JOHN 5:30 - LEKHARABU INTHENG (BSI)

³⁰ “Ke’n kabing rōk rachama heite tlotor mak eng; Pathen tamanthei eng dungjuia ke’n ṭong katan. Khava jâra kaṭong tan kadik, ajârchu ke’n kamadu kha tlo sik reimak eng, tâk anijōng katirpa tamadu rōk kha katloa kae.

JOHN 5:30 ပူးပေါင်းရင်းမြစ်များ

A’NPHUTNA 18:25

Akaṭhemak hei kha ṭhena kaneihei leh inṭhōia that mak hei tin chea kae. Khachu akae theimak kae. Khachu tlothei mak tin che. Khanga natlo’nchu ṭhena kaneimak hei kha ṭhena kaneihei leh inṭhōia karâkna pek sōmna kae sik jo. Khachu akae theimak kae. Raleichung pumpuia ṭong katanpa khan kadiktak a ṭōn atlo sik kasōk.”

HLAHEI 96:13

raleichung vai karôn sik a Rōngpu kha ajōng pha. Ama’n raleichunga amihei kha kadik leh kaṭhatak a vai arôn sik jo hei.

ISAIAH 28:6

Ama’n ṭongkatanhei hnenga akadik a ṭongtan theina lungthim lungvâr leh re kabuhlu heia inphut khōpui kekot kahrunghei kha inngamna apek sik hei.

ZEPHANIAH 3:15

Rōngpu’n nachunga karâkna kha amanbâng jo; Naka-en kada rakip alosōt pek jo che. Rōngpu, Israelhei reng khan a-ompui che; tûnchu ṭitna sik a ajâr om mak jo.

MATTHEW 26:39

Hmating ajingte kasea, ahmai raleia kakhup a, “Apa, achangthei sik inchu, hiva inrengna kōklei hi keia inphut alosōt pek roh! Tâk kei racham changmak sona nang racham chang rasoh,” ati.

JOHN 14:10

Kei Pa a ka-om eng, khana Pa kha keia ka-om ti hi nalataksen mak mo? Ke’n nanhnenga kahri hei hi, keia inphut ajōng kasōk changmak hei. Keia ka-om Pa khan aṭōn kha a’ntlo kae.

JOHN 17:4

Nang in tlosōt sik a napek eng ṭōn kha katlo mathluk sō jo; raleichunga nalûrna kamalâr jo.

JOHN 18:11

Jesu’n Peter hneng, “Nachemjâm kha apaia thōn male roh! Kapa tapek jo eng khōdeng theina kōklei kha ke’n ka-inmak sik a namandon mo?” ati.

JOHN 4:34

Jesu’n anhnenga, “Kei bu khachu anijōng katirpa lungdo pui katluk a tlo mathluk sik kha kae,” ati.

JOHN 5:19

Khava jâra Jesu’n anmani amasôn hei, “Akadiktak kahri pek chei kae, Sapa khan abing rachama heite tlotor mak; apa tatlo ahmu hei rōk kha atlo kae. Apa tatlo kha, Sapa kha’num atlo kae.

JOHN 6:38

ajârchu kei anijōng katirpa lungdo katlo sik a marvâna inphut kei akajōng eng kae; kalungdo katlo sik a akajōng changmak eng.

JOHN 8:28

Khava jâra Jesu’n anhnenga ati, “Nangni’n Mihring Sapa kha nanmakhei manshâng pha leh, ‘Kei hi kei eng kae,’ tia nanmanhret sik eng, khava sōa ke’n kabing ratha neina heite tlomak eng, tâk Pa’n hri sik a amanthei eng rōk kha kahri kae ti hi nanhong manhret sik jo.

JOHN 8:42

Jesu’n anhnenga ahri, “Takkhet a Pathen kha nanpa achang inchu, kei nanlungset sik eng, ajârchu kei Pathen hnenga inphut a kajōng enga tûnhin ka-om eng. Kei kabing rachama akajōng eng changmak, tâk ama’n ajōngtir eng kae.

JOHN 8:50

Ke’n kabing lûrna sik jongmak eng. Tâk-kha anijōng kapek inkhat ka-om, ama kha kei langa ṭong anikatanpek kha kae.

ROMANHEI 15:3

Ajârchu Christa khan abing hōina sik tlomak. Khava kanek a, ṭong intheng in ahri, “Nangni hnenga inzakna inpek kha kei chunga katlung jo.”

ROMANHEI 2:2

Khang khava ṭōn katlohei kha Pathen in anṭong atan pha, Pathen hi kadik tia nimanhret.

ROMANHEI 2:5

Tâk-kha malung kasak leh ṭong inngeimak malung kha nanei, khava jâra Pathen hnuk natna leh aṭongtan kadik ajōng inlâr ninga sik karâkna kalen chet nabinga sik nansyem joa kae.