JOHN INKHATNA 1:9 - LEKHARABU INTHENG (BSI)

⁹ Tâk-kha eini’n nisetnahei Pathen hneng nihrisōt inchu, aṭong tepna kha ajui sik khana akadik kha atlo sik: nisetnahei kha arangei mandam sik me khana dikmak nilei tlona rakip a inphut amantheng sik me.

JOHN INKHATNA 1:9 ပူးပေါင်းရင်းမြစ်များ

RENGHEI INKHATNA 8:30

Kei derna leh namipui he’n hiva hmun langting anhnget a ander pha athei pek roh. Marvâna na-inna inphut athei pek ina arangei mandam roh.

RENGHEI INKHATNA 8:47

namihei derna che kha rangei pek hei roh. Khava ram a an-insira nahnenga derna annei inchu, khangtuk hrep ansetna leh anṭhatmakna kha anphôngsōt inchu, O Rōngpu anderna kha rangei pek hei roh.

NEHEMIAH 1:6

Rōngpu ahei-en roh, nasōk Israelhei sik a sûn leh jân kaderna hi athei pek roh. Israel mipui keini hi kaset jo ung tia kahrisōt kae. Kapu kapahei leh kei kaset jo ung.

HLAHEI 19:12

Tûte’n abinga aṭhena hei kha hmutor mak. A’nthup ṭhena heia inphut akeisōt roh, Rōngpu!

HLAHEI 32:5

Khava sōa kasetna hei nahnenga kahrisōt hei; kaṭhena hei thup mak eng. Nahnenga kasetna hei hrisōt sik intluk eng, khana kaṭhena hei seng narangei mandam ri eng.

SŌKSŌT 34:7

Kei intepna kha khang lishing lishing katlunga kajuia kae. Akaṭhamak leh setnahei karangei mandam. Tâk-kha annu anpahei setna jâra karâkna pek sik kha antu-ansahei chunga khang 3 khang 4 katlunga mahngi mak ning.”

ṬONGCHÎK-HEI 28:13

Nasetna thupna sik a natlo’nchu nahringkhōa chung sōkna neimak tin, phôngsōt roh khana masō hei roh; kha achang inchu Pathen in nahnenga lungsetna amalâr sik.

ISAIAH 45:21

Ṭongtan hmun a nanṭong tanna sik heirôn manhlut ruh; a’nhrung sik hei kha inkhat leh inkhat inbek intōk hei rasoh. Heimo akasōk sik kha tenlai khan tu’n mo aleihridek jo? Khava kahri kha amihei kahuksōt Pathen Rōngpu kei kha changmak eng mo? Pathen ralak om mak a kae.

JEREMIAH 3:13

Nang in naṭhe jo khana Rōngpu na-Pathen navadōi jo ti rōk kha hnōm roh. Thingbur in-êm rakip thōia pathen hlop hei hneng nalungsetna kha napek jo hei khana kei ṭongpek juimak jo che ti hi hrisōt roh. Rōngpu ke’n kahri jo kae.

JEREMIAH 33:8

Kei dōina anset tloa inphut kaman theng sik hei, khana andōina eng leh ansetnahei karangei mandam sik hei.

ṬAJAISUINA 3:23

Jîngkâr kapōa kather, kani kasōk kapōa sôimak a kae.

EZEKIEL 36:25

Nanchunga tui intheng kakathing thlōn sik chei khana nanlim rakip leh bukna nankape rakip a inphut kasuk mantheng sik jo chei.

EZEKIEL 37:23

Limsyem kamuk a khana setna tloa anbinga inbōk nôk mak jo hei ning. Anmani setna antloa kei anmasetna eng rakip a inphut kamasō sik jo hei. Ke’n anmani kasuk mantheng sik hei, anmani kami kachang sik hei, kei an-Pathen kachang sik eng.

ZECHARIAH 9:9

Inpâk ruh, hōi ruh, Zion mihei. Jerusalem mihei inpâk a ông ruh! Enruh, nanrengpa kha nanhnenga kajōng jo! Ama khan chung sōkna leh torna aneia kahong tâk-kha insinsak tak a shakōrtung aheichōng– shakōrtung tere inkhat aheichōng.

MATTHEW 3:6

Ansetnahei anhrisōt a Jordana ama’n tui manhlutna atlo hei.

MARK 1:5

Judea ramṭhen leh Jerusalem khōpuia mi katamtak he’n John ṭong inngei sik a leikasōk hei. Ansetnahei anleiphôngsōt, khana Jordan Tuidunga tui amanhlut heia kae.

LUKE 22:57

Tâk-kha Peter in inhlema, “Eh nuhmei, ke’n ama manhret mak eng,” ati.

JOHN 17:25

Nunchen kadik Apa! Vânhnōi ralei in nang manhret mak hei che, tâk ke’nchu kamanhret che, khana anmani’num nang in najōngtir eng hi anmanhret.

ṬŌNTLOHEI 19:18

Takkasen katamtak kahong heia, inphôngtak a anṭōn leitlo hei anphôngsōt joa kae.

CORINTHIANHEI INKHATNA 1:9

Asapa, ni-Rōngpu Jesu Christa leh inloikhômna kanei sik a nankabek inhlut Pathen kha taksen sik kae.

CORINTHIANHEI INKHATNA 6:11

Nangni ṭhahrep chu khahei kapō leikachang chei, tâk nangni chu setna inphut mantheng jo chei kae; Pathen hneng a’npesōt jo chei kae; Rōngpu Jesu Christa leh ni-Pathen Rathla khan nangni chu Pathen leh amandiksap jo chei kae.

EPHESIANHEI 5:26

Ama’n bekrup kha tui vâng arasi manthengsō pha Pathen hneng apek sōt theina sik a hivahi atlo kae,

DÂNRABU INHNINA 7:9

Rōngpu nan-Pathen hi ama rōk Pathen kae khana taksenthei kae ti hi mandonsōt ruh. Ama inlungset leh aṭongpek kajuihei chunga khang lishing katlunga a’ntepna ajuia alungsetna amalâra kae,

TIMOTHY INKHATNA 1:15

Pui katluk a rahlâng sik leh taksen sik a akadiktak ṭong inhri kha hi kae: Mikaset-hei kahuk inhring sik Jesu Christa kha vânhnōia kajōng. Ankâra akasetpen kha kei eng kae,

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.

HEBREWHEI 10:23

Eini’n nihrisōt inhōrna kha kahnet a matu rih, ajârchu Pathen kha aṭong tepna katlosōt sik a nitaksentor a kae.

HEBREWHEI 11:11

Taksen jâra Abraham ater hêr joa achang inum khana Sarah kha sanei pha a’nkhe jo tâk inum, pa inkhat lahong kachang nôk a kae. Ama’n Pathen intepna kha atlosōt nger sik tia taksenna anei.

HEBREWHEI 6:10

Pathen kha akadik katlomak changmak. Ama’n nanṭontlo leh nan-Christian changpui hei tûn katlunga nanpek heia, nanbôm heia, ama sik a lungsetna nantamalâr hei kha mahngi mak ning.

JOHN INKHATNA 1:7

Tâk-kha ama vâra a-om kapōa, eini vâra aka-om nichang inchu, eini inkhat leh inkhat a’nloikhôm me kae, khana asapa Jesu thisen khan setna rakip a inphut asôp mantheng jo me kae.

ṬONGPHÔNG 15:3

anmani’n kemōngte leh Pathen sōkpa, Moses hla kha, ansak a ka-om hei: “Akahratpen Rōngpu Pathen, naṭōn tlohei hi heituk-hrep a a’nlak a akalenhei mo! Jât rakip Rengpa, nahlamhei hi heituk-hrep a akadik a a’ntlun hei mo!