JOHN 3:21 - LEKHARABU INTHENG (BSI)

²¹ Achang ravâng akadik katlo mi kha tu achang inum Pathen ṭong juina ṭōn atlo kae ti a’nlârsōt theina sik vâra khan kahong hei.

JOHN 3:21 ပူးပေါင်းရင်းမြစ်များ

HLAHEI 119:105

Naṭong kha ani kaṭhōi thaihmei kae kahlam sik a vâr kae.

HLAHEI 119:80

Naṭongpek kha pui katluk a juirong hmaimôkna inphut aṭhensōt roh.

ISAIAH 26:12

Rōngpu, nang in keini khangsōtna napek sik ung; keini chen heirakip hi nang ṭōntlo kara kae.

ISAIAH 8:20

Nang in hing’hin masôn hei roh, “Rōngpu’n amanthei chei kha rangei ruh! Rathla inbekpui mihei kha rangei mak ruh, anmani mantheina khan akaṭha kha sōk mak ning.”

HOSEA 14:8

Israel mihei khan limhei kha heite manlomak jo hei ning; Anderna kamasôn sik hei khana kahrung sik jo hei; Thingbō in-êm ṭhak kapōa in-ungna kapek sik hei; Kei anmani mahâmṭhat rakip heikōnna eng kae.”

JOHN 1:47

Jesu’n Nathanael ahnenga akahong kha ahmu pha, ama chungchâng ṭong ahri: “Enruh, Israel inchêntak inkhat so! Achunga ṭhena heite om mak.”

JOHN 3:20

Ṭōn kaṭhamak katlo rakip in vâr kha anhōt, khana anṭōn kaṭhamak tlohei kha inlâr sik tia vâra honghnōm mak hei.

JOHN 5:39

Nangni’n Ṭong intheng rabu shunga kumsôt hringna kanhmu sik tia nanteia nanjong. Khana hiva Ṭong intheng hei hin kachungchânga antahri kae!

JOHN 7:17

Tu achang inum Pathen lungdo tlo sik akatup mi khan kaman theina hi Pathena inphut akajōng a-emak leh kabing ratha neina vâng kahri kae ti hi amanhret sik.

CORINTHIANHEI INKHATNA 15:10

Achang ravâng Pathen maritna eng jâra kei hi kei jo eng kae, khana ama’n kei maritna apek eng kha hmangna kase changmak. Khava kakhea, sonle alak-hei kanek a, ke’n inhnakchet a ṭōn katloa kae. Khavakha kei tatlokhet changmak, Pathen maritna tatlopui eng kae.

CORINTHIANHEI INHNINA 1:12

Hiva raleichunga kanhringkhō, akarôn pena nangni leh ni’nmetna chunga hin Pathen tapek me malung ipna omlo leh inthengna vâng, Pathen maritna ratha neina vâng, mihring singna vâng changloa, nichunga vai arôn ti hi keini malung ṭhen theina hin amanchên jâra inlensakna kannei.

GALATIANHEI 6:8

Antaksa tamaduna hleia khan hmuchi anvor inchu, khana inphut a anmani’n thina kara antalōk sik kae; khana rathla hleia khan anvor inchu kumleikōa hringna antalōk sik kae.

EPHESIANHEI 5:9

ajârchu ṭhatna, dikna leh ṭong kadik inti rakip kara katamtak lōkna akanei khachu, vâr hi kae.

PHILIPPIANHEI 1:11

Pathen lûrna leh choi manshângna sik a, Jesu Christa rōk in ahei choisōt kadiktak a akaṭha tlotheina khan nanhringkhō kha kasip phet sik jo.

PHILIPPIANHEI 2:13

ajârchu ama lungdo kha nanjui hnōmna sik leh nanjui torna sik a Pathen in ahei tik a nanshunga ṭōn atlo kae.

COLOSSIANHEI 1:29

Hiva tlosōtna sik, Christa tapek eng kashunga ṭōnkatlo akator ratha kha kahmanga insuk inbōitak a inṭang eng.

PETER INKHATNA 1:22

Khava jâra tûnchu aṭong nanjui jâra nanbinga insuk intheng jo chei, khana akataksen loihei chunga inthengtak a lungsetna nannei jo; nanmalung pumpuia lumlotak a khat leh khat inlungset jo ruh.

JOHN INKHATNA 1:6

Khan chu, eini’n ama leh inlôikhôm ung chu nitia, khō inthima nila-omṭhak inchu, niṭōn tlona leh niṭong hrina chunga malei kasei me kae.

JOHN INTHUMNA 1:11

Kasōpui marit, akaṭhamak kha inchu mak roh, tâk akaṭha kha inchu roh. Tu achang inum akaṭha katlo kha Pathen ta kae; tu achang inum akaṭhamak katlo khan Pathen lahmu mak.

ṬONGPHÔNG 3:15

Ke’n naṭōntlo kha kamanhret; nang akadai ngâr um changmak che khan chu akalum ngâr um changmak che ti kamanhret. Nang inkhat jôk nachang sik kamadu che!