JOHN 4:10 - LEKHARABU INTHENG (BSI)

¹⁰ Jesu’n amasôn, “Nang in Pathen kutchoi pek kha namanhret a, khana tui in sik nakaderpa kha namanhret a, nang in ama hneng jôk nalei der inchu, ama’n hringna tui apek sik che kae.”

JOHN 4:10 ပူးပေါင်းရင်းမြစ်များ

HLAHEI 10:17

O Rōngpu, a’nsinsak hei derna nathei pek sik hei; nang in anmani vak neina napek sik hei.

HLAHEI 46:4

Chunghnung ama inn inthenga khan, Pathen khōpuia khan inpâkna ajōng karôn tuidung inkhat ka-om.

SŌKSŌT 17:6

Kei nanhma a Sinai Tlânga hlungpui inkhat chunga leikangir sik eng. Hlungpui kha vō roh, khana inphut mipui ta-in sik tui hong kapût sik,” ati. Khang’khan Moses’n Israel hlamkakeihei hmaikunga aleitlo jo.

HLAHEI HLA 4:15

Tuiripût he’n rahōn kha tui anpek, khava tui kalōng kava dunghei khan Labanon Tlângbung tuihnar hei khan.

ISAIAH 12:3

Tui kahre hei hneng tuidai intheng in antuihre chimna apek hei kapōa Pathen mihei kha ama’n ahuk hei pha inpâk hei.”

ISAIAH 35:6

Ke inkhôi in inchôma kalâm sik, Akaṭong theimak mi kha; inpâk a ka-ông sik jo.

ISAIAH 42:6

“Rōngpu ke’n nangni kabek chei kae khana ratha kapek jo chei kae, raleichunga akadik intlo ti kha hmusōtna sik a. Nangnia inphut mi rakip leh intepna inkhat kasyem sik; nangnia inphut jât-hei hneng vâr kajōng rôn sik.

ISAIAH 43:20

Ram a sha he’num ankaja sik eng; ram-uihei, Valen he’n anmanpâk sik eng, ke’n kakadeisōt mipuihei tui pekna sik a nêrdiram a tuidung kaman lōng pha khan.

ISAIAH 44:3

“Ke’n ram kachâr hmun a tui kapek sik, ralei chârna kavadung kaman lōng sik. Ke’n nasahei chunga karatha hratna kajōng bun mathlâk sik, khana nasōnhei chunga kamahâm ṭhatna kapek sik hei.

ISAIAH 49:10

anmani ahei tik a’m anvon ṭâmmak ning khana antui hremak jo ning. Kani leh nêrdi kalum in anchunga tônmak jo hei ning, ajârchu ani’nlungset inkhatpa khan aching sik jo hei. Ama’n tuiri pûtna hmun a aṭhōi sik hei.

ISAIAH 9:6

Naidông inkhat a’ntet pek jo me! Sapa inkhat apek jo me! Khana ama kha nivai karôn sik kae. Ama kha, “A’nlaktak Mi inse, “Akahrat Pathen”, “Kumsôt Pa”, “Chamna Rengsapa,” a’nti sik kae.

JEREMIAH 2:13

ajârchu kami he’n setna 2 antlo jo, khachu: tui intheng tuiripût kachang kei hnenga inphut anmani inhesōt jo hei, khana tui aka-om tor mak sik tuikhur kha ancho jo.

EZEKIEL 16:35

Tûnchu, Jerusalem, mikajôngnu! Rōngpu’n heimo ahri rangei roh.

ZECHARIAH 13:1

Akahratpen Rōngpu’n ahri, “Khava pha kha ajōng tlung pha, David sōn leh Jerusalema ka-om mihei setna leh limsyem kamukna kha mantheng sōtna sik tuihnâr inkhat jōng kasōksōt sik.

ZECHARIAH 14:8

Khava kani kha ajōng tlung pha, Jerusalema inphut tui insim kapût sik, khava tui aṭimkhat kha Tuipui Kathi dîra kalōng sik, khana aṭim inkhat in Mediterranean tuipuia kahlut sik. Kum katlung bit a, sûrkhō leh ṭhekhōa khō kasûr injôn sik.

LUKE 11:13

Nangni nanṭhatmak inum nansahei hneng neinâk kaṭha pekje nanmanhret. Marvâna ka-om nanpa rarap khan chu akader hei hneng Rathla Intheng kha heituk kakhea ajōng pek sik hei mo!”

JOHN 16:3

Anmani’n ke’m khana kapa’m anmanhret mak jâra, nanchunga hiva ṭōnhei hi anta hongtlo sik kae.

JOHN 17:3

Khana kumsôt hringna ti hi chu nang, akadik Pathen inkhat rōk, manhret hi leh najōngtir Jesu Christa manhret hi kae.

JOHN 3:16

Ajârchu Pathen in vânhnōi ralei hi hingtuk hrep alungset jâra Asapa inkhat rōk kha apek jo, tu achang inum ama kataksen kha thimak ning, tâk kumleikōa hringna anei sik kae.

JOHN 4:14

Khana tu achang inum kei tapek sik tui ka-in mi khachu atui hrenôk hêrmak jo ning. Kei tui pek sik khachu, kapek mipa shunga khan hringna tui kapût a kalōng sik, khana kumleikōa hringna apek sik kae.”

JOHN 6:35

Jesu’n anhnenga ahri, “Hringna buhlom kha kei eng kae. Kei hnenga akahong mi kha ahei tik a avon ṭâmmak jo ning; kei anikataksen mi kha ahei tik a atui hremak jo ning.

JOHN 6:51

Kei marvâna inphut akajōng hringna buhlom eng kha kae. Tu achang inum hiva buhlom kasâk mi kha ahei tik chen a kahring sik. Khana ke’n ama kapek sik buhlom kha kataksa ravōi hi kae, hivahi vânhnōi hringna sik a kapek kha kae.”

ṬŌNTLOHEI 9:11

Rōngpu’n ahnenga, “Intluk inna Hlam Intlunting se roh, khana Judah intipa inn naphâk pha leh Tarsus a inphut arahming, Saul intipa kha aka-om mo tia der roh. Ama derna aneia ka-om,

ROMANHEI 8:32

Ama’n asapa kapha maner loa nikhenga sik a atōksōt jo! Ama’n asapa kha hmen apek sōt jo me achang inchu, heirakip hi mankasea apek mak sik me mo?

CORINTHIANHEI INKHATNA 1:30

Tâk-kha nangni chu Pathen in Christa Jesua inchunna shunga aṭhōi manhlut jo chei, khana Pathen in Christa kha eini singna amanchang joa kae. Ama jâra Pathen leh kadik a adasap jo me, eini Pathen mi intheng kachang jo me, khana eini ning leh hnōma amasō jo me kae.

CORINTHIANHEI INKHATNA 10:4

khana ankhenga rathla tui inkhat rōk anlei insōma kae. Anmani leh ale’nṭhōiṭhak rathla hlungpuia inphut tui anlei in. Khava hlungpui kha Christa khet leikachang.

CORINTHIANHEI INHNINA 9:15

Akutchoi mankase jâra Pathen kha manpâk rih.

EPHESIANHEI 2:8

Ajârchu hivahi taksen jâra Pathen maritna khan ahuk manhring jo chei kae. Hivahi nanṭōn tlo jâra changmak, tâk Pathen kutchoi pek kae, hiva chunga tûte’n a’nlensak makna sik a kae.

HEBREWHEI 6:4

Ajârchu taksenna kadahlon jo mihei kha heikhong mo anmalung thlengna sik ahe’nṭhōi inletor nôk sik hei? Anmani vōi khat Pathen vâra leika-om jo hei; anmani’n marvân kutchoi pek Rathla Intheng kha anleichena anta leimantem jo kae.

JOHN INKHATNA 5:20

Eini’n akadik Pathen kha nimanhretna sik, Pathen Sapa kha kajōnga manhret theina apek jo me ti hi eini’n nimanhret. Asapa Jesu Christa leh inchunna shunga, Pathen kadik leh inchun a eini akahring me kae. Hivahi Pathen kadik kha kae, khana kumsôt hringna kha kae.

ṬONGPHÔNG 21:6

Khan chu ama’n ati, “Hi intlo jo! Kei ahma inkei leh ahnung kakhôr, a’nphutna leh a’nchaina eng kae. Tu achang inum tui kahre mi kha ke’n hringna tuiripût a mankasea a-ina sik ratha kapek sik.

ṬONGPHÔNG 22:17

Rathla leh Hmōinu khan, “Hong roh!” anti. Hiva akathei rakip inum, “Hong roh!” antati nger sik kae. Tu achang inum tui kahre rakip hong ruh; tu achang inum a’ndu rakip in hringna tui kha kutchoi inkhat kapōa rahlâng ruh.

ṬONGPHÔNG 7:17

ajârchu len in-ongna laiṭim a ka-om kemōngte kha, ankakhem akachang sik jo kae, khana ama’n tui kahring lōngna hmun a aṭhōi sik hei. Khana Pathen in anhmit rathli ahni manhi pek sik jo hei kae.”