JOHN 6:40 - LEKHARABU INTHENG (BSI)

⁴⁰ Ajârchu Sapa kahmua akataksen rakip in kumsôt hringna anneina sik a kae. Khana a’nchai ning kani khan anmani kahringa kamathōi sik hei.”

JOHN 6:40 ပူးပေါင်းရင်းမြစ်များ

ISAIAH 52:10

Rōngpu’n arathahrat intheng kha ahmang sik; amihei ahuksōt sik hei, khana vânhnōi pumpui in antahmu sik kae.

ISAIAH 53:2

Hivahi Rōngpu lungdo kae khachu asōkpa kha ralei kachâra rajung kathō thingkung kapōa kakek sik. Ama’n kaja theina leh hmeṭhatna heite neimak eini’n ama nimanhret theina sik om mak. Ama hnenga malung keiman hlutna a’nhret heite neimak, ama nisor hnōmna sik rahōi kasōk heite neimak.

MIJAHEI 21:9

Khava jâra Moses’n sum-êng mari inkhat lim asyema thingtlōn inkhat a atâr jo. Tu mo inkhat mari’n amachuk jo mi khan a-en inchu akadam sik kae.

MATTHEW 10:15

Nanhnenga kahri manchên kae Ṭongtan Ning khava khōpui mihei kanek a Sodom leh Gomorrah mihei chunga Pathen in lungsetna amalârchet sik kae!

MATTHEW 25:46

Khan chu, anmani are-rea karâkna kachen sik a atir sik jo hei, tâk mikadik-hei khachu kumsôt hringna kase sik jo hei.”

MARK 16:16

Tu achang inum akataksena tui kahlut mi kha hukmanhring kachang sik; tu achang inum akataksenmak mi kha maset achen sik.

LUKE 2:30

Kahmit khet in nahuk manhringna kha kahmu jo,

JOHN 1:14

Ṭong kha mihring jōng kachanga maritna leh dikna kasip phet a nikâra ka-om. Alûrna kha kanleihmu, Apa Sapa inkhat rōk achangna aleichen lûrna kha kae.

JOHN 10:28

Ke’n anmani kumsôt hringna kapek hei, khana anmani thihêr mak hei ning. Anmani kha keia inphut tûte’n akasut tor mak hei ning.

JOHN 11:24

Amanu’n amasôn, “A’nchai ning kania akahringsōt sik ti khachu kamanhret.”

JOHN 11:25

Jesu’n amanu hneng, “Kei thōi nôkna leh hringna eng kha kae; tu achang inum anikataksen mi kha akathi achang inum akahring sik kae.

JOHN 12:45

Tu achang inum kei ani kahmu mi khan, anijōng katirpa kha’m ahmu jo kae.

JOHN 12:50

Khana ama ṭongpek khan kumsôt hringna ajōng rôn ti ke’n kamanhret. Khava jâra ke’n kahri hei hi Pa khan hri sik a amanthei eng kha kae.”

JOHN 14:17

Ama kha Pathen chungchânga akadik kaphôngsōt Rathla kha kae. Ama kha vânhnōi in chentor mak, ajârchu hmu um hmutor mak khana manhret um manhret tor mak a kae. Tâk-kha ama’n nangni a-ompui cheia nanshunga a-om jâra, nanmanhret a kae.

JOHN 14:19

Pha bongkhat shunga vânhnōi in kei ahmu mak jo ning, tâk nangni’nchu nanhmu sik eng; ajârchu kei kahring jâra nangni’m akahring sik chei kae.

JOHN 17:2

Ajârchu nang in ama napek sōt mihei seng kha kumsôt hringna apek theina sik hei, mihring rakip chunga ratha neina kha ama hneng napek jo.

JOHN 3:36

Tu achang inum Sapa kataksen mi khan kumsôt hringna anei jo; tu achang inum Sapa kataksen mak mi khan hringna hmuhêr mak ning, tâk Pathen karâkna thōia ka-om ṭhak sik.

JOHN 4:14

Khana tu achang inum kei tapek sik tui ka-in mi khachu atui hrenôk hêrmak jo ning. Kei tui pek sik khachu, kapek mipa shunga khan hringna tui kapût a kalōng sik, khana kumleikōa hringna apek sik kae.”

JOHN 5:24

“Akadiktak kahri pek chei kae; tu achang inum kaṭong hri katheia anijōng katirpa kataksen mi khan kumsôt hringna anei jo. Anmani ṭong intanmak jo ning, tâk thina anrakansōt a hringna antaneisa jo kae.

JOHN 6:27

A’nhmangthei bu jongna sik a ṭōn rahnak a tlomak ruh; khava kanek a, kumsôt hringna bu jongna sik ṭōn rahnak a tlo jôk ruh. Hiva bu hi mihring Sapa’n apek sik chei, ajârchu Pa Pathen khan ama chunga hnōm pekna mêrchîkna adapek jo kae.”

JOHN 6:39

Anijōng katirpa’n amantlo hnōm eng khachu hi kae; ti chu ama’n apek jo eng hei seng ankhenga manhmang loa, a’nchai ning hringna antachen sik kae.

JOHN 6:44

Anijōng katir ka-Pa’n kahnenga aheikei manhlut tei loa tûte kahnenga hongtor mak; khana a’nchai ning kani khan kahringa kakei mathōi sik kae.

JOHN 6:54

Tu achang inum kataksa ravōi kasâk leh kathisen ka-in mi khan kumsôt hringna anei jo, khana a’nchai ning ama kahringa kamathōi sik kae.

JOHN 8:56

Nanpa Abraham in kajōngna sik pha ahmu sik kha le’npâk; khana ahmua le’npâk jo.”

ROMANHEI 5:21

Khan chu, setna khan thina vânga vai arôn kapōa, ni-Rōngpu Jesu Christa jâra kumsôt hringnating ani kaṭhōi Pathen maritna khan dikna vânga vai arôn.

ROMANHEI 6:23

Ajârchu setna tapek tloman khachu thina kae; tâk Pathen kutchoi pek mankase khachu ni-Rōngpu Jesu Christa leh inchunna shunga kumsôt hringna kha kae.

CORINTHIANHEI INHNINA 4:6

Ajârchu, “Khō inthimna inphut vâr kha hong kavâr sik!” kati Pathen khan Christa hmaisōa Pathen lûrna vâr kha kanman hretna sik kanmalung shunga avâr kasat invâr kha Pathen khet kha kae.

HEBREWHEI 11:1

Taksenna nei ti hi inhōrna neinâk kha aka-omkhet a nimandon, hmit a hmutorlo neinâk kha a’nchênkhet a nilo kha kae.

HEBREWHEI 11:27

Taksen jâra Moses’n rengpa hnuknat sik kha ṭit loa Egypt adahlona kae. Hmit a hmulo Pathen kha ahmu jo kapōa, hnung inle sik kha leihnōm mak.

PETER INKHATNA 1:8

Nangni’m ama nanhmu mak ravâng nanlungset, khana tûn ama nanhmu mak ravâng nantaksena kae, khava jâra hritheilo leoa kalen leh kalûrtak a inpâk chei,

JOHN INKHATNA 2:25

Khana hiva kumsôt hringna hi Christa khan eini pek sik a ṭong aleitep jo kae.

JUDE 1:21

Ni-Rōngpu Jesu Christa lungsetna vâng kumsôt hringna apek sik chei kha hngâkna leh inṭhōia, Pathen lungsetna shunga inhrung una omṭhak ruh.