JOHN 3:35 - LEKHARABU INTHENG (BSI)

³⁵ Pa khan asapa kha alungset, khana aratha neina thōia heirakip apek jo.

JOHN 3:35 ပူးပေါင်းရင်းမြစ်များ

A’NPHUTNA 41:44

Rengpa’n ahnenga, “Kei reng eng kae, khana Egypt ram pumpuia nang hnōm pekna tei loa tûte’n akut, ake kalângthei mak ning,” ati.

A’NPHUTNA 41:55

Egypt he’n sâk tâng anhong de manphut jo pha, rengpa hneng sasai apek roh tia leika-ông hei. Khava pha ama’n Joseph hneng ansena sik khana ama’n tlo ruh ati kha antlona sik a ṭong apek hei.

HLAHEI 2:8

Ader roh, ke’n nang jât rakip nakut a kapek sik che; raleichung pumpui hi nangta kachang sik.

ṬONGCHÎK-HEI 8:30

Kut kathem inkhat kapōa ahnenga leika-om eng. Ani katai inpâkna kung leikachang eng, ama hmaikunga ahei tik a kahōia ka-om eng,

ISAIAH 42:1

Rōngpu’n ati, “Ke’n kamanhrat kasōkpa kha hin ka-om– achunga malung tlaina kanei, ke’n kakadei jo inkhat kha kae. Ama kha karathla vânga kamansip, khana ama’n jât rakip hnenga akadik kha arôn sōt sik.

DANIEL 7:14

Ama kha phung leh jât ṭong rakip in anrazenna sik ama kha ratha neina, kajana khana reng ratha kha anpek jo. Ama ratha neina kha ahei tik a ka-om sik, khana arengram ahei tik a bângmak ning.

MATTHEW 11:27

“Heirakip Kapa’n kei apek jo eng. Pa teilo tûte’n Sapa kha manhret mak, khana Sapa tei loa tûte’n Pa kha manhret mak, khana Sapa khan malârpek sik a akadei hei tei loa tûte’n Pa kha manhret mak.

MATTHEW 17:5

Khang’khan ama aṭonglai khan sumtuk kabang hlom inkhat in amakhusi heia khana sumtuk kâra rasa inkhat in, “Ama hi Kasapa marit kae, achunga kamalung katlai, aṭong hri rangei ruh,” ajōng tia kae.

MATTHEW 28:18

Jesu anhnenga kahonga ahri, “Marvân chung leh raleichunga ratha neina rakip anipek jo.

MATTHEW 3:17

Khana marvâna inphut rasâ inkhat in, “Ama hi kasapa marittak kae, achunga kamalung katlai,” ajōng ti.

LUKE 10:22

“Ka-Pa’n heirakip apek jo eng: Pa teilo tûte’n Sapa kha manhret mak, khana Sapa leh Sapa’n ama inlârsōt sik a akadeisōt jo mihei tei loa tûte’n Pa kha manhret mak hei.”

JOHN 13:3

Pa khan ahnenga pui katluk ratha apek ti hi Jesu’n amanhret; Pathen hnenga inphut ajōng leh Pathen hneng akase nôk sik hi amanhret.

JOHN 15:9

Pa’n kei alungset eng kapōa, ke’n nangni kalungset chei; kalungsetna cheia khan omṭhak ruh.

JOHN 17:2

Ajârchu nang in ama napek sōt mihei seng kha kumsôt hringna apek theina sik hei, mihring rakip chunga ratha neina kha ama hneng napek jo.

JOHN 17:23

Anmani pui katluk a pumkhat rōk anchang theina sik, kei najōngtir eng leh kei nalungset eng kapōa anmani nalungset hei kha vânhnōi in anmanhret theina sik kei anmania ka-om eng khana nang keia ka-om che.

JOHN 17:26

Nang in kei namalung setna eng kha anmani shunga a-omtheina sik, khan chu kei um anmania ka-om theina sik, nang anmanhretna sik che katlo jo khana kalatlo ṭhak sik.”

JOHN 5:20

Ajârchu Pa khan Sapa kha alungset khana ama’n atlo rakip kha amanhmu. Ama’n hiva kakhea ṭōn kalen chet tlo sik a amanhmu sik, khana nangni nankhenga nanta det-hla et sik kae.

JOHN 5:22

Pa khan tûte ṭong tanmak. ṭong tanna sik ratha katluk a asapa hnenga apek jo.

CORINTHIANHEI INKHATNA 15:27

Ajârchu ṭong intheng in ahri, “Pathen in heirakip ake chōnpha adapet jo.” Hivahi inchên jo, ti chu, “Heirakip,” inti kâra hin Christa thōia heirakip akada Pathen chu invei mak a kae.

EPHESIANHEI 1:22

Pathen in heirakip kha Christa kethōia ada a khana heirakip chunga ratha kaneipen Rōngpu inkhat a bekrup hneng apek sōt joa kae.

HEBREWHEI 1:2

tâk a’nchaina pha hinchu asapa vâng eini a’nbekpui jo me. Pathen in vânhnōi ralei asyem hi ama vânga kae, Pathen in achaina neinâk rakip akapu sik a akadei hi ama hi kae.

PETER INKHATNA 3:22

Ama marvâna kakea, Pathen changting ka-oma, ngeva rakip leh marvâna vaikarôn rakip khana ratha kanei seng chunga vai arôn jo.