JOHN 3:2 - LEKHARABU INTHENG (BSI)

² Ama jân khat Jesu hneng kahonga, “Rabbi, nang Pathena inphut akajōng Oja che ti keini’n kanmanhret; ajârchu Pathen inthōpui tei loa tûte’n natlo ṭōn inlak-hei hi tlotor mak,” ati.

JOHN 3:2 ပူးပေါင်းရင်းမြစ်များ

RENGHEI INKHATNA 17:24

Amanu’n amasôn, “Tûnchu nang Pathen mi che kae khana Rōngpu’n kadiktak a nahnenga ṭong ahri ti hi kamanhret jo!”

ISAIAH 51:7

“Kaṭong rangei ruh, nangni akadik inhret hei, nanmalunga kaman theina kahnet a a’nvon hei. Mihe’n êngset antlo cheia inzakna anpek chei pha ṭitmak ruh;

JEREMIAH 38:16

Khava jâra reng Zedekiah’n marûk a intepna aneia, “Hringna anikapek Akahring Pathen kapan a intep eng, nang ke’n that mak che ning, khan chu nang kathat hnōm hei kut chunga’m pek mak che ning,” ati.

MATTHEW 22:16

Anmani’n ansonlehei leh Herod mihei ahnenga antir hei. Anmani’n, “Oja, nang in akadik nahri kanmanhret che. Nang in, tûte lûrna leh lenna chunga kajana neiloa, mihei sik a Pathen lungdo kha kadik a namanthei hei, ajârchu nang in tûte inkhat lulenna kha donmak che.

MATTHEW 23:7

jōrtlâng hmun heia mihei chibei tlo sik leh ‘Oja’ antati sik anmadua kae.

MATTHEW 23:8

Nangni chu ‘Oja’, inti mak ruh, ajârchu nangni’n Oja inkhat rōk nannei khana nankhenga innshung inkhat mi chei kae.

MARK 12:14

Anmani ahnenga kahong heia ander, “Oja, nang in mihei mandonna heite khôk sakloa akadik nahri ti hi kanmanhret. Nang in tûte hmai enmak che, tâk mihei sik a Pathen lungdo kha kadik a namanthei hei. Khana Roman Rengkalen Caesar hnenga ramsêrṭhei pek sik hi nidân kadōi mo kae? Nipek sik mo? Nipek mak sik mo?”

JOHN 1:38

Jesu inhea anmani’n akahnung anta heijui kha ahmua, ader hei, “Nangni’n heimo nantajong?” Anmani’n anmasôn, “Rabbi, nang khon mo aka-om che?” anti. (Rabbi hi Oja, tina kae.)

JOHN 10:38

Ke’n aṭōn kha katloa nantaksen mak enga achang inum, Pa kha keia ka-om, kei hi Pa a ka-om eng ti hi nanmanhret thangna sik kaṭōntlo bek khachu taksen ruh.”

JOHN 12:37

Ama’n anhmit hmu khet a ṭōn-inlak rakip hiseng atlosōt ravâng anmani’n leitaksen mak hei,

JOHN 14:10

Kei Pa a ka-om eng, khana Pa kha keia ka-om ti hi nalataksen mak mo? Ke’n nanhnenga kahri hei hi, keia inphut ajōng kasōk changmak hei. Keia ka-om Pa khan aṭōn kha a’ntlo kae.

JOHN 15:24

Ke’n anmani kâra tûte taleitlo phungmak ṭōnhei kha kaleitlo mak achang inchu, ansetnahei jâra masetna antachen mak sik kae; tâk tûnchu anmani’n kaṭōntlo kha anhmu jo khana kei leh kapa kan-inhnia anhōt jo ung.

JOHN 2:11

Hiva ṭōn-inlak hma inkeipen hi Jesu’n Galilee ram a Cana khōa atlosōt a kae; khana khan alûrna aphônga, asonle he’n antaksen jo.

JOHN 20:16

Jesu’n amanu hneng “Mary!” ati. Amanu khan ahnengting inhea khana Hebrew ṭonga, “Rabboni,” ati. (“Oja,” tina kae.)

JOHN 3:26

Khava jâra anmani John hneng kase heia, “Rabbi, Jordan nisō rea nale’nṭhōi puipa, ama chungchânga naleihripa kha namandonsōt mo? Kaṭha, tûnhin tuimanhlut atloa ka-om, khana mi rakip ahnenga kase heia kae,” anti.

JOHN 4:31

Khava laitak khan sonle he’n Jesu hneng, “Oja, bu hongsâk jo roh,” tia anleingêk.

JOHN 5:36

Tâk-kha John sâkhi tlo kanek a akalen chet kachungchânga sâkhi inkhat ke’n kanei; Kapa khan katlo sik ṭōn apek eng, kaṭōn tlohei khan kei kahlânga ṭong anhria, kapa tahei tirna eng kha’m amalâra kae.

JOHN 6:2

Mipui katamtak in ama kahnung anleijui, ajârchu Jesu’n mi kanahei amandama ṭōn-inlak atlo hei kha anmani’n anleihmua kae.

JOHN 7:31

Tâk-kha mipui kâra akatamtak in ama antaksena, “Christa ajōng pha leh, hiva mipa tatlo kanek a ṭōn kalen atlo tor sik nâk mo?” antia kae.

JOHN 9:16

Pharisee ṭhahrep in, “Hiva katlopa hi, Châmhngat kani anitmak jâra ama Pathena inphut changmak ning,” anti. Achang ravâng her khat in, “Mikase inkhat in hinghiva ṭōn kalen inlak hi khonga mo atlo tor sik?” Khang’khan anmani kâra loi hnia inṭhenna kasōk jo.

ṬŌNTLOHEI 10:38

Nangni’n Nazareth Jesu chungchâng khana heikhong mo achunga Pathen in Rathla Intheng leh ratha neina aheibun mathlâk pek ti hi’m nanmanhret jo. Hmun rakip a ama kasea ṭōn kaṭha aleitlo khana Seitan ratha neina thōia ka-om rakip aleimandam hei, ajârchu ama kha Pathen in aleiompui.

ṬŌNTLOHEI 2:22

“Ka-Israel changpui hei, hiva ṭong hi rangei ruh! Pathen in ama a inphut nankâra a’nlak ka-om leh ṭōn-inlak aleitlo rakip khana inphut Nazareth Jesu kha ratha neina inpek ti kha inchên jo. Hivahi nantak khet a nanmanhret, ajârchu hinahin nankâra akasōk kae.

PHILIPPIANHEI 1:14

Kei kurkhum a ka-om hin sōpui akatam lang Pathena inngam chetna amannei heia ṭitna neiloa pha rakip a ṭong hrilena anneia kae.

ṬONGKATANHEI 6:27

Khava jâra Gideon in asōk pase 10 akadeisōt heia, Rōngpu’n ahnenga amanthei kapōa avatlo jo. Ama’n innshung mihei leh khōpui mihei aṭit hei jâra sûna tlo loa, jân a anleitlo.