JOHN 7:7 - LEKHARABU INTHENG (BSI)

⁷ Vânhnōi in nangni chu hōtmak hei chei, tâk kei chu anṭōnhlam kadikmak karakôk hei jâra anhōt eng.

JOHN 7:7 ပူးပေါင်းရင်းမြစ်များ

RENGHEI INKHATNA 21:20

Ahab in Elijah ahmu pha ati, “Ka’nrepui, nang kahnenga akajōng nôk che mo?” Elijah’n amasôn, “Ôk, kei kahong eng, nang in Rōngpu hmit-enna akadik mak ṭōn tlona sik a nabinga pui katluk a inpek sōt jo che.

RENGHEI INKHATNA 22:8

Ahab in amasôn, “Imla sapa Micaiah inti inkhat laka-om. Tâk-kha ama chu kahōt, ajârchu ama’n heitikchena kei sik a akaṭha inkhatbek hriphung mak a kae; akaṭhamak rōk aphông.” Jehoshaphat in amasôn, “Khanga nahri mak sik kae!”

HLAHEI 109:5

Akaṭha kha ṭhatmak vâng anmale eng, kalungsetna kha hōtna vâng anmale eng.

ṬONGCHÎK-HEI 15:12

Mi inlensak he’n anṭhena mandik sik hnōm mak hei; anmani kanek a akasingdet hei hneng ṭongderna neihnōm mak hei.

ṬONGCHÎK-HEI 8:36

Kei ani kachenmak mihei kha anbibinga a’nsukset hei kae; Tu mo inkhat kei ani kahōt kha thina amadu kae.”

ISAIAH 29:21

Mikahōnhei, ṭōnse katlo chunga karâkna akapek mak hei, mikadik-hei sik ṭongdik tanna sik pha maleisei kahrihei, Pathen in alasuk manhmang sik hei kae.

ISAIAH 49:7

Israel a’ntheng Pathen leh huksōtpa khan ahri, hnōise-êsetak a antatlopa hnenga, jât he’n antamaterpa leh vaikarônhei sōkpa hnenga: “Reng he’n nang masōa na-om kha anhmu sik che nang kajana inding sik hei; rengsa he’num anhmu sik, khana nang kajana inkun sik hei.” Hivahi hong kasōk sik ajârchu Rōngpu’n asōkpa kha akadei jo kae; Israel Pathen intheng khan aṭong intep kha ajui kae.

JEREMIAH 20:8

Ke’n ṭong kahri kataia, ka-ông sik eng, kapeng sik eng, “Intuk intha! Insukset!” kati sik. Rōngpu, naṭong kahri manthangle jâra, kei anrasei eng khana andei kapek eng.

LEVI-DÂN 13:10

ama’n a-enmanchên sik. A’nthling kha achek joa asam kha’m abanga ahnai asip inchu

ZECHARIAH 11:8

Kei ani kahōt kemōng kakhem ahlop 3 hei kha detor mak jo hei eng, khana thla khat shunga khan inthloppui makna sik katlo jo.

MALACHI 3:5

Chunghnung Rōngpu’n ati, “Ṭong katan sik a nankâra hongkangir sik eng, hmitphedôi kachoihei, mikajônghei, sâkhi kadikmak kapek hei, anṭōn katlohei rathaman kapek mak hei, khana renghmeihei, khana nu leh pa kasehei, khana ram hlop heia inphut hnemna kajōng hei, khana kei kajana anikapek mak hei seng chunga ṭong katan sik.

LUKE 6:26

“Nangni mi rakip in anhri manṭhat chei pha, heituk ṭitpek ka-om chei mo; anpusōn he’num akadik mak sânkathemhei kha khanga anta leihri manṭhat hei kae.

JOHN 17:14

Ke’n anhnenga ṭongpui hi kapek hei khana vânhnōi in anmani ahōt hei, ajârchu kei vânhnōi ta kachangmak kapōa anmani vânhnōi ta changmak hei.

JOHN 3:19

Ṭongtan ṭōn kha hi kae: ti chu vâr kha raleichunga kajōng jo, tâk mihe’n ṭhatmak ṭōn kha antlo jâra, vâr kanek a a’nthim jôk kha anmadu.

ROMANHEI 8:7

Khava jâra anmihring ngai tamadu vairôn hei khachu Pathen kadōi hongkachang hei; ajârchu Pathen Dân kha juimak heia kae, khana inchêntak a ajui um juitor mak hei.

GALATIANHEI 4:16

Akadik kahri pek chei jâra tûnhin nan-inrepui akachang jo eng mo?

JAMES 4:4

Eh taksenthei kachangmak mihei! Vânhnōi ṭhōn changna hi Pathen kadōi kae ti manhret mak chei mo? Tu achang inum vânhnōi ṭhōn chang sik indu khan Pathen kadōia a’nsyem hei kae.

JOHN INKHATNA 4:5

Khava sânkathem kadikmak hei kha’n vânhnōi neinâk-hei chunga anhri, anṭong kha ralei mihe’n anrangei pek hei ajârchu anmani kha ralei tahei kae.