JOHN 20:21 - LEKHARABU INTHENG (BSI)

²¹ Khava sōa Jesu’n anhnenga ahri nôk a, “Mōngna’n ompui chei rasoh, Pa’n kei atir eng kapōa, ke’n nangni katir chei kae,” ati hei.

JOHN 20:21 ပူးပေါင်းရင်းမြစ်များ

MATTHEW 10:16

“Rangei ruh! Kahne rup-hei kâra kemōng kapōa ke’n nangni katir chei kae. Khava jâra mari kapōa insing thei ruh, vaṭhu kapōa malung mannem ruh.

MATTHEW 10:40

“Nangni inhlâng mi khan kei arahlâng eng kae; khana kei inhlâng mi khan anijōng katirpa kha arahlâng kae.

LUKE 24:36

Anmani’n hiva ṭong hi anhrilai, manhret manloa Rōngpu kha ankâra hong kangira anhnenga, “Nanchunga malung mōngna om rasoh,” ati.

JOHN 13:20

Akadiktak kamanthei chei kae; tu achang inum kei mitir inhlâng mi khan kei um arahlâng eng kae, tu achang inum kei inhlâng mi khan anijōng katirpa kha arahlâng kae.”

JOHN 14:27

“Ke’n kadahlon pek chei khachu mōngna hi kae, kapek chei hi kei khet mōngna kha kae. Vânhnōi tapek chei kapōa kapek chei changmak. Nanmalung mandong mak ruh, ṭi’m ṭimak ruh.

JOHN 20:19

Khava Pathen kani ninga khōhlei ting khan, sonle he’n Jehudi Sehmang-Pachonghei anṭit hei jâra kot ankama le’ntûp hei. Khava pha Jesu kahonga ankâra hong kangira, “Mōngna’n ompui chei rasoh,” ati hei.

JOHN 20:22

Ama’n hi ahria, anchunga akaphuk amasâ khum heia, “Rathla Intheng kha chen ruh!

JOHN 20:26

Kani vekhat sōa sonlehei kha Thomas inveina innshunga intûp nôk jo heia kae. Kot-hei ankirpet, tâk Jesu ankâra hong kangira anhnenga, “Malung mōngna’n ompui chei rasoh,” ati hei.

JOHN 3:17

Ajârchu Pathen in ralei ṭong katan sik a asapa ajōngtir changmak; tâk akahuk inhring sik a ajōngtir kae.

ṬŌNTLOHEI 1:2

Ama ṭhōitoua a-om mak hma asonle kachang sik a akadei mihei kha Rathla Intheng rathahrat vâng mansena aleinei heia kae.

ṬŌNTLOHEI 1:8

Tâk-kha Rathla Intheng kha nanchunga ajōng pha leh, ratha hratna kasip a nannei sik, khana nangni Jerusalem, Judea leh Samaria ram pumpuia khan chu raleichung achaina katlunga kasâkhi akachang sik chei kae,” ati.

TIMOTHY INHNINA 2:2

Sâkhi mi katamtak hmaikunga kahri manthang jo insena ṭong, mantheina kha inlo roh, khana nang in taksenthei kachang, mi ralak intheitor hei hneng um nganse hei roh.

HEBREWHEI 3:1

Pathen tabek jo ka-Christian sōpuihei! Eini’n nihrisōt taksenna chunga Thempu Kalen kachang sik a Pathen tajōngtir Jesu kha mandon ruh.

JOHN INTHUMNA 1:14

Inrangtak a nangni leh inhmubei sik me tia inhōr eng, khava pha leh taksakhet a inbektō sik jo me.