JOHN 9:31 - LEKHARABU INTHENG (BSI)

³¹ Pathen in mikaset-hei tader theipek mak; tâk ama kajana kapek hei leh amadu hlam katlo mihei derna athei pek hei ti eini’n nimanhret.

JOHN 9:31 ပူးပေါင်းရင်းမြစ်များ

A’NPHUTNA 19:29

Tâk-kha Pathen in Lot omna phaichama khōpuihei kha aleisuk manhmang pha Abraham kha amalunga aleimandon khana Lot kha insukset makna hmun a aleimansesōt a kae.

A’NPHUTNA 20:7

Tâk-kha tûnchu nuhmeinu kha apuise hneng pek male nôk jo roh. Ama kha sânkathem kae. Nathi makna sik a ama’n Pathen hneng aderpek sik che. Nang in napek male mak inchu, nang akathi sik che kae, nang leh namihei nankhenga.”

JOB LEKHARABU 35:12

Inṭhōipuina sik a kapeng hei, tâk Pathen in masôn mak hei, ajârchu anmani inlensak hei khana ṭhamak heia kae.

JOB LEKHARABU 35:13

Anmani ôngna kha ahnemna om mak; Chunghnung Pathen khan hmumak hei, theipek mak hei.

JOB LEKHARABU 42:8

Tûn nangni’n sehratche 7 leh kemōngche 7 Job hneng heikei ruh, nanbing sik a inthoina vatōk ruh. Job in nangni sik a aderpek sik chei, ke’n ama derna kha kamasôn sik, khana nanrahōi kasōk inzakna kha pek mak chei ning. Kei chungchânga ama’n ṭongdik ahri kapōa, nangni hrimak cheia kae.”

HLAHEI 106:23

Pathen in amihei kha suk manhmang jo hei rong aleiti pha, asōk kadeisōt Moses khan Pathen hmaikunga kangira ankasuk inhmang sik ahnuknat kha aleitinga kae.

HLAHEI 143:10

Nang ka-Pathen che kae; nalungdo tlo sik kha amanthei roh. Akaṭha kha achang pek roh, inhuk theina hlam a aching roh.

HLAHEI 145:19

Ama kajana kapek hei tarangei rakip apek hei; anṭap rasa athei pek hei khana ahuk hei.

HLAHEI 18:41

Anmani’n inthōpuina sik a kaṭap hei, tâk tûte’n hukmak hei; anmani’n Rōngpu anbek, tâk ama’n masôn mak hei.

HLAHEI 40:8

Ka-Pathen, nalungdo tlo sik kha heituk-hrep kamadu jo mo! Naman theina eng kha kalungria ka’nvona kae,” kalei ti.

HLAHEI 99:6

Moses leh Aaron hei kha athempuhei kae, khana Samuel kha ahnenga aleikader inkhat kae; anmani’n Rōngpu kha anbek, ama’n amasôn hei.

ṬONGCHÎK-HEI 15:29

Mikaṭha he’n derna annei pha Rōngpu’n arangei pek hei, tâk mikaṭhamak-hei derna chu donpek mak hei.

ṬONGCHÎK-HEI 21:13

Sarahei ṭap rasa narangei pek mak he’nchu, inthōpuina sik naṭapna kha theipek mak tin.

ṬONGCHÎK-HEI 28:9

Dân najui mak inchu, naderna kha Pathen in mater ka-om tak a athei sik.

ISAIAH 1:15

“Nangni’n derna nankut nankalâng pha, ke’n enmak chei ning. Heituk nandera achang inum, theipek mak chei ning, ajârchu nankut hei kha thisen in akatoma kae.

ISAIAH 58:9

Nangni’n nander pha ke’n kamasôn sik chei. Nangni’n nannibek pha, kamasôn sik chei. “Nanmi suk manrimna, mi hnōisena ṭonghri rakip, khana ṭong kaṭhamak rakip hei kha nanbâng inchu;

JEREMIAH 11:11

Khava jâra tûnchu, Rōngpu ke’n, anmani antlânsōt tor makna sik a, anchunga insuk inhmangna kajōng rôn sik jo kae tia gîkna kapek hei. Khana anmani’n kahnenga inthōpuina sik a anṭap inum rangei pek mak jo hei ning.

JEREMIAH 14:12

Anmani’n thlai anhngōi inum inthōpuina sik a anṭapna kha theipek mak hei ning; anmani’n ro-inthoina leh hmuchi inthoina atōksōt inum, anchunga tlaidek mak ning. Khava kanek a, ke’n re leh vonṭâm leh hrise vânga kaṭha manram sik hei kae.”

JEREMIAH 15:1

Khana Rōngpu’n kahnenga ahri, “Moses leh Samuel hei kapha’num hin anngira kahnenga anmani sik anngek inum, ke’n hiva mihei chunga lungsetna inkhatbek manhmu mak jo hei ning. Manse jo hei roh, kahmit hmua inphut mansesōt jo hei roh.

EZEKIEL 8:18

Anmani’n kahnuk natna rathahrat rakip anhmu sik. Ke’n anmani ṭhensōt mak hei ning khana lungsetna inkhatbek malârmak ning. Anmani’n antor chenna kare inrek a derna kahnenga annei sik, tâk ke’n rangei mak hei ning.”

MICAH 3:4

Rōngpu hneng nan-ôngna sik pha kha kahong jo, tâk ama’n masôn mak tin chei. Nanderna rangei mak ning, ajârchu ṭōnse nantloa kae.

ZECHARIAH 7:13

Ke’n ṭong kahri pha anmani’n anrangei mak jâra, anmani’n ander pha ke’n rangei pek mak hei eng.

JOHN 11:22

Kha achang inum tûn nang in Pathen hnenga nader rakip kha apek sik che ti kamanhret.”

JOHN 15:16

Nangni’n kei nantakadei eng changmak; nangni nanvase leh kara katamtak kasôttak a a’nra sik a, ke’n nangnijôk kakadei cheia kamanṭang chei kae. Khava jâra hei-achang inum kapa hneng karahminga nantader kha Pa khan apek sik chei.

JOHN 4:34

Jesu’n anhnenga, “Kei bu khachu anijōng katirpa lungdo pui katluk a tlo mathluk sik kha kae,” ati.

JOHN 7:17

Tu achang inum Pathen lungdo tlo sik akatup mi khan kaman theina hi Pathena inphut akajōng a-emak leh kabing ratha neina vâng kahri kae ti hi amanhret sik.

JOHN 9:30

Mipa khan amasôn hei, “Nangni’n ama khona inphut akajōng mo nantamanhret mak hi a’nlak inkhat kae! Tâk-kha ama’n kahmit chu amanvâr pek jo enga kae!

JOHN 9:32

Vânhnōi ralei anphutbia inphut, hmitkacho inkhat hmit kavâr jo ti ṭong lathei phungmak hi me;

DÂNRABU INHNINA 1:45

Khan chu nangni’n Rōngpu ângshunga kaṭap cheia inthōpuina sik nanngek, tâk ama’n rangei pek mak chei, khana nanchunga amalung hlutmak joa kae.

HEBREWHEI 10:7

Khana ke’n kahri, ‘Dânrabu a kei chungchânga a’nzet kapōa, nalungdo katlo sik a kei hin ka-om eng, Eh Pathen.’”