JOHN 4:14 - LEKHARABU INTHENG (BSI)

¹⁴ Khana tu achang inum kei tapek sik tui ka-in mi khachu atui hrenôk hêrmak jo ning. Kei tui pek sik khachu, kapek mipa shunga khan hringna tui kapût a kalōng sik, khana kumleikōa hringna apek sik kae.”

JOHN 4:14 ပူးပေါင်းရင်းမြစ်များ

ISAIAH 49:10

anmani ahei tik a’m anvon ṭâmmak ning khana antui hremak jo ning. Kani leh nêrdi kalum in anchunga tônmak jo hei ning, ajârchu ani’nlungset inkhatpa khan aching sik jo hei. Ama’n tuiri pûtna hmun a aṭhōi sik hei.

ISAIAH 55:1

Rōngpu’n ahri,, “Tui kahre rakip hong ruh, hin tui ka-om! Sêr kaneimak nangni hong ruh, sasai rachôk unna sâk ruh! Hong ruh! Ju leh sehnetui ho’nchôk ruh– aman heite pek mak tin chei!

ISAIAH 58:11

Khana ke’n ahei tik a hlamkakei sik jo chei khana akaṭha neinâk vânga kamantlai sik jo chei. Ke’n nangni kamanhrat sik chei khana kamanhōi sik chei. Nangni tui katamtak omna, akakang hêrmak tuiripût ka-ang sik jo chei.

JEREMIAH 2:13

ajârchu kami he’n setna 2 antlo jo, khachu: tui intheng tuiripût kachang kei hnenga inphut anmani inhesōt jo hei, khana tui aka-om tor mak sik tuikhur kha ancho jo.

JEREMIAH 31:25

Ke’n akaṭōiber hei kha kamanngar sik hei khana vonṭâma akatlasam hei kha kamankhop sik hei.

EZEKIEL 47:9

Khava hmun a tuisam alōngna khan sha leh nga jât rakip ka-om hei. Tuisam lōngna khan Tuipui Kathia tui kha amansim sik, khana alōngna rakip a hringna apek sik.

LEVI-DÂN 11:36

kathi kalōng katôn rakip a’nthengmak achang inum, tui kurkhum leh tuisi chu a’ntheng ṭhak kae.

MATTHEW 25:46

Khan chu, anmani are-rea karâkna kachen sik a atir sik jo hei, tâk mikadik-hei khachu kumsôt hringna kase sik jo hei.”

MATTHEW 5:6

“Pathen lungdo katlo hnōm hei kha anmahâm kaṭha; Pathen in pui katluk a amankhop sik hei!

JOHN 10:10

Inru khachu marûk sik, that sik, khana suk manhmang sik rōk a akajōng kae. Kei chu nangni’n hringna nanneitheina sik, khana khava nantanei kha hringna pui katluk achangna sik akajōng eng kae.

JOHN 11:26

Khana tu achang inum kei kataksen akahring mi kha thi nôk hêrmak jo ning. Hivahi nataksen mo?” ati.

JOHN 4:10

Jesu’n amasôn, “Nang in Pathen kutchoi pek kha namanhret a, khana tui in sik nakaderpa kha namanhret a, nang in ama hneng jôk nalei der inchu, ama’n hringna tui apek sik che kae.”

JOHN 4:11

Nuhmeinu khan ahnenga ati, “Apu, nang in alōkna sik heite neimak che, khana tuikhur hi inthûk a kae; khava hringna tui kha khona mo nalo sik.

JOHN 4:13

Jesu’n amasôn: “Tu achang inum hiva tui ka-in hei kha antui kahre nôk sik.

JOHN 4:36

Sâng ka-ât pa kha tloman inpek a kumleikōa hringna sik sâng kha amantûp; khang’khan akalingpa leh aka-âtpa kha inpâksap sik hei.

JOHN 6:27

A’nhmangthei bu jongna sik a ṭōn rahnak a tlomak ruh; khava kanek a, kumsôt hringna bu jongna sik ṭōn rahnak a tlo jôk ruh. Hiva bu hi mihring Sapa’n apek sik chei, ajârchu Pa Pathen khan ama chunga hnōm pekna mêrchîkna adapek jo kae.”

JOHN 6:35

Jesu’n anhnenga ahri, “Hringna buhlom kha kei eng kae. Kei hnenga akahong mi kha ahei tik a avon ṭâmmak jo ning; kei anikataksen mi kha ahei tik a atui hremak jo ning.

JOHN 6:58

Khava jâra hiva buhlom hi marvâna inphut akajōng kha kae; nanpusōn he’n anta leisak a akathihei khava buhlom kapō kha changmak. Anmani hnunga chu kathihei, tâk hiva buhlom kasâk hei kha ahei tik chen a kahring sik hei.”

JOHN 7:37

Revei inchai ning alûrpen ning kani khan Jesu kangirsōt a rasa inhnaktak a ahri, “Tui kahre tu achang inum kahnenga akahong sik kae,

ROMANHEI 5:21

Khan chu, setna khan thina vânga vai arôn kapōa, ni-Rōngpu Jesu Christa jâra kumsôt hringnating ani kaṭhōi Pathen maritna khan dikna vânga vai arôn.

ROMANHEI 6:23

Ajârchu setna tapek tloman khachu thina kae; tâk Pathen kutchoi pek mankase khachu ni-Rōngpu Jesu Christa leh inchunna shunga kumsôt hringna kha kae.

CORINTHIANHEI INHNINA 1:22

nikapu changna mêrchîkna nichunga akanam khum leh akarōi bukna heirakip eini sik a akakhōr manbuk kha manchênna sik a Rathla Intheng nimalung shunga anikapekpa kha kae.

EPHESIANHEI 4:30

Pathen Rathla intheng kha manrim mak ruh; ajârchu Rathla kha nangni Pathen ta nanchangna mêrchîkna kha kae, Pathen in ning leh hnōma amasōna sik chei kani ajōng tlung sik manchênna kha kae.

PETER INKHATNA 1:22

Khava jâra tûnchu aṭong nanjui jâra nanbinga insuk intheng jo chei, khana akataksen loihei chunga inthengtak a lungsetna nannei jo; nanmalung pumpuia lumlotak a khat leh khat inlungset jo ruh.

JOHN INKHATNA 5:20

Eini’n akadik Pathen kha nimanhretna sik, Pathen Sapa kha kajōnga manhret theina apek jo me ti hi eini’n nimanhret. Asapa Jesu Christa leh inchunna shunga, Pathen kadik leh inchun a eini akahring me kae. Hivahi Pathen kadik kha kae, khana kumsôt hringna kha kae.

ṬONGPHÔNG 7:16

Anmani anvon ṭâmhêr mak jo ning, antui um hrehêr mak jo ning; khan chu kanisat in kâng mak jo hei ning,

ṬONGPHÔNG 7:17

ajârchu len in-ongna laiṭim a ka-om kemōngte kha, ankakhem akachang sik jo kae, khana ama’n tui kahring lōngna hmun a aṭhōi sik hei. Khana Pathen in anhmit rathli ahni manhi pek sik jo hei kae.”