JOHN INKHATNA 1:7 - LEKHARABU INTHENG (BSI)

⁷ Tâk-kha ama vâra a-om kapōa, eini vâra aka-om nichang inchu, eini inkhat leh inkhat a’nloikhôm me kae, khana asapa Jesu thisen khan setna rakip a inphut asôp mantheng jo me kae.

JOHN INKHATNA 1:7 ပူးပေါင်းရင်းမြစ်များ

HLAHEI 104:2

nabinga vâr inkhukhum che. Marvânhei kha Pōn-inn kapōa namazer

HLAHEI 51:2

Kaṭhat makna hi asôp manthengpek roh, khana kasetna inphut amantheng seng roh.

HLAHEI 56:13

ajârchu thina inphut a nahuk eng, khana mihei torna inphut a nasansōt eng. Khava jâra akahring hei chunga akavâr vâr shunga, Pathen omna hmun a khan kei kalôn eng.

HLAHEI 89:15

Hla leh inṭhōia nang inmuk hei kha heituk a akahōi hei mo, nalungsetna vâr shunga aka-om hei kha!

HLAHEI 97:11

Mikadik-hei chunga vâr kha kavâr, khana mikaṭhahei chunga ningṭhatna ka-om.

ISAIAH 2:5

Tûnchu, Jacob sōn leh pârhei, Rōngpu tapek me vâra khan eini se rih!

ISAIAH 33:24

Niram shunga ka-om mi inkhatbek inum dammak eng tia inphin hêrmak jo ning, khana setna rakip inngei indam sik jo.

ISAIAH 6:7

Ama’n hmeira-ê in-ât vâng khan kahner amanroa ahri, “Hivahin nahner atôn jo, tûnchu naṭhena om mak jo, nasetna rangei mandam jo che kae.”

AMOS 3:3

Inhmutōna neiloa mi 2 he’n khōhme se antaphut thei mo?

ZECHARIAH 13:1

Akahratpen Rōngpu’n ahri, “Khava pha kha ajōng tlung pha, David sōn leh Jerusalema ka-om mihei setna leh limsyem kamukna kha mantheng sōtna sik tuihnâr inkhat jōng kasōksōt sik.

MATTHEW 6:12

Keini’n kanchunga akaṭhe hei kantarangei mandam kapōa kanṭhena arangei mandam roh.

JOHN 1:29

Abân kania John in Jesu ahnenga akahong kha ahmua ati, “Vânhnōi setna karôn Pathen Kemōngte kha hin ka-om.

JOHN 12:35

Jesu’n amasôn hei, “Vâr kha nankâra pha bongkhat rōkte ka-om sik. Nanchunga khō inthim kha ajōng makna sik nangni’n vâr nanneilai hin nanhlam hro kha manjôn ruh; ajârchu khō inthima ka-om mi khan khonting ajōna akase manhret mak.

JOHN 5:4

Ajârchu Rōngpu ngeva inkhat kâklalak leh tuikhura khan jōng kaṭuma tui kha akachok manhling ria kae. Tui inhlinglai hmapena akaṭum mi kha heikhong khova nat achang inum kadam ri.

ROMANHEI 13:12

Jân pha kathlengsō vet jo, khō vârna sik kahnai jo. Khō inthim ṭōnhei kha bâng jo rih; khōvâr retukna sik revon kha invon jo rih.

CORINTHIANHEI INKHATNA 6:11

Nangni ṭhahrep chu khahei kapō leikachang chei, tâk nangni chu setna inphut mantheng jo chei kae; Pathen hneng a’npesōt jo chei kae; Rōngpu Jesu Christa leh ni-Pathen Rathla khan nangni chu Pathen leh amandiksap jo chei kae.

EPHESIANHEI 1:7

Heijâra mo niti’nchu Christa thisen vânga niset arangei mandam jo, khana ning leh hnōma amasō jo me. Khangtuk hrep a apek me Pathen maritna kha heituk a akalen jo mo,

EPHESIANHEI 5:8

Nangni inthim thōia khanga ale’nhmang chei kae, tâk tûnchu nangni Pathen mi nanchang jo jâra, khōvâra ka-om jo chei. Khava jâra vârta akachang hei kapōa aka-om sik chei kae,

TIMOTHY INKHATNA 6:16

Ama rōk akathi theimak kha kae. Tûte tahnai manhlut tor makna vâr shunga ka-om. Ama tûte’n lahmu mak hei; tûte’n hmutorhêr mak hei. Kajana leh ahei tik a vairônna kha atâ changṭhak rasoh! Amen.

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.

HEBREWHEI 9:14

Hivahi adik inchu, Christa thisen rarap khan chu heituk akakhe chet a ṭōn achai sik jo mo! Kumsôt Pathen Rathla a inphut Christa kha pui katluk tōkna kachanga Pathen hneng abinga inpek sōt jo. Akahring Pathen kha nirazen theina sik, athisen khan eini mandon ṭhen theina kha hnemna kase bekdâna inphut amantheng pek sik me.

JAMES 1:17

Kutchoi kaṭha rakip leh kutchoi pui katluk rakip marvâna inphut kae; khavakha marvâna vârhei kasyem, inthlengtik kaneimak khana ahmai amahea inthim insōmak, Pathena inphut kae.

PETER INKHATNA 1:19

khavakha masetna kase leh nōrna kase kemōngte inkhat kapō, mankatamtak Christa inpek sōtna kha kae.

JOHN INKHATNA 1:3

Apa leh asapa Jesu Christa leh inṭhōia kan-inloikhômna shunga hin nangni’m nanhong hlutna sik, kantahmu leh kantathei hei kha kantahri pek chei kae.

JOHN INKHATNA 1:5

Tûn keini’n asapa inphut kantathei ṭong khana kanta phôngsōt kha hi kae: Pathen kha vâr kae, khana ama hneng inthim inti hi om hêrmak.

JOHN INKHATNA 5:6

Jesu Christa kha atui hlutna tui leh athina thisen leh inṭhōia akajōngpa kha kae. Ama tui leh rōk akajōng changmak, tâk tui leh thisen akoptōa akajōng kae.

JOHN INKHATNA 5:8

Rathla, tui, khana thisen hei hi kae; khana an-inthuma a’n-anghrep sâkhi kha anpek.

JOHN INHNINA 1:4

Pa ṭong pek me kapōa, nasa ṭhahrep hei akadik a an-om ke’n kahmu heia inpâk hrânghra eng.

JOHN INTHUMNA 1:4

Kasa he’n akadik a nan-om ṭong kathei, hiva kakhea heite inkhat in inpâkna apeksator mak ning.

ṬONGPHÔNG 1:5

khana taksen ka-om sâkhi kapek akathia inphut ahma inkeipena keimathōi sik khana ralei renghei vaikarôn Jesu Christa a inphut maritna leh lung mōngna nanta chang rasoh. Ama’n alungset me, khana ama a’ntōksōt a athia khan eini nisetna heia inphut ning leh hnōma amasō jo me,

ṬONGPHÔNG 12:11

Nisōpuihei talei phôngsōt kemōngte thisen leh dikna khan ama kha aleitor jo; khana anmani anhringkhō phesōtna leh thina sik katlunga le’ntluk hei.

ṬONGPHÔNG 7:14

“Apu, ke’n manhret mak hei eng. Nang in namanhret hei,” tia kamasôn. Khana ama’n kahnenga ati, “Hiva mihei hi suk manrimna inphut a kahringa akahong hei kha kae. Anmani’n kemōngte thisen vâng anpōnsi anta’nsôp inthenga antamanchek jo hei kae.