JOHN 5:20 - LEKHARABU INTHENG (BSI)

²⁰ Ajârchu Pa khan Sapa kha alungset khana ama’n atlo rakip kha amanhmu. Ama’n hiva kakhea ṭōn kalen chet tlo sik a amanhmu sik, khana nangni nankhenga nanta det-hla et sik kae.

JOHN 5:20 ပူးပေါင်းရင်းမြစ်များ

MATTHEW 11:27

“Heirakip Kapa’n kei apek jo eng. Pa teilo tûte’n Sapa kha manhret mak, khana Sapa tei loa tûte’n Pa kha manhret mak, khana Sapa khan malârpek sik a akadei hei tei loa tûte’n Pa kha manhret mak.

MATTHEW 17:5

Khang’khan ama aṭonglai khan sumtuk kabang hlom inkhat in amakhusi heia khana sumtuk kâra rasa inkhat in, “Ama hi Kasapa marit kae, achunga kamalung katlai, aṭong hri rangei ruh,” ajōng tia kae.

MATTHEW 3:17

Khana marvâna inphut rasâ inkhat in, “Ama hi kasapa marittak kae, achunga kamalung katlai,” ajōng ti.

MATTHEW 4:8

Khava sōa Diabol khan Jesu kha tlâng inshângtak inkhat chunga aṭhōia, vânhnōi raleichung rengram rakip leh anlûrnahei amanhmua,

LUKE 10:22

“Ka-Pa’n heirakip apek jo eng: Pa teilo tûte’n Sapa kha manhret mak, khana Sapa leh Sapa’n ama inlârsōt sik a akadeisōt jo mihei tei loa tûte’n Pa kha manhret mak hei.”

JOHN 1:18

Tûte’n Pathen lahmu phung hêrmak. Pathen leh thakhat akae, khana Pa ângshunga aka-om, Sapa inkhat rōk khan Pathen manhretna amannei me.

JOHN 10:32

Jesu’n anhnenga, “Ke’n tlo sik a Pa tapek eng ṭōn kaṭha hingja nanhmai kunga katlo jo; khava jâr pena mo denghlon sik a nantarei eng?” ati hei.

JOHN 14:12

Akadiktak kahri pek chei kae; tu achang inum kei anikataksen mi khan kaṭōn tlohei hi atlo sik; kadik, anmani’n hiva kanek a ṭōn kalen antlo sik a kae; ajârchu kei Pa hnenga kase sik jo eng.

JOHN 15:15

Ke’n nangni sōk timak jo chei ning. Ajârchu sōk inkhat in akapu tatlo kha manhret mak; khava kanek a nangni kaṭhōnhei kati jo chei kae, ajârchu ke’n kapa hnenga kathei rakip kha nangni kamantheisō pet jo chei.

JOHN 17:26

Nang in kei namalung setna eng kha anmani shunga a-omtheina sik, khan chu kei um anmania ka-om theina sik, nang anmanhretna sik che katlo jo khana kalatlo ṭhak sik.”

JOHN 3:35

Pa khan asapa kha alungset, khana aratha neina thōia heirakip apek jo.

JOHN 5:21

Ajârchu Pa khan akathi kha akahringa akei mathōi nôk, khava kapōa Sapa kha’num apek hnōm hei hneng hringna kha apek hei.

JOHN 5:25

Akadiktak kahri pek chei kae; akathi khan Pathen Sapa rasa anthei pha, akathei hei khan anhonghringsōtna sik pha kha jōng katlung jo, ajōng katlungsa jo kae.

JOHN 5:29

thlânkhura inphut anhong sōkna sik, pha kha jōng katlung jo: ṭōn kaṭha katlohei kha kathōi sik hei khana kahring sik hei, ṭhatmak katlohei kha’m kathōi sik hei khana themmôna inpek sik hei.

PETER INHNINA 1:17

Pa Pathen in achunga lûrna leh kajana apek lai, Akalûrpena inphut rasa kajōnga, “Hivahi ka-Sapa marit kae, achunga kamalung katlai!” atilaitak khan keini khava hmun a leika-om unga kae.