JOHN 4:34 - LEKHARABU INTHENG (BSI)

³⁴ Jesu’n anhnenga, “Kei bu khachu anijōng katirpa lungdo pui katluk a tlo mathluk sik kha kae,” ati.

JOHN 4:34 ပူးပေါင်းရင်းမြစ်များ

JOB LEKHARABU 23:12

Pathen ṭongpek kha ke’n ahei tik a kajui, ama lungdo kha katlo, kei tamadu kha juimak eng.

HLAHEI 40:8

Ka-Pathen, nalungdo tlo sik kha heituk-hrep kamadu jo mo! Naman theina eng kha kalungria ka’nvona kae,” kalei ti.

MATTHEW 26:39

Hmating ajingte kasea, ahmai raleia kakhup a, “Apa, achangthei sik inchu, hiva inrengna kōklei hi keia inphut alosōt pek roh! Tâk kei racham changmak sona nang racham chang rasoh,” ati.

MATTHEW 3:15

Tâk Jesu’n, “Tûnhin chu ahnōm pek hi roh, ajârchu hing’hin Pathen lungdo rakip eini’n pui nimathluk sik kasōk,” tia amasôn. Khava pha John kahnōm jo.

MATTHEW 9:19

Khava jâra Jesu kangirsōt a, ama ajui jo, khana asonle he’num anleijui jo.

LUKE 15:10

Kha leh in-anghrep a mikaset inkhat malung thleng jâra Pathen ngevahei inpâk hei ti hi ke’n kahri pek chei kae.”

LUKE 19:10

Mihring Sapa kha a’nhmanghei kajong leh kahuk sik a akajōng kae.”

LUKE 2:49

Ama’n amasôn hei, “Heisa mo nangni’n kei nantajong eng? Kei kapa inna ka-om sik hi manhret mak chei mo?”

JOHN 17:4

Nang in tlosōt sik a napek eng ṭōn kha katlo mathluk sō jo; raleichunga nalûrna kamalâr jo.

JOHN 19:28

Tûnchu heirakip pui katluk a inchai jo ti Jesu’n amanhret jo; khana ṭong inthenga a’nzet kha hui atlung theina sik, ama’n, “Katui kahre,” atia kae.

JOHN 19:30

Jesu’n khava ju kha amajôp a, “Inchai jo,” ati. Khava sōa alu amankun a kathi jo.

JOHN 4:32

Tâk-kha ama’n amasôn hei, “Nangni taman hretmak busâk sik ke’n kanei.”

JOHN 5:30

“Ke’n kabing rōk rachama heite tlotor mak eng; Pathen tamanthei eng dungjuia ke’n ṭong katan. Khava jâra kaṭong tan kadik, ajârchu ke’n kamadu kha tlo sik reimak eng, tâk anijōng katirpa tamadu rōk kha katloa kae.

JOHN 5:36

Tâk-kha John sâkhi tlo kanek a akalen chet kachungchânga sâkhi inkhat ke’n kanei; Kapa khan katlo sik ṭōn apek eng, kaṭōn tlohei khan kei kahlânga ṭong anhria, kapa tahei tirna eng kha’m amalâra kae.

JOHN 6:33

Pathen tapek chei buhlom khachu marvâna inphut a akajōng ama kha kae, ama khan vânhnōia hringna apek,” ati.

JOHN 6:38

ajârchu kei anijōng katirpa lungdo katlo sik a marvâna inphut kei akajōng eng kae; kalungdo katlo sik a akajōng changmak eng.

JOHN 8:29

Khana anijōng katirpa khan a’nṭhōipui eng, kabinga amasō mak, ajârchu ke’n amalung tlaina aheitik a katlo ṭhak a kae.”

ṬŌNTLOHEI 20:35

Rōngpu Jesu atak-khet in aleihri, ‘Rahlâng kanek a pek hin inpâkna ka-om chet,’ ṭong hi mandonsōt pum a ahlam rakip a hinga rahnak a ṭōntlo hin akatlasam hei bômtorna amannei me ti hi kamalârpek jo chei.”

HEBREWHEI 12:2

A’nphutbia inphut a’nchaina katlung nitaksen inhngatna Jesu kha enṭhak rih. Ama’n thingrake jâra khan aṭōntlo kha leihai mak. Akahai kanek a inpâk na’n ahngâk ṭhak kha amandona thingrake chunga hme kasetak a athi sik kha heite khôk leisak mak, khana tûnhin Pathen len in-ongna changting in-onga kae.