JOHN 6:2 - LEKHARABU INTHENG (BSI)

² Mipui katamtak in ama kahnung anleijui, ajârchu Jesu’n mi kanahei amandama ṭōn-inlak atlo hei kha anmani’n anleihmua kae.

JOHN 6:2 ပူးပေါင်းရင်းမြစ်များ

MATTHEW 12:15

Jesu’n ama dōina ṭōnmantluk kha athei pha, khava hmun a inphut kasesōt jo; khana mipui katamtak in anleijuia kae. Ama’n khava akanahei seng kha aleimandam hei

MATTHEW 13:2

Mipui ahong intûp hei kha antamrei jâra ama chu rakōng shunga kahlut a le’n ong jo, khana mipuihei khan tuipanga leikangir hei.

MATTHEW 14:14

Jesu khan rakōnga inphut heikasōksōt a, mipui katamtak hei kha ahmu hei pha, anchunga alungsetna hongkasip jo, khana akanahei aleimandam jo hei.

MATTHEW 8:1

Tlânga inphut Jesu ajōng ṭum pha, mipui katamtak he’n akahnung anleijui.

MARK 1:45

Tâk mipa kha kasesōt a khava ṭong kha hmun rakip a ahri manthang joa kae. Takbak a, ama’n ahrile jo jâra Jesu kha khōpui inkhat a inlârtak a vase tor mak joa kae. Khava kanek a, hmun kadaineng heia kasea vaka-om jo, khana hmuntina mihei khan ahnenga kahong heia kae.

MARK 6:33

Achang ravâng anmani sesōt kha mi katamtak in anhmu hei khana anmani an-e kha anmanhret bât hei; khava jâra khōpui rakip a mi vakase hei khana katlân heia Jesu leh asonlehei mak hma ahmun kha leikatlung masadek jo hei.

JOHN 11:47

Khava jâra Phariseehei leh thempu kalen he’n Sehmang-pachonghei an-inhmupui jo heia, “Heimo nitlo sik? Hiva mipa hin ṭōn-inlak rakip atlosōt jo heiso va-en ruh!

JOHN 12:18

Khava jâra mipuihei khan ama anvaratō, ajârchu khava ṭōn inlak-hei kha ama tatlo hei tia anleithei jo.

JOHN 12:37

Ama’n anhmit hmu khet a ṭōn-inlak rakip hiseng atlosōt ravâng anmani’n leitaksen mak hei,

JOHN 2:11

Hiva ṭōn-inlak hma inkeipen hi Jesu’n Galilee ram a Cana khōa atlosōt a kae; khana khan alûrna aphônga, asonle he’n antaksen jo.

JOHN 2:23

Rakan Kût reveilai Jesu Jerusalema a-om shunga ṭōn-inlak katamtak atlosōt anhmu jâra mi katamtak in antaksen jo.

JOHN 20:30

Hiva lekha shunga a’nzet inhlutmak ṭōn kalen katamtak Jesu’n asonlehei hmaikunga aleitlo ka-om hei.

JOHN 3:2

Ama jân khat Jesu hneng kahonga, “Rabbi, nang Pathena inphut akajōng Oja che ti keini’n kanmanhret; ajârchu Pathen inthōpui tei loa tûte’n natlo ṭōn inlak-hei hi tlotor mak,” ati.

JOHN 6:14

Mihei khan aṭōn inlak tlo kha anhmua anhri, “Kadiktak a ama hi raleichunga akajōng sik Sânkathem kha kae!”

JOHN 6:22

Abân kania dîr rekhat tinga ka-om mihei khan rakōng inkhat rōk aka-om kha anmanhret. Sonle he’n Jesu kha inveiloa a’ntôr heia anta leidahlon kha mihei khan anmanhret jo.

JOHN 6:26

Jesu’n amasôn hei, “Akadiktak kahri pek chei kae: ṭōn-inlak katlohei ariṭong nanmanhret jâra nantajong eng changmak, buhlom kha kakhōp a nansâk jâra nantajong eng kae.

JOHN 6:30

Anmani’n anmasôn, “Keini’n heikhat kanhmu pha nang kantaksenna sik che, heiṭōn inlak mo natlosōt sik? Heimo natlo sik?