JOHN 6:14 - LEKHARABU INTHENG (BSI)

¹⁴ Mihei khan aṭōn inlak tlo kha anhmua anhri, “Kadiktak a ama hi raleichunga akajōng sik Sânkathem kha kae!”

JOHN 6:14 ပူးပေါင်းရင်းမြစ်များ

A’NPHUTNA 49:10

Judah’n reng tîngpum amatu sik, Khana asōn apâr he’n ahei tik a vai anrôn sik. Jât-hlop he’n kajana anhongpek sik Khana aṭong juina a-âng kunga inkun sik hei.

MATTHEW 11:3

“John in akajōng sik atipa kha nang che mo, a-emak leh milak inkhat kantalahngâk sik mo, amanthei roh?” tia anmani’n Jesu hneng anleider.

MATTHEW 21:11

Mipuihei khan, “Ama hi Galilee ram a Nazareth khōa inphut sânkathem Jesu kha kae,” anti.

LUKE 24:19

“Heimo akasōk?” tia aleider hei. “Nazareth Jesu chunga ṭōn kasōk hei kha,” tia anmasôn. “Ama hi sânkathem inkhat, Pathen leh mi rakip in aṭōntlo leh aṭong hria ratha kaneitak inkhat a antalo kae.

LUKE 7:16

Mi rakip ankhenga ṭitna kasip sō jo hei, khana anmani’n Pathen anmanpâk a, “Sânkathem kalentak inkhat nihnenga jōng inlâr jo, amihei kahuk sik a Pathen akajōng jo kae,” anti.

JOHN 1:21

“Khan chu nang tu che mo? Elijah che mo?” tia ander. John in amasôn hei, “Kei changmak eng.” Anmani’n ander nôk, “Sânkathem kha che mo?” Ama’n, “Changmak eng,” tia amasôn hei.

JOHN 11:27

Amanu’n amasôn, “Ôk, Rōngpu, nang Pathen Sapa raleichunga akajōng sik Messiah che kae ti ke’n kataksen che.”

JOHN 2:11

Hiva ṭōn-inlak hma inkeipen hi Jesu’n Galilee ram a Cana khōa atlosōt a kae; khana khan alûrna aphônga, asonle he’n antaksen jo.

JOHN 4:19

Nuhmei khan ati, “Apu, nang sânkathem inkhat che kae ti kamanhret jo che.

JOHN 4:25

Nuhmei khan ahnenga, “Messiah kha kajōng sik, khana ama ajōng pha, heirakip amanthei sik me ti kha kamanhret,” ati.

JOHN 4:42

Anmani’n nuhmei hneng khan anti, “Keini khet in aṭong hri kanthei joa, ama hi vânhnōi kahuk inhringpa akadik khet achang kha kanmanhret a kantataksen jo kae, nang hrina jâra changmak jo.”

JOHN 6:2

Mipui katamtak in ama kahnung anleijui, ajârchu Jesu’n mi kanahei amandama ṭōn-inlak atlo hei kha anmani’n anleihmua kae.

JOHN 6:26

Jesu’n amasôn hei, “Akadiktak kahri pek chei kae: ṭōn-inlak katlohei ariṭong nanmanhret jâra nantajong eng changmak, buhlom kha kakhōp a nansâk jâra nantajong eng kae.

JOHN 6:30

Anmani’n anmasôn, “Keini’n heikhat kanhmu pha nang kantaksenna sik che, heiṭōn inlak mo natlosōt sik? Heimo natlo sik?

JOHN 7:40

Mipui kâra mi ṭhahrep in hiva ṭonghei hi anthei pha, “Hiva mipa hi inchêntak a Sânkathem kae!” anti.

ṬŌNTLOHEI 7:37

Israel mipuihei hnenga, ‘Pathen in kei ajōngtir eng kapōa, nanmikhet shunga inphut Sânkathem inkhat ajōngtir pek sik chei,’ aleikatipa kha Moses hi kae.