JOHN 4:23 - LEKHARABU INTHENG (BSI)

²³ Tâk-kha pha kha katluk jo, tûn jo hi kae. Kadiktak a inmuk hei khan Pa kha kadiktak a leh Rathla a antakamuk sik hi Pa tamadu kae.

JOHN 4:23 ပူးပေါင်းရင်းမြစ်များ

THUHMINGHEI INKHATNA 29:17

Nang in mi rakip malung na-enmansin ti ke’n kamanhret, khana malung intheng hei chunga namalung katlâi. Ke’n malung inthengtak a khana pek hnōmtak a hiseng hi katōk che kae, khan chu nimipuihei hinna ahon’tûp seng hin inpâktak a nang hneng tōk sik a anta heichoi kahmu sōt a kae.

HLAHEI 147:11

tâk ama kajana kapek hei chunga, alungset inthlengmak akataksenhei chunga tlaina anei.

HLAHEI 17:1

O Rōngpu, ṭong kadik tanna sik a kaderna hi arangei pek roh; inthōpui sik a kapengna khôk asak pek roh! Malung inthengtak a kaderna athei pek roh.

HLAHEI 32:2

Atlo ṭhena chunga Rōngpu’n themmô apek mak, hōn mathlâkna rakip a inphut masōsōt kachang kha mivâng kaṭha kae.

HLAHEI 51:6

Malung intheng leh akadik kha nang in namadu; nasingna kha kashunga ada mansip pek roh.

ṬONGCHÎK-HEI 15:8

Mikaṭha he’n derna annei pha Rōngpu malung katlai, tâk mikaṭhamak he’n ahnenga anta heichoi inthoinahei kha amater.

HLAHEI HLA 2:14

Nang chu hlungpui hlungkare kâra a’nthup vaṭhu kha ka-ang che. Lungset ka-om nahmaisō kha amanhmu roh khana amanthei roh nakare malung hêrna kha.

ISAIAH 10:20

Alakahring Israel he’n anmani anleikathat sōvet jât chunga anhong in-ngai makna pha kha kahong jo. Anmani Israelhei a’ntheng Pathen Rōngpu chunga antaksenna anda sik jo.

ISAIAH 29:13

Rōngpu’n ahri, “Hiva mihe’n kei kamuk sik a anti, tâk anṭonghri hei kha ajâr kase kae, khana anmalung kha ahlop khat a ka-om. Anbek-oina kha heite changmak; tâk anmalunga antachîk hnâm mihring dân leh chona ngai hei kha kae.

ISAIAH 43:21

Anmani kha keita sik a kasyem mipuihei kae, khan anmani’n kei choi ka-ânna hla ansak sik a kae!”

ISAIAH 58:2

Anmani’n ani katai ankamuk eng, kadânhei anjui hnōm khana kahlam anmanhret hnōmhêr anti. Dân intheng kapek sik heia kanmadu anti khana kei kamukna chunga anmani’n kahōi ansak anti.”

JEREMIAH 3:10

Khana hiseng so leh taksenthei kachangmak Israel nainu Judah khan kahnenga ahong inle inhlemsak a kae; ama amalung intheng mak a kae. Rōngpu ke’n kahri jo kae.”

JEREMIAH 4:2

karahminga ṭong nan-intep sik hi kadik sik. Khan chu jât rakip in vângṭhat anchenna sik a ander sik jo eng khana anmanpâk sik jo eng.

EZEKIEL 22:30

Kahnuknat in khava bang asukkhōi pha, ahmun a akangirtor sik leh bang kasyemtor sik khana ram kha asuk manhmang pha akahrung tor sik mi inkhat ke’n kajong, tâk tûte inkhat hmutor mak eng.

JOHN 1:17

Pathen in Mosea inphut Dân kha ajongpek me, tâk Jesu Christa a inphut lungset maritna leh akadik kha ajongpek me.

JOHN 12:23

Jesu’n amasôn hei, “Mihring Sapa khan lûrna kalentak arahlângna sik pha tûn jōng katlung jo.

JOHN 16:2

Anmani’n nangni intûpna inna inphut anhnongsōt sik chei. Khana nangni kathat mi khan aṭōntlo kha Pathen karazen kae tia anmandonna pha alakahong sik kae.

JOHN 16:32

Nangni nankhenga inchek sik cheia kha nan-inn et a kase sik chei, khana kei kabing rōk a nandahlon sik eng, apha kha hong katlung jo, hinahin hong katlungdek jo. Tâk-kha kadik khet a chu kei kabing rōk a changmak eng ajârchu Pa khan a-ompui eng.

JOHN 4:21

Jesu’n amanu hneng ati, “Eh nuhmei, ataksen roh! Mihe’n hiva hmun a achanga, Jerusalema achang inum Pa kha antakamuk makna sik pha kha alajōng katlung sik kae.

JOHN 5:25

Akadiktak kahri pek chei kae; akathi khan Pathen Sapa rasa anthei pha, akathei hei khan anhonghringsōtna sik pha kha jōng katlung jo, ajōng katlungsa jo kae.

JOHN 5:28

Hivahi mandonhla mak ruh; akathi rakip in thlânkhura inphut a ama rasa antheina sik,

ROMANHEI 1:9

Asapa Ṭong kaṭha kahrilea kamalung pumpui vâng karazen Pathen, Pathen kha kaṭong hri kadik tina sâkhi kae. Kamandon ṭhakna chei hi Pathen in amanhret,

ROMANHEI 8:15

Heijâra mo niti’nchu Pathen tapek chei Rathla khan nangni sōk manchang mak chei khana ṭitna amannei mak; khava kanek a Rathla khan nangni Pathen sahei amanchang jo chei. Khana khava Rathla hrat vâng khan eini’n Pathen hneng, “Apa, kapa,” amantitor mea kae.

ROMANHEI 8:26

Khavakha leh in-anghrep a Rathla kha eini nitlâksam jâra nika-bôm sik a akajōng kae. Ajârchu, eini’n heikhong mo derhlam kasōk manhret mak me; Rathla khan eini sik Pathen hneng hritheilo leoa inkōia angek pek mea kae.

GALATIANHEI 4:6

Nangni asa nuhngâk leh pase nanchang malârna sik, Pathen in Sapa Rathla kha nimalung shunga ajōng tira, khava rathla khan, “Apa, kapa” tia abek a kae.

EPHESIANHEI 6:18

Hiva rakip hi derna leh inṭhōia tlo una, Pathen inthōpuina sik der ruh. Ṭōn kasōk rakip a, Rathla’n hlam akeina sik chei der ruh. Hiva sik a inrin ṭhak a om ruh, masō hêrmak ruh; Pathen mihei seng sik a derṭhak ruh.

PHILIPPIANHEI 3:3

Ajârchu, anmani changmak a eini jôk in vuntan kadiktak kha nichen kae, ajârchu Pathen kha ama Rathla vâng nikamuk a khana nihringkhō shunga Christa leh inchunna khan inpâk a ka-om mea kae. Eini’n vâng pônga ṭōn intlona chunga nitaksen changmak.

JOSHUA 24:14

“Joshua’n ahrisa a, “Tûnchu, Rōngpu kha kaja ruh khana malung inthengtak a leh taksentak a ama razen ruh. Mesopotamia leh Egypt a nanpusōn he’n antakamuk pathenhei kha hlonsōt ruh, khana Rōngpu rōk kha razen ruh.

PETER INKHATNA 2:9

Tâk-kha nangni chu kadeisōt phung, Rengpa thempu, a’ntheng jât, Pathen khet mi, Pathen ṭōntlo inlak kahrile sik a a’nthima inphut a vâr inlak a abeksōt jo chei kha kae.

SAMUEL INKHATNA 12:24

Rōngpu ṭong jui ruh khana nanmalung pumpuia taksentak a ama razen ruh. Nangni sik a ṭōn kalen atlo hei kha mandonsōt ruh.