JOHN 3:29 - LEKHARABU INTHENG (BSI)

²⁹ Hmōinu kha hmōipa ta kae; tâk khava hnenga akangir hmōipa ṭhōnpa khan hmōipa rasa kha athei pha, inpâk a kae. Hing’hin kei inpâkna kha pui akatluk jo kae.

JOHN 3:29 ပူးပေါင်းရင်းမြစ်များ

HLAHEI HLA 3:11

Zion nuhmeihei, Reng Solomon hi hong una hong-en ruh. Aluhông ninga ama inpâkna leh hōina kani ninga, anu’n alu chunga amankhu lukhu kha inkhua kae.

HLAHEI HLA 5:1

Karahōn shunga kahlut jo eng kalungdinu, kalômnu. Marim katui kareibō thingbō kakhôm manchun hei; Kakhōihning leh khōithlar hei kasâk hei; Kasene leh kaju ka-in hei. Lungset a nan inrui mak hma seng in ruh, sâk ruh kalungset hei seng.

ISAIAH 54:5

Nakasyempa kha nang sik a napuise kapō kachang sik jo, Chunghnung Rōngpu kha ama rahming kae. A’ntheng Israel Pathen khan nang ahuk sik che, ama kha raleichung pumpui vaikarôn kha kae.

ISAIAH 66:11

Nangni’n amanu nei leh haona kha nanta hōipui sik kae, naidông anu netui ka-in kapōa.

JEREMIAH 2:2

Jerusalema ka-om mi rakip hnenga hiva ṭong hi vaphôngsōtna sik a amanthei eng. “Ke’n kamandonsōt, nakhangdông changlai heituk-hrep a taksenthei aleikachang che mo, niluhông bilai khan chu heituk-hrep a nalungset eng mo; Nêrdiram a, heite kekmakna ram a khan naleijui eng.

EZEKIEL 16:8

“Nahneng kahei hro nôk pha, nang sik a mi leh induna pha hong katlung jo. Ke’n kazakkō kasei vâng kamakhu chea kalungset sik che tia intep eng. Kadik, nang leh luhông sik a intepna kanei, khana nang keita hongkachang che.” Hivahi Chunghnung Rōngpu tahri kae.

HOSEA 2:19

Israel, kanuhmei kamanchang sik che; kei akadik leh taksenthei kachang sik eng; akahnet lungset leh maritna kha kamanhmu sik che khana ahei tik a kata kamanchang sik jo che.

MATTHEW 22:2

“Marvân Rengram kha hiva kapō kae. Pha khat a reng inkhat in asapa hmōiṭhōina revei inkhat aleimantluk.

MATTHEW 25:1

“Khava pha a marvân rengram kha hiva kapō kachang sik. Pha khat a nuhngâk 10 he’n anthaihmei anchoia hmōipa intōpui sik a leikasesōt hei.

MATTHEW 9:15

Jesu’n amasôn heia, “Hmōipa khan ahmelâk-hei leh an-omsaplai anmani kachâma ka-om sik a nantahlamrin mo? Khanga changthei mak ning! Tâk anhnenga inphut hmōipa ṭhōisōtna pha lakahong sik, khava pha bu antahngōi sik kae.

LUKE 15:6

Khana inn naheitlung pha naṭhōnhei leh nakhō-navenhei nabek mantûp heia, ‘Kei inpâk hêr eng, kakemōng inhmang kha kahmu jo. A’npâk puiruh,’ nati!

JOHN 15:11

“Nanchunga ka’npâkna kha a-omna sik, khana nangnihei inpâkna kha pui atluk theina sik, hivahi kahri pek dek chei kae.

JOHN 16:24

Tûn katlunga hin nangni’n kei rahminga heite lader mak hi chei; nan-inpâkna pui atluk theina sik, der ruh, khana nantahmu sik kae.

JOHN 17:13

Tûnchu kei nahnenga kahong sik jo eng, khana anmani malung shunga kei inpâkna hi pui katluk a anneitheina sik, ke’n raleichunga hihei hi kahri kae.

JOHN 3:30

Ama chu akakhang chet-chet sik kae, kei chu akatlasuk chet-chet sik eng kae.”

CORINTHIANHEI INHNINA 11:2

Thangset kanei Pathen achang kapōa, ke’m nan-chunga kathangsetna kana; ajârchu pase inkhat rōk leh lu kahông sik nuhngâk inthengtak inkhat kapōa, Christa leh lu kahông sik a ke’n nangni ṭong ka’nteppui chei kae.

PHILIPPIANHEI 2:2

Khava jâra, mandonna inkhat rōk neia, lungsetna inkhat rōk chen a, malung leh rathla inkhat rōk changna vâng khan pui katluk a a’npâk mi amanchang ruh tia kangek chei.

JOHN INKHATNA 1:4

Ni’npâkna pui atluk theina sik hivahi kantahei mazet chei kae.

JOHN INHNINA 1:12

Ke’n hripek sik che hingja kanei, kha’num muk leh chepheng vâng heimazet mak jo rong; khava nek a, ni’npâkna pui atlukna sik nanhnenga heiphâk sik chei leh taksakhet a nangni leh inbektō sik kha inhōr eng.

ṬONGPHÔNG 21:9

Ngeva 7 tlukna khan a’nchaina hrise thlengkam 7 kasip phet achoia kahnenga kahonga ati, “Hong roh, ke’n Kemōngte nuhmei sik hmōinu kha manhmu che rong.”