JOHN INKHATNA 2:19 - LEKHARABU INTHENG (BSI)

¹⁹ Hiva mihei hi eini inloikhômna mi changmak hei, khava jâra andahlon jo me; eini rup-mi anleichang inchu nihnenga aleika-om sik hei kae. Tâk-kha anmani inkhatbek eini rup-mi changmak hei ti hi a’nchên theina sik a anmani kasesōt jo hei.

JOHN INKHATNA 2:19 ပူးပေါင်းရင်းမြစ်များ

JOB LEKHARABU 17:9

Kajathei ung kati hei khan anmani kadik ung tia indon chet-chet jo hei.

HLAHEI 37:28

Ajârchu Rōngpu’n akadik amadu, khana taksenthei kachang amihei kha dahlon mak hei. Ama’n ahrung ṭhak hei, tâk mikaṭhamak sōn leh pârhei khachu hnongsōt kachang sik hei.

HLAHEI 41:9

Kaṭhōn kaṭhapen, kataksenpen inkhat, bu kasâkpuisap inkhat khan, kei kadōia inṭang joa kae.

MATTHEW 24:24

Ajârchu Messiah inhlem leh sânkathem inhlem hong kasōk sik hei; khana a-ethei chenna Pathen kadeisōt hei kapha hōn mathlâkna sik det-hla ka-om tak leh ṭōn-inlak antlosōt sik.

MARK 13:22

Ajârchu Messiah kadikmak leh sânkathem kadikmak hong kasōk sik hei. Ṭōn-inlak leh det-hlana antlo sik, a-ethei inchu kadeisōt mihei kapha hōn mathlâkna sik antlo sik.

LUKE 8:13

Hlung kâra akatla hmuchihei khachu, ṭong inhri katheia inpâk a akalo hei kha kae. Tâk-kha anshunga inritak a rajung aṭhōmak jâra, anmani’n pha bongkhat chu antaksen, tâk enmansinna ahong pha leh anmani katlu ri jo hei.

JOHN 15:2

Ama’n keia ka-om abâk a’nramak rakip kha atuk mathlâk hei, khana kara kanei abâk seng kha a’nthengna sik leh akara atam chetna sik amanhleng heia kae.

JOHN 4:14

Khana tu achang inum kei tapek sik tui ka-in mi khachu atui hrenôk hêrmak jo ning. Kei tui pek sik khachu, kapek mipa shunga khan hringna tui kapût a kalōng sik, khana kumleikōa hringna apek sik kae.”

ṬŌNTLOHEI 15:24

Kanrup kâra inphut mi ṭhahrep aleikase he’n anṭong hri vâng anmanbōi jo chei ti ṭong kanthei, kha achang inum anmani kha keinia inphut mansena heikhat antahmu changmak.

ṬŌNTLOHEI 20:30

Nanrup shunga kalan a mi ṭhahrep in takkasenhei kha ṭhōisōtna sik a maleisei anhonghrina sik pha kha alakahong sik kae.

ROMANHEI 9:6

Ke’n Pathen ṭongtep kha inṭhe jo katina changmak; ajârchu Israel mi rakip kha Pathen mi changmak heia kae.

CORINTHIANHEI INKHATNA 11:19

(Mikadik-hei kha mihe’n inthenga anhmu theina sik hei nankâra inṭhenna kha akasōk nger sik kae.)

DÂNRABU INHNINA 13:13

khachu rahōi kasōkmak nanjât mi ajing in ankhōpuia mihei kha ahei tik a nantahei kamuk mak pathen kamukna sik a akaletting anṭhōi sik hei.

TIMOTHY INHNINA 2:10

khava jâra Pathen takadeisōt mihei sik a heirakip hi kathōk, Jesu Christa inphut huk manhringna leh kumsôt lûrna heikachoi kha anmani kha’num anchen theina sik a kae.

TIMOTHY INHNINA 2:19

Tâk-kha Pathen innhmun deng kahnet khachu inhlingtor mak; khava chunga khan hiva ṭong hi inzet: “Rōngpu khan amihei seng amanhret” khana “Rōngpu ta eng kati mi rakip khan dikmak ṭōn tlona inphut a akatlânsōt nger sik hei kae.”

TIMOTHY INHNINA 3:9

Tâk-kha anmani akahla tlungtor mak hei ning, ajârchu anmani heituk a akamohei mo ti kha mi rakip in anhong manhret sik jo hei. Khang hrep a khan Janne leh Jambre chunga aleikasōk jo kae.

HEBREWHEI 10:39

Eini chu hnung inlea a’nhmanghei kha changmak me. Khava kanek a taksenna nineia huksōt jo me kha kae.

JOHN INHNINA 1:7

Jesu Christa kha ralei mihring ajōng kachang kha akahnōm mak, mikahōn inthla katamtak vânhnōi raleichunga hong kasōk jo hei. Khava mihei kha Christa kadōi mikahōn inthla hei kha kae.

JUDE 1:1

Jesu Christa sōk, James naipa Jude a inphut Jesu Christa takahuk hei leh– Pa Pathen lungsetna shunga aka-om, Pathen tabek hei hneng kaheimazet kae:

JUDE 1:19

Khava mihei kha mi kasukṭhen hei, antaksa tamadu hurna hlam kajuihei, Rathla kaneimak hei kae.