JOHN INKHATNA 2:13 - LEKHARABU INTHENG (BSI)

¹³ Pahei, nanhnenga kaheimazet kae ajârchu a’nphutbia aleika-om ama kha nangni’n nanmanhret joa kae. Khangdônghei, nanhnenga kaheimazet kae ajârchu nangni’n Akaṭhamak Inkhat kha nantor joa kae.

JOHN INKHATNA 2:13 ပူးပေါင်းရင်းမြစ်များ

HLAHEI 148:12

nuhngâk leh rether he’n, katerhei leh naipang he’num, ama kha choi ka-ân ruh.

HLAHEI 90:2

Hmebunghei naleisyem mak hma, vânhnōi ralei aleiom mak hma, nang chu ahei tik a Pathen che kae, khana kumleikōa Pathen kachang ṭhak sik che.

HLAHEI 91:14

Pathen in ati, “Ani’nlungset hei kha kahuk sik hei khana Rōngpu kae tia ani kahnōm hei kha kahrung sik hei.

ṬONGCHÎK-HEI 20:29

Eini’n khangdônghei ratha hratna kha nira-ôt khana katerhei ansam kabang kha nikaja.

JOEL 2:28

“Khava sō leh mi rakip chunga karathla kaheibun mathlâk sik: nansanu, nasapa he’n kaṭong anphông sik; nankater he’n rahmang annei sik, khana nankhangdông he’n hmangtalâr anhmu sik.

ZECHARIAH 9:17

Heituk akaṭha leh enhnōm ka-om ram mo akachang sik! Aram kara leh aram theitui an-ina khangtherhei kha anratha kahrat chet sik jo hei.

MATTHEW 11:27

“Heirakip Kapa’n kei apek jo eng. Pa teilo tûte’n Sapa kha manhret mak, khana Sapa tei loa tûte’n Pa kha manhret mak, khana Sapa khan malârpek sik a akadei hei tei loa tûte’n Pa kha manhret mak.

MATTHEW 13:19

Rengram ṭong chu anthei jo hei, tâk-kha manhret theilo mihei kha hlamdunga akatla hmuchi kapō hei kae. Akaṭhamak Inkhatpa kha kahonga anshunga a’nvor hmuchi kha alosōt pek jo hei.

MATTHEW 13:38

hlei kha vânhnōi ralei hi kae; hmuchi kaṭhahei kha rengram a mihei kha kae; kaharhei kha Akaṭhamak Inkhatpa mihei kha kae;

MATTHEW 5:37

‘Ôk’ a-emak leh ‘Dâng’ ti hnâm ruh, hiva kakhea nahri kha Akaṭhamak Inkhatpa a inphut ahei kasōk kae.

LUKE 10:22

“Ka-Pa’n heirakip apek jo eng: Pa teilo tûte’n Sapa kha manhret mak, khana Sapa leh Sapa’n ama inlârsōt sik a akadeisōt jo mihei tei loa tûte’n Pa kha manhret mak hei.”

JOHN 14:7

Tûn nangni’n kei nanmanhret jo eng, kapa kha’m nantamanhret sik kae, khana tuna inphut chu nangni’n ama nanmanhret jo khana nanhmu jo.”

JOHN 14:9

Jesu’n amasôn, “Hingtuk pha kasôt nankhenga ka-ompui jo chei; kha’num nantala manhret mak eng mo, Philip? Tu achang inum kei kahmu jo mi khan Pa kha ahmu jo kae. Kha achang inchu heisa mo, ‘Pa kha amanhmu roh,’ nalati?

JOHN 16:3

Anmani’n ke’m khana kapa’m anmanhret mak jâra, nanchunga hiva ṭōnhei hi anta hongtlo sik kae.

JOHN 16:33

Nangni kei leh ni’nchuna inphut lung mōngna nanneitheina sik hivahi kahri pek chei kae. Vânhnōi in nangni khōdeng anmanthei sik che. Tâk nanmalung manngam ruh! Ke’n raleichung hi kator jo kae!”

JOHN 17:21

Anmani ankhenga pumkhat anchangna sik a kader che. O, Apa, nanga kei ka-om enga, keia nang na-om kapōa anmani einia pumkhat a an-oma, nang in najōngtir eng hi vânhnōi in anmanhretna sik a kader che.

JOHN 17:3

Khana kumsôt hringna ti hi chu nang, akadik Pathen inkhat rōk, manhret hi leh najōngtir Jesu Christa manhret hi kae.

JOHN 8:19

Anmani’n, ander, “Napa kha khon mo aka-om?” Jesu’n amasôn hei, “Nangni’nchu ke’m khana kapa’m amanhret mak chei, Nangni’n kei nanmanhret eng inchu kapa kha’m nantamanhret sik kae.”

CORINTHIANHEI INHNINA 4:6

Ajârchu, “Khō inthimna inphut vâr kha hong kavâr sik!” kati Pathen khan Christa hmaisōa Pathen lûrna vâr kha kanman hretna sik kanmalung shunga avâr kasat invâr kha Pathen khet kha kae.

TIMOTHY INKHATNA 5:1

Kater kha raseimak roh, tâk napa kapōa ngekna nei roh. Pase naipanghei kha nasōpui kapōa,

TITUS 2:6

Kha leh in-anghrep a retherhei kha anbinga an-insur torna sik mathok hei roh.

JOHN INKHATNA 1:1

Vânhnōi inphut bia aleika-omsa, hringna ṭong hi nanhnenga kantahei mazet kae. Keini’n kanthei jo khana kanhmit khet vâng kanhmu jo; kadik, kanhmu jo khana kankut vâng kansit jo.

JOHN INKHATNA 2:1

Kasahei, nanset makna sik a kaheimazet chei kae; tâk tu mo inkhat in setna atlo’nchu Pa hneng ani kahri pek sik Jesu Christa akadik inkhat kha ninei.

JOHN INKHATNA 2:12

Kasahei, nanhnenga kaheimazet kae, ajârchu Christa jâra nansetnahei rangei mandam jo chei kae.

JOHN INKHATNA 2:14

Kasahei, nanhnenga kaheimazet kae, ajârchu nangni’n Pa kha nanmanhret a kae. Pahei nanhnenga kaheimazet kae, ajârchu a’nphutbia aleika-omsa ama kha nanmanhret a kae. Khangdônghei, nanhnenga kaheimazet kae, ajârchu nangni nanratha kangar; Pathen ṭong kha nanshunga ka-om, khana Akaṭhamak Inkhat kha nangni’n nantor jo.

JOHN INKHATNA 3:12

Cain intipa kapō kha akachang hêrmak sik me kae; ama chu Akaṭhamak Inkhatpa ta kae khana asōpuikhet Abel kha aleithat a kae. Heisa mo Cain in ama kha aleithat? Ajârchu ama khet ṭōntlo kha leidikmak, tâk asōpuipa ṭōn leitlo khachu kadik a kae.

JOHN INKHATNA 4:4

Tâk-kha kasahei, nangni Pathen ta chei kae, khana sânkathem kadikmak hei kha nantator jo hei kae; ajârchu nanshunga ka-om Rathla khan ralei ta kachang rathlahei kanek a ratha aneichet a kae.

JOHN INKHATNA 5:18

Pathen sa inkhatbek in setna tlomanjôn mak jo ti eini’n nimanhret, ajârchu Pathen Sapa khan akahuk hei khana akaṭhamak inkhat khan suk manset tor mak hei.

JOHN INKHATNA 5:20

Eini’n akadik Pathen kha nimanhretna sik, Pathen Sapa kha kajōnga manhret theina apek jo me ti hi eini’n nimanhret. Asapa Jesu Christa leh inchunna shunga, Pathen kadik leh inchun a eini akahring me kae. Hivahi Pathen kadik kha kae, khana kumsôt hringna kha kae.

ṬONGPHÔNG 12:11

Nisōpuihei talei phôngsōt kemōngte thisen leh dikna khan ama kha aleitor jo; khana anmani anhringkhō phesōtna leh thina sik katlunga le’ntluk hei.

ṬONGPHÔNG 2:7

“Khava jâra nang in kōr nanei inchu, Rathla’n bekrup-hei hnenga ahri kha, rangei roh! “Torna akanei jo hei hnenga khan Pathen rahōn shunga akahmông hringna thingkung kara kha ansâkna sik a ratha kapek sik hei kae.