JOHN 3:3 - LEKHARABU INTHENG (BSI)

³ Jesu’n amasôn, “Kadiktak a kahri pek che kae; tu achang inum avea a’nte thermak inchu Pathen Rengram kha hmutor mak ning.”

JOHN 3:3 ပူးပေါင်းရင်းမြစ်များ

JEREMIAH 5:21

Nanmalung manhlut ruh, heite inhret mak hei, hmit chu akaneihei, ahmu chu hmulo hei, kōr chu akaneihei, athei chu theilo hei.

EZEKIEL 36:26

Malung ther, mandonna ther kapek sik chei. Nangni hlung kapōa akasak nanmalung kha kalosōt sik khana ṭongpek juina malung kapek sik chei.

MATTHEW 16:17

Jesu’n amasôn, “John sapa Simon, nang narevân kaṭha. Ajârchu hiva ṭongdik hi mihring inkhat tamanthei che changmak, tâk marvâna kapa khet tamanthei che kae.

MATTHEW 19:24

Ke’n kahri nôk: mikahao inkhat marvân Rengram ahlut sik kha ṭimphōi kōr a sharîngsei ahlut sik kanek a intak jôk a kae,” ati.

MATTHEW 21:31

Khahei 2 kâra khō jôk khan mo anpa lungdo atlo?” ati. Anmani’n, “Upapa kha” anti. Khava jâra Jesu’n anhnenga, “Kahri pek chei kae: ramsêrṭhei ṭōn katlohei leh noti he’n Pathen Rengram a nanhma ankeia kase sik hei.

MATTHEW 5:18

Mandon sōt ruh marvân leh ralei a-omlai seng, Dân rahme khana ajâr kasinpen inkhatbek inhmang mak ning, heirakip a’nchai mak hma seng.

MARK 10:14

Jesu’n kha amanhret pha, ahnuk kana a, asonlehei hneng ati, “Naipanghei kha kahnenga heimanhong hei ruh, khâm mak hei ruh, ajârchu Pathen Rengram kha anmani kapō hei ta kae.

MARK 9:47

Khana nahmit inkhat in nataksenna amanhmang inchu, khersōt roh! Hmit 2 pum a hmeikhura hlon manhlut nachang sik kanek a, hmit inkhat rōk leh Pathen Rengram nahlut sik kha kaṭha jôk.

JOHN 1:13

Anmani khachu ngai dungjuia mihring pa inkhat in amatet heia Pathen sa ahong kachang emak hei; Pathen khet kha anpa leikae.

JOHN 1:5

Vâr khan khō inthim asat manvâr, khō inthim khan vâr kha tor mak.

JOHN 1:51

Khana ama’n anhnenga ati, “Kadiktak a kahri pek chei kae, marvân inhlânga, Pathen ngevahei khan Mihring Sapa chunga ajōng kaṭum leh akake hei nantahmu sik kae.”

JOHN 12:40

“Anhmit in ahmu makna sik leh anmalung in amanhret makna sik, Pathen in anhmit amancho pek hei, anmalung akhârsi pek hei, khana ke’n anmani kamandamna sik hei kahnenga ho’nle mak hei ning, Pathen in ati.”

JOHN 3:4

Nicodemus in ader, “Heikhong mo mi inkhat upa achang sō kahnunga a’ntether nôk sik? Anu shunga akahlut nôk a a’ntether thei sik mo!”

CORINTHIANHEI INHNINA 4:4

Anmani kha hiva raleichung pathen kadikmak in, anmalung kha amanjing pek hei jâra anmani’n antataksen mak kae. Pathen kapōhrep kachang Christa lûrna ṭong kaṭha a inphut, anchunga ajōng kavâr vâr kha anmani’n anhmu makna sik, raleichung pathen khan ada heia kae.

CORINTHIANHEI INHNINA 5:17

Tu achang inum Christa leh a’nchun mi kha mihring ather kae; amarō kha kathleng jo, ather kha hong katlung jo.

GALATIANHEI 6:15

Mi inkhat in avun atan inum a-emak leh atanmak inum heite khôk hêrmak; akakhôk pen khachu insyemther inkhat chang sik kha kae.

EPHESIANHEI 2:1

Anphutbia khan nangni setna leh ṭong juimak jâra rathlating akathi leikachang cheia kae.

DÂNRABU INHNINA 29:4

Tâk tuning katlung nantahmuna hei kha manhret theinachu ama’n lapek mak chei.

TITUS 3:5

ama’n ahuksōt jo me. Khavakha eini’n ṭōn kaṭha heikhat tlo jâra changmak, tâk ama khet maritna vânga ahuk me, khachu sôp manthengna vânga intet therna leh hringkhōther anikapek Rathla Intheng jâra kae.

JAMES 3:17

Tâk-kha chunga inphut a singna khachu, hma inkeipena a’ntheng kae; khan chu mōngna kasip, nunkahōi, ṭhōn changtheina kha kae; hivahin lum lona kasip khana ṭōn kaṭha kara khômna kha amannei; hivahi inṭhat hlemsakna leh ôtum aka-om hêrmak kha kae.

PETER INKHATNA 1:3

Eini’n ni-Rōngpu Jesu Christa Pa leh Pathen kha inpâkna pek rih! Ama maritna me jâra Jesu Christa thina inphut akei mathōina vâng khan eini hringkhōther apek jo me. Hivahin akahring inhōrna kha apek mansip me,

JOHN INKHATNA 2:29

Christa kha akadik kae ti nanmanhret; kha achang inchu akadik katlo rakip kha Pathen sahei kae ti hi nantamanhret sik kae.

JOHN INKHATNA 3:9

Pathen sa kachang jo mi inkhatbek in setna tlomanjôn nôk mak jo ning, ajârchu Pathen chônngai kha anshunga ka-om jo; khana Pathen kha an-Pa achang jo jâra, anmani set tlomanjôn theimak jo hei.

JOHN INKHATNA 5:1

Tu achang inum Jesu hi Messiah kae tia akataksen kha Pathen sa kae; khana pa inkhat inlungset mi khan asa kha’m alungset a kae.

JOHN INKHATNA 5:18

Pathen sa inkhatbek in setna tlomanjôn mak jo ti eini’n nimanhret, ajârchu Pathen Sapa khan akahuk hei khana akaṭhamak inkhat khan suk manset tor mak hei.

JOHN INKHATNA 5:4

ajârchu Pathen sa rakip in vânhnōi hi antatorthei jo kae. Khana eini’n taksen vâng vânhnōi hi nitor jo kae.

ṬONGPHÔNG 3:14

“Laodicea bekrup ngeva hneng hi mazet roh: “Hivahi Pathen kutsyem, heirakip kungpui, akadik sâkhi leh taksen ka-om tak Amen a inphut ṭong kha kae.