JOHN 8:43 - LEKHARABU INTHENG (BSI)

⁴³ Kaṭong hri heisa mo nantamanhret theimak? Ajârchu nangni’n kaṭong hri rangei tor mak chei.

JOHN 8:43 ပူးပေါင်းရင်းမြစ်များ

ṬONGCHÎK-HEI 28:5

Mikadik mak in ṭongtan kadik kha heimo ti manhret mak hei, tâk Rōngpu inmuk hei khan chu kaṭha anmanhret.

ISAIAH 44:18

Khang khava mihei kha heimo antatlo ti manhret theina sik a kamohêr hei. Anmani’n akadik chunga anhmit ankathim, anmalung ankama kae.

ISAIAH 6:9

Khava jâra ama’n kei kase leh hiva ṭong hi mihei hneng kavahrina sik a amanthei eng, “Nangni’n ṭong kha heilai nanrangei inum, manhret mak tinnei. Heilai nan-en inum, heimo akasōk manhret mak tinnei.”

JEREMIAH 6:10

Ke’n kamasôna, “Anhnenga ke’n kahria kamanse he’num, tu’n mo arangei pek sik eng? Anmani anracham kase, naṭong manrôn rangei hnōm mak hei; hri sik a namanthei eng ṭong kha anmanuisōa kae.

HOSEA 14:9

Mikasing he’n hinna inzet hei hi manhret rasoh, anmalunga inda hei rasoh. Rōngpu hlam chu akadikhei kae, mikadik he’n khahei kha anjuia kahring hei, mikaset he’n andon mak jâra inpai heia katlu ri hei.

MICAH 4:12

Tâk-kha hiva jât-hei hin Rōngpu malung kha manhret mak hei. Hmuchi kara saphōra vōk mathlâk sik a manbuk jo kapōa anmani kha karâkna pek sik a khôm mantûp jo hei kae ti kha anmani’n manhret mak hei.

MATTHEW 13:15

ajârchu hiva mihei malung hi kamoa kae, anmani’n ankōrhei ansing, anhmit hei ankathim. Kha achangmak inchu, anhmit hei in aleihmu sik, ankōrhei in aleithei sik a kha, anmalung in aleimanhret sik, khana anmani kei hneng he’nle sik hei, Pathen in ati, khana ke’n anmani kaleimandam sik jo hei.’

JOHN 5:25

Akadiktak kahri pek chei kae; akathi khan Pathen Sapa rasa anthei pha, akathei hei khan anhonghringsōtna sik pha kha jōng katlung jo, ajōng katlungsa jo kae.

JOHN 5:43

Kapa ratha neina leh inṭhōia kei kajōng eng; tâk nangni’n kei arahlâng mak chei; mi inkhat ama bing ratha neina leh inṭhōia ajōng inchu, nangni’n ama nanlei rahlâng sik.

JOHN 6:60

Asonle akatam lang in hiva ahri hei hi anthei pha, “Hiva aman theinahei hi manhret intak rei. Tu’n mo amanhret tor sik?” anti.

JOHN 7:17

Tu achang inum Pathen lungdo tlo sik akatup mi khan kaman theina hi Pathena inphut akajōng a-emak leh kabing ratha neina vâng kahri kae ti hi amanhret sik.

JOHN 8:27

Jesu’n Pa chungchâng ahri kha anmani’n leimanhret theimak hei.

JOHN 8:33

Anmani’n anmasôn, “Keini Abraham sōn ung kae, tûte sōk changmak ung, nang in, ‘Ning leh hnōma masō kachang sik chei,’ nati hi heimo natina?”

JOHN 8:39

Anmani’n anmasôn, “Keini pachu Abraham kae.” Jesu’n amasôn hei, “Takkhet a nangni Abraham sōn kha nanchang inchu, ama’n aleitlo ṭōnhei kha leh in-anghrep a nantatlo sik kae.

ṬŌNTLOHEI 7:51

“Heituk a rahe kase jo chei mo!” Stephen in abân ahri manjōm nôk. “Nanmalung hi heituk a a’nthengmak mo, nankōr hi Pathen ṭong rangeina sik a heituk-hrep akaset jo mo! Nangni nanpi leh nanpuhei kapō chei kae: Rathla Intheng hi nangni’n nanlating ṭhak a kae!

ROMANHEI 3:11

mikasing tûte om mak khana Pathen inmuk tûte om mak.