna hla serângdâr vâng kamanjui sik.

HLAHEI 92:10

Nang in ram sehratche kahrat hei kapōa nasyem jo eng; inpâkna vângṭhat napek jo eng.

ṬONGCHÎK-HEI 28:5

Mikadik mak in ṭongtan kadik kha heimo ti manhret mak hei, tâk Rōngpu inmuk hei khan chu kaṭha anmanhret.

ISAIAH 43:3

Ajârchu kei Rōngpu na-Pathen eng kae, nang kahuksōt, Israel Pathen intheng eng kae. Nang ning leh hnōma masōna sik a ke’n Egypt kha donmak jo ning; Ethiopia leh Seba donmak hei ning.

ISAIAH 61:1

Chunghnung Rōngpu’n arathla intheng amansip eng. Ama’n kei akadei enga atir eng, Sarahei hneng ṭong kaṭha karôn sik, Malung kakōi hei indam sik, Rehringa khum hei masōsōtna kaphông sik, Khana kurkhum a ka-om hei ning leh hnōma masōna sik.

JEREMIAH 31:34

Anmani tûte’num akhō-aven inkhat hnenga Rōngpu kha amanhretna sik a manthei mak jo ning, ajârchu akasina inphut akalen katlunga kei anmanhret pet sik jo eng. Ke’n ansetna karangei mandam sik hei, khana anṭhena hei mandon mak jo hei ning. Rōngpu ke’n kahri jo kae.”

LEVI-DÂN 7:35

Hivahi Aaron leh asapahei thempu ṭōna matung ninga inphut Rōngpu hnenga tōkna thai inthoina ṭhen a’npek hei kha kae.

MATTHEW 13:11

Jesu’n amasôn hei, “Nangni hnenga marvân Rengram in-ip kha manhretna sik inpek jo chei; tâk anmani chu la’npek mak hei.

MARK 1:24

“Nazareth Jesu, keini heimo namanlo hnōm ung? Kankasuk inhmang sik a hin akahong che mo? Nang tu nachang kamanhret che, nang Pathena inphut a’ntheng ṭongkarôn inkhat che kae!” aleiti.

LUKE 4:18

“Rōngpu Rathla kha kachunga ka-om, ajârchu sara khōdeng katheihei hneng ṭong kaṭha kahri sik a akadei jo eng. Sura ka-om hei hneng masōna ṭong avakahri inthangle sik leh hmitkachohei khō hmuna sik atir jo eng; suk manrima ka-om hei masōna sik,

LUKE 4:34

“Eh Nazareth Jesu, keini heimo namanlo hnōm ung? Nang kankasuk inhmang sik a akahong che mo? Nang tu che mo ti ke’n kamanhret che: Nang a’ntheng Pathen ṭongkarôn che kae!”

JOHN 14:26

Pa khan Inthōpui, Rathla Intheng kei rahminga ajōngtir sik khana heirakip amanthei sik chei khana kaleihri pek chei rakip mandonsōtna apek sik chei.

JOHN 16:13

Achang ravâng Pathen chungchânga akadik inlârpa Rathla kha ajōng pha, ama’n akadik rakip a hlam akei sik jo chei. Ama’n abing ratha neina ṭong hrimak ning, tâk aṭong thei kha ahri sik khana ajōng katlung sik kha amanthei sik chei.

ṬŌNTLOHEI 10:38

Nangni’n Nazareth Jesu chungchâng khana heikhong mo achunga Pathen in Rathla Intheng leh ratha neina aheibun mathlâk pek ti hi’m nanmanhret jo. Hmun rakip a ama kasea ṭōn kaṭha aleitlo khana Seitan ratha neina thōia ka-om rakip aleimandam hei, ajârchu ama kha Pathen in aleiompui.

ṬŌNTLOHEI 3:14

Ama chu a’ntheng leh akaṭha inkhat kae. Tâk-kha nangni’n ama nanhōt a ama kahlânga, mikathat inkhat jôk amasōna sik a Pilate hneng nanlei der.

CORINTHIANHEI INKHATNA 2:15

Tu achang inum rathla kanei mi khan heirakip ṭhatje amanhret ṭhentor, tâk tûte’n ama manhret ṭhentor mak.

HEBREWHEI 1:9

Nang in akadik namadu khana akadik mak nahōt. Khava jâra Pathen, na-Pathen in akadei che, khana akakhe chet kajana chenna leh hōina kha naloihei kanek a apeksa che.”

HEBREWHEI 8:11

Tûte’num aram a ami changpui hei hneng manthei mak jo ning, ‘Rōngpu manhret roh,’ tia anrama ami changpui hei hneng hrimak jo ning. Ajârchu akasin pena inphut akalenpen katlunga antamanhret sōpet sik jo eng kae.

JOHN INKHATNA 2:27

Tâk-kha nangni sik a chu Christa’n arathla Intheng kha nanchunga ajōng bun mathlâk jo. Arathla khan nanmalunga a-omlai seng, nan-inthei sik tûte rangei mak. Ajârchu arathla khan heirakip amanthei sik jo chei, khana ama tamanthei chei kha akadik kae, akadik mak changmak. Rathla mantheina chei kha jui una Christa leh inchun a omṭhak ruh.

JOHN INKHATNA 4:13

Eini Pathen leh inchun a ka-om me khana ama’n eini leh inchun a ka-om ti hi nimanhret manchên, ajârchu ama’n arathla kha apek jo me.

JUDE 1:5

Hivahei rakip chunga hin nanmanhret joa achang inum, heikhonga mo Rōngpu khan Egypt ram a inphut Israel mihei alei huksōt heia, hnung leh chu aṭong kataksen mak hei asuk manhmang hei kha nantamandonsōt nôk sik kamadu.

ṬONGPHÔNG 3:7

“Philadelphia bekrup ngeva hneng hi mazet roh: “Hivahi a’ntheng leh akadik inkhat a inphut ṭong kae. David shokir kachoi, amahlâng kha tûte’n khâr theimak, akhâr kha tûte’n mahlâng theimak.

ṬONGPHÔNG 4:8

Khava ranhring 4 hei kha inkhat et in mathla 6 sâm annei, ashung avâng hmit he’n akatōmbit heia kae. Sûn leh jân bânglo jena hla ansak: “A’ntheng, a’ntheng, a’ntheng, Rōngpu Pathen Akahratpen kha kae, aleika-om, aka-om, alaka-om sik kha kae.”