JOHN 8:41 - LEKHARABU INTHENG (BSI)

⁴¹ Nangni’n nanpa taleitlo kha nantatlo kae.” Anmani’n anmasôn, “Pa inkhat rōk kannei, khachu Pathen khet kha kae, keini asa kadiktak ung kae.”

JOHN 8:41 ပူးပေါင်းရင်းမြစ်များ

SŌKSŌT 4:22

Khava pha Rōngpu, Ke’n hinga ati tia ahnenga hripek roh, “Israel kha kasapa a’nte hma inkeipen kae.

ISAIAH 63:16

Nang kanpa che kae. Kanpu ṭhut Abraham leh Jacob in keini amanhret mak hei, tâk Rōngpu, nang kanpa che kae, pha rakip a kan-intlen sōtpa che kae.

ISAIAH 64:8

Tâk-kha nang kanpa, kan-Rōngpu che kae. Keini ralei matlak kapō ung kae, khana nang be kakheng kapō che kae. Nang in keini nasyemsōt ung,

JEREMIAH 3:19

Rōngpu’n ahri, “Israel, kasa kapōa karahlâng hnōm che, ke’n raleichunga ram kaṭhapen, leh ram kahōipen kha kapek hnōm che. Apa tia nabek sik eng hi kamadu, khana keia inphut aheitik a na-inhesōt mak sik hi kamadu.

JEREMIAH 31:20

“Eh Israel, nang kasa marit che kae, kalungset pen inkhat che kae. Ke’n narahming kapan akaia, lungset leh inṭhōia kamandon che. Kamalung hi nachunga ka-om; kamarit sik chea kae.

HOSEA 1:2

Rōngpu’n Hosea ahmanga Israelhei hneng hmapena ṭong ahrilai khan, ama’n Hosea hneng ahri, “Se ina nuhmei vanei roh; nanuhmei kha hlamrinthei changmak ning, khana asahei kha’m annu anpō sik. Kha leh in-anghrep a, kami he’n kei andahlon jo eng khana hlamrinthei changmak heia kae.”

MALACHI 1:6

Chunghnung Rōngpu’n thempuhei hneng ati, “Sapa’n apa kajana apek, khana sōk in akapu kajana apek. Kei nanpa eng kae, heijâra mo kajana nantapek mak eng? Kei nankapu eng kae, heisa mo nantakaja mak eng! Nangni’n adonmak chei, kha’num nander eng, ‘Heikhonga mo kantadon mak che?’ nanti.

MALACHI 2:11

Judah he’n Pathen hnenga anṭong tepna anmakhōi jo khana Jerusalem leh ram pumpuia ṭit ka-om ṭōn antlo jo. Rōngpu talungset Bek-inn kha anmanchok jo. Pase he’n ram hlop pathen inmuk nuhmei anlo jo hei.

JOHN 8:38

Ke’n ka-Pa tamanhmu eng kha kahri, tâk nangni’nchu nanpa tamanthei chei kha nantlo.”

JOHN 8:44

Nangni chu nanpa Rathla Kadikmak sa chei kae, khana nanpa kachang lungdo kha nantajui kae. Ama chu anphutbia inphut mikathat kae, ṭongdik langa khan omphung mak ajârchu ashunga ṭongdik kha om mak. Maleisei ahri kha ama ngaihrep ahri kae ajârchu ama chu malei kasei khana malei kaseihei pa kha kae.

DÂNRABU INHNINA 14:1

“Nangni Rōngpu nan-Pathen mi chei kae. Khava jâra nangni’n kathihei sik a ṭajai nansui pha, milak-hei tatlo kapōa nantak karittan mak ruh a-emak leh nanmache ting nansam vomak ruh.

DÂNRABU INHNINA 32:6

Mikamo, mandonna kaneimak mihei, Hinga mo Rōngpu kha nantatlo sik? Ama chu nanpa, nankasyem kae, ama’n nangni jât inkhat a asyem chei kae.

JOHN INKHATNA 3:12

Cain intipa kapō kha akachang hêrmak sik me kae; ama chu Akaṭhamak Inkhatpa ta kae khana asōpuikhet Abel kha aleithat a kae. Heisa mo Cain in ama kha aleithat? Ajârchu ama khet ṭōntlo kha leidikmak, tâk asōpuipa ṭōn leitlo khachu kadik a kae.