JOHN 8:44 - LEKHARABU INTHENG (BSI)

⁴⁴ Nangni chu nanpa Rathla Kadikmak sa chei kae, khana nanpa kachang lungdo kha nantajui kae. Ama chu anphutbia inphut mikathat kae, ṭongdik langa khan omphung mak ajârchu ashunga ṭongdik kha om mak. Maleisei ahri kha ama ngaihrep ahri kae ajârchu ama chu malei kasei khana malei kaseihei pa kha kae.

JOHN 8:44 ပူးပေါင်းရင်းမြစ်များ

A’NPHUTNA 3:15

Nang leh nuhmeinu kâra in-enkadana kaman om sik jo; nuhmeinu sōn in nalu asukkhōi sik khana nang in asōn apâr kerahmit namachuk pek sik kae,” ati.

RENGHEI INKHATNA 22:22

Rōngpu’n ader, ‘Heikhonga mo?’ Rathla khan amasôn, ‘Kei kase sik eng, Ahab sânkathem rakip akadik mak kamanhrisōt sik hei.’ Rōngpu’n ahri, ‘Se roh. vahōn jo roh. Nang in nator sik,’ ati.”

THUHMINGHEI INKHATNA 21:1

Seitan in Israel mipuihei hneng bōina apek hnōm hei, khava jâra David kha mija teina sik a malung apek jo.

JOB LEKHARABU 1:11

Tâk-kha nang in ama tanei heirakip hi nalosōt pek inchu, nahmai kungtak a ahâksêr sik chea kae!”

MATTHEW 12:34

Nangni marihei–akaṭhamak nangni’n heikhong mo akaṭha nanta hri tor sik? Ajârchu malunga kasip a aka-om kha beia a’nhrisōt.

MATTHEW 13:15

ajârchu hiva mihei malung hi kamoa kae, anmani’n ankōrhei ansing, anhmit hei ankathim. Kha achangmak inchu, anhmit hei in aleihmu sik, ankōrhei in aleithei sik a kha, anmalung in aleimanhret sik, khana anmani kei hneng he’nle sik hei, Pathen in ati, khana ke’n anmani kaleimandam sik jo hei.’

MATTHEW 13:38

hlei kha vânhnōi ralei hi kae; hmuchi kaṭhahei kha rengram a mihei kha kae; kaharhei kha Akaṭhamak Inkhatpa mihei kha kae;

JOHN 6:70

Jesu’n amasôn hei, “Ke’n nangni 12 kakadei chei changmak mo? Kha’num nankâra inkhat chu rathla kaṭhamak kae.”

JOHN 7:17

Tu achang inum Pathen lungdo tlo sik akatup mi khan kaman theina hi Pathena inphut akajōng a-emak leh kabing ratha neina vâng kahri kae ti hi amanhret sik.

JOHN 8:38

Ke’n ka-Pa tamanhmu eng kha kahri, tâk nangni’nchu nanpa tamanthei chei kha nantlo.”

JOHN 8:41

Nangni’n nanpa taleitlo kha nantatlo kae.” Anmani’n anmasôn, “Pa inkhat rōk kannei, khachu Pathen khet kha kae, keini asa kadiktak ung kae.”

JOHN 8:55

Nangni’n ama lamanhret hêrmak chei, tâk ke’nchu kamanhret. Ke’n ama manhret mak eng kati’nchu, nangni kapōa malei kasei kachang sik eng. Tâk-kha ke’n ama kamanhret khana aṭong kajui.

ṬŌNTLOHEI 13:10

khana ati, “Nang Diabol sapa! Ṭōn kaṭha rakip kadōi che kae; akaṭhamak lungthim rakip kasip che khana Rōngpu ṭongtak rakip maleisei manchang sik nareiṭhak!

ṬŌNTLOHEI 24:9

Jehudi rakip inum maherna kha anlei manjoma khahei rakip kha kadikpet anleiti.

ṬŌNTLOHEI 5:3

Peter in, “Ananias, nakarōia inphut nahmu sêr ahlek naṭhensōt a heisa mo Rathla Intheng hneng maleisei tlona naneia Seitan a’ncheo che?

CORINTHIANHEI INHNINA 11:3

Eve kha lungthim kaṭhamak malei kasei mari khan ahōnmathlâk kapōa, nangni’m Christa a nanmalung akhenga nantapek kha kabâng sik cheia kha nanmalunga setna ting inhekhâk sik tia kaṭi eng.

PETER INKHATNA 5:8

Inrin ṭhak ruh, insing thei ruh! Nanta’nrepui Diabol kha shabakkai inhrung kapōa kalôna, tu mo inkhat madehlon sik a a-enlea kae.

PETER INHNINA 2:4

Marvân ngeva akaset hei kha, Pathen in ṭhensōt mak hei, tâk Ṭongtan Ning kani kahngâk a anmani kha thirhrui vâng akhit heia, khō inthim hmun khurkōk a ahlon manhlut sik heia kae.

JOHN INKHATNA 1:8

Eini’n setna neimak me niti’nchu, nibinga a’nhōn me kae, khana akadik kha nishunga om mak.

JOHN INKHATNA 2:21

Khana nanhnenga kaheimazet hichu akadik kha nanmanhret mak jâra changmak; nanmanhret jâra leh akadik a inphut maleisei heitikchena sōk phungmak ti nanmanhret dek jo jâra kae.

JOHN INKHATNA 2:4

Ama kamanhret jo kati hei, tâk aṭongpek chu juilo hei kha malei kaseihei kae khana anhnenga akadik kha om mak.

JOHN INKHATNA 3:12

Cain intipa kapō kha akachang hêrmak sik me kae; ama chu Akaṭhamak Inkhatpa ta kae khana asōpuikhet Abel kha aleithat a kae. Heisa mo Cain in ama kha aleithat? Ajârchu ama khet ṭōntlo kha leidikmak, tâk asōpuipa ṭōn leitlo khachu kadik a kae.

JOHN INKHATNA 3:15

Mihlop ka-en kada mi kha mikathat-hei kae; mikathat-hei khan hringna anshunga neimak hei ti hi nanmanhret a kae.

JUDE 1:6

Khan chu marvân ngevahei anratha neinahrep shunga aka-om mak hei, anhmun kadahlon hei kha: kani lûnpui ninga maset kachen sik heia, kumsôt a thirhrui vâng Pathen in akhit heia, ralei thōi inthim shunga akhum hei hi nangni’n mandonsōt ruh.

ṬONGPHÔNG 12:9

Khana rihren kalentak kha anhei hlonsōt jo, ama kha hmalaia mari kha kae, arahming Diabol a-emak leh Seitan inti vânhnōi kahōn inthlapa kha kae. Ama leh angevahei seng raleichunga anjōnghlon mathlâk jo hei.

ṬONGPHÔNG 13:14

Ama’n ranhring hma-inkei hmaikunga aṭōntlo inlakna vâng khan raleichunga ka-om mi rakip ahōn mathlâk jo hei. Ranhring khan raleichung mi rakip hneng, ranhring chemjâma a’ntôna alakahringpa kajana, alim antasyem sik a ṭong apek hei.

ṬONGPHÔNG 2:10

Khōdeng nathei sik kha heite ṭitmak roh. Rangei roh! Seitan in nang enmansinna sik nankâra mi ṭhahrep hlungkura akhum sik chei, ni 10 katlunga nanmalung inrim sik. Thina katlunga taksenthei chang roh, ke’n hringna kha torna inpâkmana kapek sik che.

ṬONGPHÔNG 21:8

Tâk-kha ṭit kasehei, mikahōnhei, mikathat-hei, omchen kase hei, dôi kachoihei, limsyem inmuk hei, khana malei kaseihei seng omna sik a hmun kha hmei leh kât kângna dîr kha kae, khavakha vōi 2 tlukna thina kha kae.”

ṬONGPHÔNG 22:15

Achang ravâng khōpui vângting khan chu, mikahōn inthla, mikaṭhamak, dôi kachoi, mikajông, mikathat, limsyem inmuk, ṭōntlo leh ṭonghria malei kasei ka-om hei.

ṬONGPHÔNG 9:11

Anmani’n reng inkhat annei, ama kha dongna kase dôpkhur kahlōpa ngeva kha kae. Hebrew ṭonga arahming Abaddon inti, Greek ṭonga Apollion inti (khava tina khachu “Akasuk inhmangpa” tina kae).