JOHN 4:42 - LEKHARABU INTHENG (BSI)

⁴² Anmani’n nuhmei hneng khan anti, “Keini khet in aṭong hri kanthei joa, ama hi vânhnōi kahuk inhringpa akadik khet achang kha kanmanhret a kantataksen jo kae, nang hrina jâra changmak jo.”

JOHN 4:42 ပူးပေါင်းရင်းမြစ်များ

ISAIAH 45:22

“Tûn kahnenga he’nle una inhuksōt ruh, raleichung pumpuia mi rakip hei! Hinahin Pathen inkhat rōk kha kei eng kae.

ISAIAH 52:10

Rōngpu’n arathahrat intheng kha ahmang sik; amihei ahuksōt sik hei, khana vânhnōi pumpui in antahmu sik kae.

MATTHEW 1:21

Amanu’n sapa inkhat anei sik, arahming Jesu napho sik kae, ajârchu amihei ansetna inphut ama’n ahuksōt sik hei,” ati.

LUKE 2:32

Jât-hlop hei hnenga nahlam malârna sik vâr inkhat, khana nami Israelhei lûrna kapek sik kha hi kae.”

JOHN 1:29

Abân kania John in Jesu ahnenga akahong kha ahmua ati, “Vânhnōi setna karôn Pathen Kemōngte kha hin ka-om.

JOHN 11:17

Jesu ahong tlung pha khan chu, Lazarus kha thlâna anleihrena ni 4 katluk jo ti amanhretsōt jo.

JOHN 17:8

Ajârchu nang in napek eng ṭongpui kha ke’n anmani kapek heia, anrahlâng jo; nang in najōngtir enga nanga inphut kei kajōngna ṭong hi kadik tia anmanhret jo.

JOHN 4:29

“Ke’n kaleitlo rakip akhenga ani kahri pek mipa so hong una hong-en ruh! Ama so Christa changmak ning mo?” atia avabek hei.

JOHN 4:41

Jesu ṭonghri jâra mi katamtak in antaksen jo.

ṬŌNTLOHEI 13:23

David khanghruia inphut Jesu hi Pathen in aṭong intepsa dungjuia Israel mipuihei huksōtpa amanchang jo.

ṬŌNTLOHEI 4:12

Ama inphut rōk hukmanhringna nihmu sik; ajârchu vânhnōi pumpuia ani kahuksōt tor Pathen tapek hichu ama teilo alak him-him om mak.”

ṬŌNTLOHEI 5:31

Israel mipuihei hi an-insira ansetnahei rangei mandam anchen theina sik a tûnchu hlamkakei leh huksōtpa inkhat a Pathen in akut changting a’n-ong sik a amatungsōt jo.

CORINTHIANHEI INHNINA 5:19

Keini ṭong khachu Christa jâra mi rakip Pathen in aṭhōn amanchang jo ti hi kae. Mihei setna kha Pathen in teimak jo, khana anmani kha heikhong mo aṭhōna asyem ti ṭong kha keini apek jo ung.

TIMOTHY INKHATNA 4:10

Eini rahnak a inṭang me khana ṭōn rahnak a nitlo, ajârchu mi rakip kahuk inhring achung chôna akataksenhei kahuk inhring, akahring ṭhak Pathen chunga inhōrna kha nineia kae,

JOHN INKHATNA 2:2

Khana niset inthengna kha Christa ama khet kha kachang jo, einihei setna rōk changmak, tâk mi rakip setna kha’m kae.

JOHN INKHATNA 4:14

Khana Pa khan asapa kha vânhnōi kahuk inhring sik a ajōngtir kha eini’n nihmu jo khana milak-hei nihri pek heia kae.

JOHN INKHATNA 5:20

Eini’n akadik Pathen kha nimanhretna sik, Pathen Sapa kha kajōnga manhret theina apek jo me ti hi eini’n nimanhret. Asapa Jesu Christa leh inchunna shunga, Pathen kadik leh inchun a eini akahring me kae. Hivahi Pathen kadik kha kae, khana kumsôt hringna kha kae.