JOHN 19:4 - LEKHARABU INTHENG (BSI)

⁴ Mipuihei hneng Pilate vōi khat kasōk inle nôk a, “Enruh, ke’n ama masetna sik ajâr heite kahmu sōt mak kha man enna sik chei nanhnenga hin kaheiṭhōisōt sik kae,” ava ti hei.

JOHN 19:4 ပူးပေါင်းရင်းမြစ်များ

MATTHEW 27:19

Pilate kha ṭong tanna den shunga a’n-onglai, anuhmei in, “Tuning karahmanga ama jâra khōdeng theina hingja kaleinei, khava jâra ṭhena kaneimak mi kha heite manlomak roh,” tia ṭong ahei manrôna kae.

MATTHEW 27:24

Pilate in aṭong der hei kha ahnemna om mak jo, mipui inchok inhângna kasōkbei sik jo ti kha ahmu pha, tui ajing aloa mipui hmaikunga akut asôp a, “Hiva mipa thina chunga kei chu mô rônmak ning! Hivahi nanbinga nantatlo kae!” ati hei.

MATTHEW 27:4

“Ṭhena kaneimak inkhat thatna sik a mikut a kapek sōt hi ke’n kaṭhe jo!” ati. Anmani’n anmasôn, “Khavakha keini’n heimo kantamanlo sik? Khavakha nabing ṭōn jo kae!”

MATTHEW 27:54

Rehlam kakeipa leh a-ompui sepei, Jesu kahngâk-hei khan lingnu innok leh omchen kasōk rakip kha anhmu pha kaṭihêr jo heia, “Kadiktak a hiva mipa hi Pathen Sapa kae!” anti.

LUKE 23:4

Khan chu Pilate in thempu kalenhei hneng leh mipuihei hneng, “Hiva mipa masetna sik a ajâr heite hmumak eng,” ati.

LUKE 23:41

Hei-achang inum eini tachen hichu akadik kae, eini’n nitlona rahōi kasōk hrep kha nihmu kae. Tâk-kha ama hichu akaṭhamak heite tlolo kae.”

LUKE 23:47

Sepei ṭōnpui karônpa khan omchen kasōk hei kha ahmu pha ama’n Pathen amanpâk a ati, “Inchêntak a hiva mipa hi mikaṭha kae.”

JOHN 18:33

Pilate kha innpuia kahlut nôk a Jesu abek a, “Nang Jehudihei Reng che kha mo?” tia ader.

JOHN 18:38

Khana Pilate in, “Akadik kha heimo?” tia ader. Khava sōa Pilate Jehudihei hneng vângting inle nôk a, anhnenga ati, “Ke’n ama maset manchenna sik ajâr heite hmusōt tor mak eng.

JOHN 19:6

Thempu kalenhei leh bek-inn kahrung he’n ama anhmu pha, an-ôna, “Thingrakea hem mankop roh! Thingrakea hem mankop roh!” antia kae. Pilate in anhnenga, “Ke’nchu ama masetna sik ajâr heite hmumak eng, nangni’n inṭhōi una thingrakea hem mankop jo ruh,” ati hei.

CORINTHIANHEI INHNINA 5:21

Christa khan setna neimak, tâk eini ama leh ni’nchunna shunga khan Pathen dikna kha nichensōm theina sik Pathen in eini setna kha ama chen amanchang jo kae.

HEBREWHEI 7:26

Khava jâra nirangei anikapek inthluktor Thempu Kalen kha Jesu hi kae. Ama a’ntheng kae. Ama’n setna leh sukṭhena heite neimak; ama mikase heia inphut ahlop a dasōt a ka-om khana marvânhei chunga keitou kachang jo.

PETER INKHATNA 1:19

khavakha masetna kase leh nōrna kase kemōngte inkhat kapō, mankatamtak Christa inpek sōtna kha kae.

PETER INKHATNA 2:22

Ama’n setna neimak; abeisōa maleisei ahrina tûte’n theiphung hêrmak.

PETER INKHATNA 3:18

Ajârchu, nangni Pathen hneng aṭhōi theina sik chei, mikaṭha inkhat kha mikaṭhamak-hei sik, Christa kha setna jâra aheitik a sik vōi khat kathi jo. Ama taksa a anleithat jo, tâk rathla a manhring jo kae.

JOHN INKHATNA 3:5

Setnahei kalosōt sik a Christa kha jōng inlâr khana ama chu setna heite neimak ti hi nanmanhret.