JOHN 7:39 - LEKHARABU INTHENG (BSI)

³⁹ Jesu’n hiva ahri hi ama kataksen he’n hnunga Rathla antachen sik kha atina kae. Khava pha khan chu Rathla kha la’npek mak hi ajârchu ama kha kalûrtak a keimanke lachang mak a kae.

JOHN 7:39 ပူးပေါင်းရင်းမြစ်များ

HLAHEI 68:18

Hmebung inshânga khan ama leikake rehringa surmi katamtak aṭhōisa hei; ama’n akadōi heia inphut kutchoihei arahlâng. Rōngpu Pathen kha khan ka-om sik.

ṬONGCHÎK-HEI 1:23

Karasei che pha a rangei roh; ke’n ṭongpek kaṭha kapek sik che, khana kei themna kha chen kaneipui sik che.

ISAIAH 12:3

Tui kahre hei hneng tuidai intheng in antuihre chimna apek hei kapōa Pathen mihei kha ama’n ahuk hei pha inpâk hei.”

ISAIAH 32:15

Tâk-kha vōi khat chu Pathen in arathla kha eini sik ajōngtir sik. Ramhâng hei kha ralei thai ṭhatna hmun lahong kachang sik, khana hleihmun a kara katamtak lahong inlōk hi sik.

ISAIAH 44:3

“Ke’n ram kachâr hmun a tui kapek sik, ralei chârna kavadung kaman lōng sik. Ke’n nasahei chunga karatha hratna kajōng bun mathlâk sik, khana nasōnhei chunga kamahâm ṭhatna kapek sik hei.

JOEL 2:28

“Khava sō leh mi rakip chunga karathla kaheibun mathlâk sik: nansanu, nasapa he’n kaṭong anphông sik; nankater he’n rahmang annei sik, khana nankhangdông he’n hmangtalâr anhmu sik.

MATTHEW 16:14

Anmani’n, “Ṭhahrep in Tui Inhlutpa John anti che,” tia anmasôn. “Alak in Elijah khana alak he’n Jeremiah a-emak leh sânkathem alak anti che.”

MATTHEW 21:11

Mipuihei khan, “Ama hi Galilee ram a Nazareth khōa inphut sânkathem Jesu kha kae,” anti.

LUKE 24:49

Ke’n kapa ṭongtep kha nangni chunga kajōngtir pek sik chei. Tâk-kha nanchunga marvâna inphut ratha kha ajōng tlung mak hma seng khōpuia nangni om ruh.”

LUKE 3:16

Khava jâra anhnenga John in ahri, “Ke’n tui vâng tuimanhlut katlo chei, tâk kei kanek a akalen jôk kha kakahnunga kajōng. Kei ama kekōk hrui kasōt sik bek um karahōi sōk mak. Ama’n nangni Rathla Intheng leh hmei vâng manhlutna atlo sik cheia kae.

LUKE 7:16

Mi rakip ankhenga ṭitna kasip sō jo hei, khana anmani’n Pathen anmanpâk a, “Sânkathem kalentak inkhat nihnenga jōng inlâr jo, amihei kahuk sik a Pathen akajōng jo kae,” anti.

JOHN 1:21

“Khan chu nang tu che mo? Elijah che mo?” tia ander. John in amasôn hei, “Kei changmak eng.” Anmani’n ander nôk, “Sânkathem kha che mo?” Ama’n, “Changmak eng,” tia amasôn hei.

JOHN 1:25

kha achang inchu John hneng, “Nang kadeisōt Messiah kha’m nachangmak a, Elijah kha’m nachangmak a, Sânkathem kha’m nachangmak inchu, heisa mo tui manhlutna ṭōn natlo?” tia ander.

JOHN 1:33

Khava katlunga ke’n leimanhret mak eng, tâk tuia tuimanhlut katlo sik a anijōng katir Pathen in, kahnenga, ‘Nang in Rathla kha mi inkhat chunga ajōng kaṭum nahmu sik; Rathla Inthenga tui manhlutna akatlo sik kha ama kae,’ atipek eng.

JOHN 12:16

Khava phatak a khan chu Asonle he’n hivahi leimanhret mak hei; tâk Jesu kalûra mathōisōt achang pha khan chu ṭong intheng in achungchânga aleihri dungjuia anmani’n khanga anta leitlo kae tia anmandonsōt jo.

JOHN 12:23

Jesu’n amasôn hei, “Mihring Sapa khan lûrna kalentak arahlângna sik pha tûn jōng katlung jo.

JOHN 14:13

Sapa inphut Pa lûrna kha anhmu theina sik, karahminga nantader rakip kha ke’n katlo pek sik chei.

JOHN 14:26

Pa khan Inthōpui, Rathla Intheng kei rahminga ajōngtir sik khana heirakip amanthei sik chei khana kaleihri pek chei rakip mandonsōtna apek sik chei.

JOHN 16:14

Ama’n kei amanlûr sik eng, ajârchu kei tahri leh mantheina chei kha ama’n alo sik kae.

JOHN 16:7

Tâk-kha akadiktak kahri pek chei kae; kei sesōt sik hi nangni sik a akaṭha jôk kae, ajârchu kei kasemak a achang inchu, Inthōpui kha nanhnenga jongmak ning. Tâk-kha kei kase joa achang inchu, ama kha kajōngtir pek sik che kae.

JOHN 17:1

Jesu’n hi ahrisō pha, marvânting a-enna ati, “Apa, pha hi jōng katlung jo, Sapa’n nang amanlûr theina sik che, Sapa kha manlûr jo roh.

JOHN 17:5

Apa, ralei insyem mak hma nang leh inṭhōia lûrna nilei neisap kha leh in-anghrep a, tûn nahmai kunga lûrna kha apek jo roh.

JOHN 20:22

Ama’n hi ahria, anchunga akaphuk amasâ khum heia, “Rathla Intheng kha chen ruh!

JOHN 6:14

Mihei khan aṭōn inlak tlo kha anhmua anhri, “Kadiktak a ama hi raleichunga akajōng sik Sânkathem kha kae!”

JOHN 7:12

Mipui kâra khan Jesu chungchâng kaṭong heia, ṭhahrep in, “Ama mikaṭha kae,” anti. Alak her khat in, “Changmak, ama mikahōn kae,” anti.

JOHN 8:54

Jesu’n amasôn hei, “Kei kabinga a’nlûrsak kachang inchu, kabing inlûrsakna kha heite emak. Nan-Pathen kae nantati kapa amatak khan amanlûr eng kae.

ṬŌNTLOHEI 19:2

“Nangni’n tak nansen pha Rathla Intheng nanlei chen mo?” Anmani’n anmasôn, “Rathla Intheng ka-om ti kapha’m leithei phungmak ung.”

ṬŌNTLOHEI 2:17

‘Kani hnung intonga katlo sik kha hivahi kae, Pathen in ati: Mi rakip chunga Karathla kajōng bun mathlâk sik. Nansanu leh nansapa he’n kaṭong anphông sik; Nankhangdông he’n hmangtalâr anhmu sik, khana nan-upahe’n rahmanghei annei sik.

ṬŌNTLOHEI 2:33

Ama hi Apa, Pathen kut changting matungsōt a ka-om jo, aṭong leitepna dungjuia ahnenga inphut Rathla Intheng achen jo. Tûntûna nantahmu leh nantathei rakip hi kanchunga aheibun mathlâk kutchoi kha kae.

ṬŌNTLOHEI 2:38

Khava pha Peter in hing’hin aleihri pek hei: “Nansetna rakip a inphut rangei mandam nanchena, Pathen kutchoi pek Rathla Intheng nanchenna sik; nansetna heia inphut nanbing et a he’nhesōt ruh, khana Jesu Christa rahminga tui kahlut chang ruh.

ṬŌNTLOHEI 2:4

Anmani Rathla Intheng kasip phet jo hei, khana Rathla khan ṭong theina apek hei jâra, ṭong hlop-hlop a kaṭong inphut jo hei.

ṬŌNTLOHEI 3:13

Nipi leh nipusōnhei Pathen, Abraham, Isaac, khana Jacob Pathen khan asōkpa Jesu chunga marvân lûrna aleipek jo. Nangni’n ama kha ṭong kaneihei kut chunga nanpek sōt a, Pilate in masō sik ati kapha’m nangni hnōm mak chei.

ṬŌNTLOHEI 4:31

Anderna nei kha anchaichai leh an-intûpna hmun kha hong innok jo. Khang’khan Rathla Intheng kasip phet jo heia, Pathen ṭong kha kangamtak a anleiphông manphut jo.

ROMANHEI 8:9

Tâk-kha nangni chu mihring ngai tamanthei chei dungjuia hringmak chei; khava kanek a, Pathen Rathla kha nanshunga kadiktak a a-om inchu, Rathla tamanthei chei dungjuia akahring jo chei kae. Tu achang inum Christa Rathla kaneimak mi kha Christa mi changmak.

CORINTHIANHEI INHNINA 3:8

Rathla inzen rarap tachen sik lûrna khachu heituk-hrep a akakhe akachang sik jo mo!

EPHESIANHEI 4:30

Pathen Rathla intheng kha manrim mak ruh; ajârchu Rathla kha nangni Pathen ta nanchangna mêrchîkna kha kae, Pathen in ning leh hnōma amasōna sik chei kani ajōng tlung sik manchênna kha kae.