JOHN 7:37 - LEKHARABU INTHENG (BSI)

³⁷ Revei inchai ning alûrpen ning kani khan Jesu kangirsōt a rasa inhnaktak a ahri, “Tui kahre tu achang inum kahnenga akahong sik kae,

JOHN 7:37 ပူးပေါင်းရင်းမြစ်များ

NEHEMIAH 8:18

Revei a’nphut ninga inphut a’nchai ning katlunga anmani’n Pathen Dân kha ani tina ṭhen khat sâm anleitei. Anmani ni 7 rehōi anleitlo, khana ni 8 tluk ning khan Dân dungjuia achaina nitna inkhat le’ntloa kae.

HLAHEI 143:6

Kaderna chea khan kakut kakalâng, ram kachâr kapōa nang rangeia karathla atui kahre.

HLAHEI 42:2

Akahring ṭhak Pathen, karangei ṭhak che; na-ângkunga kamukna sik heitik leh mo akahongtor sik eng?

HLAHEI 63:1

Eh Pathen, nang ka-Pathen che kae, khana ke’n nang karangei ṭhak che. Kamalung pumpui hin karangei che; ram kachâr, akaṭōiber, tui omlo ram kapōa karathla’n karangei che.

ṬONGCHÎK-HEI 1:20

Rangei roh! Singna’n hlamlena leh neinâk jōrna keithea ka-om hei kha abek hei,

ṬONGCHÎK-HEI 8:1

Rangei ruh! Singna’n mi abek. Mihe’n antheina sik a.

ṬONGCHÎK-HEI 8:17

Ani inlungset mihei kha ke’num kalungset hei; tu achang inum ani kajong khan ahmu sōt eng.

ṬONGCHÎK-HEI 8:3

Khōpui kalen hlutna a khan, sōngkot panga, ama’n abek a ati:

ṬONGCHÎK-HEI 9:3

Amanu’n asōk nuhmei atir heia khōpui hmun inshângpen heia mi amanbek hei:

HLAHEI HLA 5:1

Karahōn shunga kahlut jo eng kalungdinu, kalômnu. Marim katui kareibō thingbō kakhôm manchun hei; Kakhōihning leh khōithlar hei kasâk hei; Kasene leh kaju ka-in hei. Lungset a nan inrui mak hma seng in ruh, sâk ruh kalungset hei seng.

ISAIAH 12:3

Tui kahre hei hneng tuidai intheng in antuihre chimna apek hei kapōa Pathen mihei kha ama’n ahuk hei pha inpâk hei.”

ISAIAH 40:2

Jerusalem mihei mathok hei ruh. Ankhōdeng theina kasôt jo, khana tûnchu ansetnahei rangei mandam jo kae tia hripek hei ruh. Ansetna jâra ke’n katluk set a karâkna kapek jo hei.”

ISAIAH 40:6

Kare rasa inkhat ka-ônga, “Ṭongphông inkhat hrimanthang ruh!” ati. Ke’n kader, “Hei ṭongphông mo kahri manthang sik?” “Mihring inti rakip hi hardông kapō kae; ram kâra reipâr hei kanek a omsôt mak hei.

ISAIAH 44:3

“Ke’n ram kachâr hmun a tui kapek sik, ralei chârna kavadung kaman lōng sik. Ke’n nasahei chunga karatha hratna kajōng bun mathlâk sik, khana nasōnhei chunga kamahâm ṭhatna kapek sik hei.

ISAIAH 55:1

Rōngpu’n ahri,, “Tui kahre rakip hong ruh, hin tui ka-om! Sêr kaneimak nangni hong ruh, sasai rachôk unna sâk ruh! Hong ruh! Ju leh sehnetui ho’nchôk ruh– aman heite pek mak tin chei!

ISAIAH 55:3

“Tûn rangei ruh, kamihei, kahnenga hong ruh; kahnenga hong ruh, nangni’n hringna nanchen sik! Ke’n nangni leh intepna kahnettak kasyem sik, khana David hnenga kaṭongkam mahâmṭhatna kha kapek sik chei.

ISAIAH 58:1

Rōngpu’n ati, “Nator chenna ông roh; kami Israelhei kha ansetna chungchânga manthei hei roh.

JEREMIAH 16:19

Rōngpu, nang karatha ngarna leh ani kahrung che kae, inrengna pha na’nthōpui eng. Raleichung inchaina inphut jât-hei nahnenga kahong sik hei khana anhri sik, “Kanpu kanpa he’n pathen kadikmak kha tei loa heite leinei mak hei, akahnem mak limhei tei loa heite leinei mak hei.

JEREMIAH 2:2

Jerusalema ka-om mi rakip hnenga hiva ṭong hi vaphôngsōtna sik a amanthei eng. “Ke’n kamandonsōt, nakhangdông changlai heituk-hrep a taksenthei aleikachang che mo, niluhông bilai khan chu heituk-hrep a nalungset eng mo; Nêrdiram a, heite kekmakna ram a khan naleijui eng.

EZEKIEL 47:9

Khava hmun a tuisam alōngna khan sha leh nga jât rakip ka-om hei. Tuisam lōngna khan Tuipui Kathia tui kha amansim sik, khana alōngna rakip a hringna apek sik.

LEVI-DÂN 23:36

Ni 7 shunga ani tina thlai inthoina nantatōk sik kae. Ni 8 tluk ning kamukna sik hong intûp nôk ruh, thlai inthoina tōk ruh. Hivahi kamukna kani kae, ṭōn heite nanta tlomak sik kae.

LEVI-DÂN 23:39

Nansâng nankhôm pha, hiva revei hi ni 7 hmang ruh, thla 7 tlukna ni 15 ning phut ruh. Ahma inkei ning kha ahlop mônga châm inhngatna sik kae.

MICAH 6:9

Rōngpu ṭit sik hi akasing ṭōn kae. Ama’n khōpui abek a ati, “Khōpuia a’ntûp a ka-om nangnihei, rangei ruh!

ZECHARIAH 9:15

Chunghnung Rōngpu’n amihei ahrung sik hei, khana anmani’n an-indōipui hei kha ansuk manhmang sik jo hei. Anmani’n ju-inruihei kapōa rehmun a ka-ông sik hei an-indōipui hei thisen anmasō sik; inthoina thisen kapōa kalōng sik kōkleia inphut maichâm chunga jōngsun inthla kapōa.

MIJAHEI 29:35

Ni 8 tluk ning kamukna sik a intûp ruh, ṭōn tlomak ruh.

MATTHEW 11:28

“Phur kahrik karôna akachâm hei, nankhenga kahnenga hong ruh, ke’n châm manhngat chei rong.

MATTHEW 3:3

Sânkathem Isaiah khan, “Nêrdiram a mi inkhat ông rasa khan, ‘Rōngpu hlamlen mantluk ruh; alônna sik a hlam mantlun ruh!’” tia aleihripa kha John hi kae.

MATTHEW 5:6

“Pathen lungdo katlo hnōm hei kha anmahâm kaṭha; Pathen in pui katluk a amankhop sik hei!

JOHN 1:23

John in Isaiah sânkathem ṭong kha ahrisōt a: “Rōngpu sena sik hlam mantlun ruh! tia nêrdiram thōia mi inkhat in a-ôn,’ inti kha kei eng kae,” ati.

JOHN 14:6

Jesu’n amasôn, “Kei hlam leh akadik khana hringna eng kha kae; keia tei loa tûte Pa hneng semak.

JOHN 4:10

Jesu’n amasôn, “Nang in Pathen kutchoi pek kha namanhret a, khana tui in sik nakaderpa kha namanhret a, nang in ama hneng jôk nalei der inchu, ama’n hringna tui apek sik che kae.”

JOHN 4:11

Nuhmeinu khan ahnenga ati, “Apu, nang in alōkna sik heite neimak che, khana tuikhur hi inthûk a kae; khava hringna tui kha khona mo nalo sik.

JOHN 4:14

Khana tu achang inum kei tapek sik tui ka-in mi khachu atui hrenôk hêrmak jo ning. Kei tui pek sik khachu, kapek mipa shunga khan hringna tui kapût a kalōng sik, khana kumleikōa hringna apek sik kae.”

JOHN 5:40

Achang ravâng hringna nanchenna sik kahnenga honghnōm mak chei.

JOHN 6:35

Jesu’n anhnenga ahri, “Hringna buhlom kha kei eng kae. Kei hnenga akahong mi kha ahei tik a avon ṭâmmak jo ning; kei anikataksen mi kha ahei tik a atui hremak jo ning.

JOHN 6:37

Kapa’n apek eng hei seng kahnenga kahong sik hei. Kahnenga akahong mi kha tu achang innum ke’n hnongsōt hêrmak ning,

JOHN 6:55

Ajârchu kataksa ravōi hi thlai sâk sik khet kae, kathisen hi in sik khet kha kae.

JOHN 7:28

Jesu’n Bek-inna amanthei lai hei khan rasa inhnaktak a ahri, “Nangni’n kei khona inphut akajōng eng inchêntak a nantamanhret mo? Kei kabing rachama akajōng eng changmak. Hei-achang inum anijōng katirpa kha akadik kae. Nangni’n manhret mak chei,

CORINTHIANHEI INKHATNA 10:21

Nangni’n Rōngpu kōklei leh ṭaihei kōklei inmankop theimak tin chei; khan chu Rōngpu dokhâng leh ṭaihei dokhânga sâk manchun theimak tin chei.

CORINTHIANHEI INKHATNA 10:4

khana ankhenga rathla tui inkhat rōk anlei insōma kae. Anmani leh ale’nṭhōiṭhak rathla hlungpuia inphut tui anlei in. Khava hlungpui kha Christa khet leikachang.

CORINTHIANHEI INKHATNA 11:25

Kha leh in-anghrep a, anmani’n ansâksō pha, ama’n kōklei kha aloa khana ahri, “Hiva kōklei hi kathisenna mêrchîkna kataetkhum jo Pathen ṭongtep ther kha kae, nangni’n nan-in akaia kei mandonsōtna nei ruh.”

CORINTHIANHEI INKHATNA 12:13

Khava kapōa, eini nikhenga, Jehudi, Jât-hlop, sōk, masō nichang inum nikhenga taksa pumkhat shunga Rathla inkhat rōk a tui amanhlut jo me, khana eini nikhenga Rathla inkhat rōk kha in sik a apek jo me kae.

EPHESIANHEI 5:18

Ju inruimak ruh, khava khan nang rōk amanhmang sik che; khava kanek a Rathla kasip a om ruh.

ṬONGPHÔNG 21:6

Khan chu ama’n ati, “Hi intlo jo! Kei ahma inkei leh ahnung kakhôr, a’nphutna leh a’nchaina eng kae. Tu achang inum tui kahre mi kha ke’n hringna tuiripût a mankasea a-ina sik ratha kapek sik.

ṬONGPHÔNG 22:1

Khan chu ngeva khan kemōngte leh Pathen len in-ongna inphut hringna tuidung hlungvâr kapōa

ṬONGPHÔNG 22:17

Rathla leh Hmōinu khan, “Hong roh!” anti. Hiva akathei rakip inum, “Hong roh!” antati nger sik kae. Tu achang inum tui kahre rakip hong ruh; tu achang inum a’ndu rakip in hringna tui kha kutchoi inkhat kapōa rahlâng ruh.