JOHN 5:24 - LEKHARABU INTHENG (BSI)

²⁴ “Akadiktak kahri pek chei kae; tu achang inum kaṭong hri katheia anijōng katirpa kataksen mi khan kumsôt hringna anei jo. Anmani ṭong intanmak jo ning, tâk thina anrakansōt a hringna antaneisa jo kae.

JOHN 5:24 ပူးပေါင်းရင်းမြစ်များ

MATTHEW 25:46

Khan chu, anmani are-rea karâkna kachen sik a atir sik jo hei, tâk mikadik-hei khachu kumsôt hringna kase sik jo hei.”

MARK 16:16

Tu achang inum akataksena tui kahlut mi kha hukmanhring kachang sik; tu achang inum akataksenmak mi kha maset achen sik.

JOHN 11:26

Khana tu achang inum kei kataksen akahring mi kha thi nôk hêrmak jo ning. Hivahi nataksen mo?” ati.

JOHN 12:44

Jesu’n rasa inhnaktak a, “Tu achang inum kei anikataksen mi khan kei rōk ataksen eng changmak, tâk anijōng katirpa kha’m ataksen jo kae.

JOHN 20:31

Khana nangni’n Jesu hi Messiah, Pathen Sapa kae ti nantaksen theina sik, khana ama nantaksenna vâng khana hringna nanneitheina sik hivahei hi a’nzet hei kae.

JOHN 3:16

Ajârchu Pathen in vânhnōi ralei hi hingtuk hrep alungset jâra Asapa inkhat rōk kha apek jo, tu achang inum ama kataksen kha thimak ning, tâk kumleikōa hringna anei sik kae.

JOHN 3:18

Tu achang inum Sapa kataksen rakip chu aṭong intanmak ning, tu achang inum akataksenmak rakip kha ṭongtansa jo hei kae, ajârchu ama’n Pathen Sapa inkhat rōk kha leitaksen mak jo.

JOHN 3:36

Tu achang inum Sapa kataksen mi khan kumsôt hringna anei jo; tu achang inum Sapa kataksen mak mi khan hringna hmuhêr mak ning, tâk Pathen karâkna thōia ka-om ṭhak sik.

JOHN 4:36

Sâng ka-ât pa kha tloman inpek a kumleikōa hringna sik sâng kha amantûp; khang’khan akalingpa leh aka-âtpa kha inpâksap sik hei.

JOHN 6:40

Ajârchu Sapa kahmua akataksen rakip in kumsôt hringna anneina sik a kae. Khana a’nchai ning kani khan anmani kahringa kamathōi sik hei.”

JOHN 6:47

Akadiktak kahri pek chei kae: akataksen mi khan kumsôt hringna anei jo.

JOHN 6:50

Tâk-kha marvâna inphut akajōng buhlom hichu tu achang inum akasâk rakip thimak jo ning.

JOHN 6:51

Kei marvâna inphut akajōng hringna buhlom eng kha kae. Tu achang inum hiva buhlom kasâk mi kha ahei tik chen a kahring sik. Khana ke’n ama kapek sik buhlom kha kataksa ravōi hi kae, hivahi vânhnōi hringna sik a kapek kha kae.”

JOHN 6:58

Khava jâra hiva buhlom hi marvâna inphut akajōng kha kae; nanpusōn he’n anta leisak a akathihei khava buhlom kapō kha changmak. Anmani hnunga chu kathihei, tâk hiva buhlom kasâk hei kha ahei tik chen a kahring sik hei.”

JOHN 8:51

Akadik kha kahri pek chei kae. Tu achang inum kei mantheina kajui mi kha thihêr mak ning.”

ROMANHEI 8:1

Tûnchu Jesu Christa leh inchunna akahring mihei sik a masetna inti om mak jo.

THESSALONIANHEI INKHATNA 5:9

Pathen in ahnuk natna inrimna kade sik a akadei me changmak, tâk ni-Rōngpu Jesu Christa jâra hukmanhring kachen sik a eini Pathen in akadei jôk me kae.

PETER INKHATNA 1:21

Akathia inphut akei mathōia lûrna apek ama inphut nangni’n Pathen kha nantaksen; khava jâra nangni taksenna leh nan-inhōrna kha Pathen chunga a’nphun inhnet kae.

PETER INKHATNA 1:5

Khahei kha, pha inchai ning malâr sik a a’ntluk hukmanhringna kha akachen sik a Pathen rathla’n nantaksenna jâra ahrunga ada jo chei nangnihei sik a kae.

JOHN INKHATNA 3:14

Eini’n thina kha nidahlon joa hringna ahong kahlut jo me ti nimanhret; khavakha nimanhret ajârchu eini’n nisōpuihei nilungset heia kae. Tu achang inum asōpui inlungset mak mi khan thina ratha neina thōia alaka-om kae.

JOHN INKHATNA 5:1

Tu achang inum Jesu hi Messiah kae tia akataksen kha Pathen sa kae; khana pa inkhat inlungset mi khan asa kha’m alungset a kae.