JOHN 5:7 - LEKHARABU INTHENG (BSI)

⁷ Mi kanapa khan amasôn, “Apu, tui hi ahon’chok inhling pha tuishung hlutna sik ani’nthōpui tûte neimak eng; kei vahlut rong tia ka’ntluklai mihlop inkhat in hma aleikeide ri jo enga kae.”

JOHN 5:7 ပူးပေါင်းရင်းမြစ်များ

HLAHEI 142:4

Kasir kapang ka-en pha, ani’nthōpui sik tûte hmumak eng, ani kahrung sik tûte hmumak eng. Tûte’num kei adonmak hei.

HLAHEI 72:12

Ama kabek sarahei, khana akatlasam leh donmak hei kha ahuk hei.

JOHN 5:2

Jerusalema Kemōng Kot inti hnenga khan tuikhur inkhat leh aṭumna kechōn, kethonna 5 leika-om hei; khavakha Hebrew ṭonga, “Bethzatha,” inti.

JOHN 5:3

Khava tuikhur ṭumna chōnke heia khan, hmitkacho, ke katlek, lang kathi, mikana katamtak leikaje hei; tui inhling kha anhngâk a leika-om hei.

JOHN 5:4

Ajârchu Rōngpu ngeva inkhat kâklalak leh tuikhura khan jōng kaṭuma tui kha akachok manhling ria kae. Tui inhlinglai hmapena akaṭum mi kha heikhong khova nat achang inum kadam ri.

JOHN 5:6

Jesu’n mipa kha ahmu pha, pha kasôttak a akana jo kae ti amanhret jo; ahnenga, “Nang akadam hnōm che mo?” ati.

ROMANHEI 5:6

Ajârchu eini’n ratha heite nineimak laitak, Pathen takadei phatak a khan Christa kha mikaṭhamak-hei sik kathi jo.

CORINTHIANHEI INKHATNA 9:24

Tlân in-erna mi katamtak katlân hei, tâk inkhat rōk in hratman arahlâng kha nangni’n inchêna nanmanhret. Khava kapōa nangni’m inpâkman nanchenna sik tlân ruh.

DÂNRABU INHNINA 32:36

Rōngpu’n anmani ratha katlangsō jo ti kha amanhret a, amihei ahuk sik jo hei. Atlona sik heite neimak jo hei ti ahmu pha, ama inzenhei chunga lungsetna anei sik jo hei.