JOHN 19:31 - LEKHARABU INTHENG (BSI)

³¹ Khava sōa mi antathat hei kha anke vōk mathlekna sik, thingrake hei chunga inphut ankalōng lo mathlâkna sik, Jehudi hlamkakei he’n Pilate hneng anhongder. Ajârchu khava ning kha Misyem ning kae khana akahong Châmhngat kani ning kha ahlop mônga kani intheng achang jâra Thingrake chunga an-inkhei thang sik kha leimadu mak hei.

JOHN 19:31 ပူးပေါင်းရင်းမြစ်များ

SŌKSŌT 12:16

Kani hma-inkei ning leh ni 7 tluk ning kamukna sik a a’ntûp sik chei kae. Khava kani ning hei khan ṭōn nanta tlomak sik kae, tâk sâk leh in chu nanmantluk thei sik.

ṬONGCHÎK-HEI 12:10

Mikaṭha he’n anranhei kaṭha nenga anrazen hei, tâk mikaṭhamak he’n anranhei hnuk kasetak a anrazen hei.

MICAH 3:3

Kamihei ravōi nansâksō. Anvun hei nanmanhlip a, anru anchâng nanmaher thlek hei, khângbe shunga sōng sik kapōa nantuk rachen hei.

MATTHEW 27:62

Abân kania, Châmhngat kani ning, thempu kalenhei leh Pharisee he’n Pilate anlei inhmupuia,

MARK 15:42

Arimathea khōa Joseph ajōng tlung kha khōhlei ting jo kae. Ama kha Pathen Rengram ajōng tlung sik aleikahngâk, kaja ka-om Sehmang-pachonghei kâra inkhat kae. Khava kani kha Inrin ning kae (ti chu, Châmhngat kani mak hma) khana Joseph khan kangamtak a Pilate hmaikunga vakasea ahnenga Jesu kalōng kha aleider.

JOHN 19:1

Khava sōa Pilate in Jesu kha aṭhōia amanvōk jo hei.

JOHN 19:14

Khava ning kha Rakan Kût mak hma kani sûnṭimvet jo kae. Pilate in mihei hnenga, “Nanrengpa hin ka-om,” ati hei.

JOHN 19:42

Khava kani kha Châmhngat kani ning mak hma achang jo jâra khan chu thlân kha ahnai jâra anmani’n Jesu kalōng kha khana khan anleihre jo.

JOSHUA 8:29

Ai rengpa kha thinglera amakheia khōhlei katlung ada. Kani ahongtlâk pha Joshua’n akalōng kha keimathlâkna sik ṭong aleipek hei, khōpui sōngkot hlutna anleihlōn mathlâk a kae. Khava chunga hlung katamtak anbuk khum, khavakha tuning katlung laka-om.