JOHN 6:39 - LEKHARABU INTHENG (BSI)

³⁹ Anijōng katirpa’n amantlo hnōm eng khachu hi kae; ti chu ama’n apek jo eng hei seng ankhenga manhmang loa, a’nchai ning hringna antachen sik kae.

JOHN 6:39 ပူးပေါင်းရင်းမြစ်များ

JEREMIAH 23:4

Anmani ka-ensui sik vaikarôn kakadei pek sik hei. Kamihei kha ṭit leh inpirna neimak jo hei ning, khana avea karâkna pemak jo hei ning. Rōngpu ke’n kahri jo kae.”

MATTHEW 10:15

Nanhnenga kahri manchên kae Ṭongtan Ning khava khōpui mihei kanek a Sodom leh Gomorrah mihei chunga Pathen in lungsetna amalârchet sik kae!

MATTHEW 18:14

Khava ângphunga hiva naipang kasinhei inkhat a’nhmang sik hi marvâna nanpa khan madu mak a kae.

LUKE 12:32

“Rup katlôm hei, ṭimak ruh, ajârchu nangni rengram pek sik chei hi nanpa lungdo kae.

JOHN 12:48

Khava kei inhlângmak leh kaṭong hri kajuimak mihei khan, anṭong katan sik inkhat annei. Ke’n kahrisōt ṭong hin a’nchai ning anṭong atan sik kae

JOHN 17:12

Ke’n anmani ka-ompuilai hei napek eng rahming, narahming ratha neina vâng khan anmani kahrunghei. Ke’n kahrungsōt heia, ṭong intheng huitlungna a’nhmang sikpa rōk kha tei loa, inkhatbek inhmang mak hei.

JOHN 17:2

Ajârchu nang in ama napek sōt mihei seng kha kumsôt hringna apek theina sik hei, mihring rakip chunga ratha neina kha ama hneng napek jo.

JOHN 17:24

“Apa! lûrna naleipek eng, khava kalûrna kha anmani’n anhmu theina sik nang in napek jo eng hei kha kei omna hmun a kaman om hnōm hei; ajârchu vânhnōi alei insyem mak hma nalei lungset jo eng.

JOHN 17:6

“Vânhnōi raleia napek eng mihe’n nang anmanhretna sik che ke’n katlosō jo. Anmani natahei kae, khana kei napek eng kae. Anmani’n naṭong anjui,

JOHN 17:9

“Anmani sik a kader kae. Vânhnōi sik kader changmak, tâk napek eng hei sik a kae, ajârchu anmani nangta hei kae.

JOHN 18:9

(Ama’n hiva ahrina jârchu: “Apa, nang in napek eng hei seng inkhatbek manhmang mak eng,” aleiti kha hui atlungna sik a kae.)

JOHN 5:28

Hivahi mandonhla mak ruh; akathi rakip in thlânkhura inphut a ama rasa antheina sik,

JOHN 6:37

Kapa’n apek eng hei seng kahnenga kahong sik hei. Kahnenga akahong mi kha tu achang innum ke’n hnongsōt hêrmak ning,

JOHN 6:40

Ajârchu Sapa kahmua akataksen rakip in kumsôt hringna anneina sik a kae. Khana a’nchai ning kani khan anmani kahringa kamathōi sik hei.”

JOHN 6:44

Anijōng katir ka-Pa’n kahnenga aheikei manhlut tei loa tûte kahnenga hongtor mak; khana a’nchai ning kani khan kahringa kakei mathōi sik kae.

JOHN 6:54

Tu achang inum kataksa ravōi kasâk leh kathisen ka-in mi khan kumsôt hringna anei jo, khana a’nchai ning ama kahringa kamathōi sik kae.

ROMANHEI 8:11

Thina inphut Jesu akakei inthoi Pathen rathla kha nanshunga a-om inchu, Christa kha thia inphut akakei inthōipa Rathla nanshunga aka-om khan nantaksa akathihei kha hringna ahongpek nôk sik hei.

CORINTHIANHEI INKHATNA 6:14

Pathen in Rōngpu kha thina inphut amanhring jo, khana eini’m aratha hratna vâng amanhring sik me kae.

TIMOTHY INHNINA 2:19

Tâk-kha Pathen innhmun deng kahnet khachu inhlingtor mak; khava chunga khan hiva ṭong hi inzet: “Rōngpu khan amihei seng amanhret” khana “Rōngpu ta eng kati mi rakip khan dikmak ṭōn tlona inphut a akatlânsōt nger sik hei kae.”

JAMES 5:15

Hiva taksentak a derna hin mikana kha amandam sik, Rōngpu khan antaksa amandam male nôk sik hei, khana aset tlona arangei mandam pek sik hei.

PETER INKHATNA 1:5

Khahei kha, pha inchai ning malâr sik a a’ntluk hukmanhringna kha akachen sik a Pathen rathla’n nantaksenna jâra ahrunga ada jo chei nangnihei sik a kae.

JUDE 1:1

Jesu Christa sōk, James naipa Jude a inphut Jesu Christa takahuk hei leh– Pa Pathen lungsetna shunga aka-om, Pathen tabek hei hneng kaheimazet kae:

SAMUEL INKHATNA 25:29

Tu inkhat in anbuhlu chea that sik a anrei che’num, Rōngpu na-Pathen in, mi inkhat in mankatamtak karōi manbukna ahngâk kapōa, ahuk sik che. Nang inrepuihei khachu ahlon sōt sik jo hei, mi inkhat in saiphia hlungte akâpsōt kapōa.