JOHN 19:30 - LEKHARABU INTHENG (BSI)

³⁰ Jesu’n khava ju kha amajôp a, “Inchai jo,” ati. Khava sōa alu amankun a kathi jo.

JOHN 19:30 ပူးပေါင်းရင်းမြစ်များ

A’NPHUTNA 3:15

Nang leh nuhmeinu kâra in-enkadana kaman om sik jo; nuhmeinu sōn in nalu asukkhōi sik khana nang in asōn apâr kerahmit namachuk pek sik kae,” ati.

HLAHEI 22:15

Karehrok hi ravut kachâr kapōa kachâr jo, kamalei hi kakadanga kakop jo. Nang in kei hi vaiphin kâra akathi sik a nadahlon jo eng.

ISAIAH 53:10

Rōngpu’n ati, “Ama inrim sik kha kei lungdo kae; ama thina khan rangei mandam heirônsōtna sik a inthoina kha kae. Kha achang jâra ama’n asōn leh apâr ahmu sik hei; ama ahringkhō kasei sik, khana ama a inphut kei ṭōn mantlukna kha hme asō sik kae.

ISAIAH 53:12

Khava jâra ke’n ama hneng kajana hmun kha kapek sik, mikalen leh ratha kaneihei kâra hmun kae. Ama’n alungdotak a ahringkhō kha apek sōt khana mikaṭhamak-hei chen sik rahōi kha a chensap pui hei. Ama’n mikaset katamtak hei hmun kha aloa anmani’n rangei mandam anchenna sik aderpek heia kae.”

DANIEL 9:24

“Namihei leh nakhōpui intheng kha setna leh akaṭhamak inphut masōsōtna sik Pathen in kum 70 et kha vōi 7 kasôt aṭhensōt a ada jo. Ṭongsân leh hmangtalâr kha hui atlungna sik, khana a’ntheng Bek-inn avea manther sōtna sik a, setna rangei mandam sik khana kumleikōa dikna kha matungsōt sik kae.

DANIEL 9:26

Khava pha a’nchai leh Pathen takadeisōt hlamkakei kha dikmaktak a anmahera anthat sik. Khōpui leh Bek-inn kha ratha kaneitak vaikarôn remi he’n ansuk manhmang sik. A’nchaina kha Pathen in amantluksa re leh suk manhmangna ahei rôn kha tuikalen kapōa kahong sik.

ZECHARIAH 13:7

Akahratpen Rōngpu’n ahri, “Thōi roh, chemjâm, khana kei sik a ṭōnkatlo kemōng kakhempa so vabuhlu roh! Ama so that roh, khana kemōnghei inchai kathek sik jo hei. Ke’n kamihei kabuhlu sik jo hei

MATTHEW 20:28

Mihring Sapa kapōa, mi tarazen sik a changloa, mi inzen sik jôk leh mi katamtak intlensōt sik a ahringkhō kapea akajōng kapōa khan atlo sik kae.”

MATTHEW 27:50

Jesu rasa inhnaktak a ka-ông nôk a achaina kaphuk amasō jo.

MATTHEW 3:15

Tâk Jesu’n, “Tûnhin chu ahnōm pek hi roh, ajârchu hing’hin Pathen lungdo rakip eini’n pui nimathluk sik kasōk,” tia amasôn. Khava pha John kahnōm jo.

MARK 15:37

Khana rasa inhnaktak a ka-ônga Jesu kha kathi jo.

LUKE 22:37

Ajârchu kamanthei chei kae, ṭong intheng tahri, ‘Ama mikasehei mahâmsetna achenpui hei,’ ti kha, kei chunga hui akatlung nger sik kae, ajârchu kei chunga ale’nzet kha hui ajōng katlung jo kae.

LUKE 23:46

Khava pha Jesu’n rasa inhnaktak a a-ôna, “Apa, nakut chunga karathla kapek che,” ati. Hi ahria kathi jo.

JOHN 10:11

“Kemōnghei sik akathi ngam, kemōng kakhem kaṭha kha kei eng kae.

JOHN 10:18

Kahringna hi keia inphut tûte’n losōt mak. Ke’n kalungdotak a katōksōt kae. Ke’n khavakha tōksōtna leh lo male torna ratha kanei. Hiva tlotorna sik a kapa khan ṭong apek jo eng.”

JOHN 17:4

Nang in tlosōt sik a napek eng ṭōn kha katlo mathluk sō jo; raleichunga nalûrna kamalâr jo.

JOHN 19:28

Tûnchu heirakip pui katluk a inchai jo ti Jesu’n amanhret jo; khana ṭong inthenga a’nzet kha hui atlung theina sik, ama’n, “Katui kahre,” atia kae.

JOHN 4:34

Jesu’n anhnenga, “Kei bu khachu anijōng katirpa lungdo pui katluk a tlo mathluk sik kha kae,” ati.

ROMANHEI 10:4

Ajârchu akataksen rakip kha Pathen leh kadik a dasapna sik a, Christa khan Dân inchaina kha atlosōt jo.

ROMANHEI 3:25

Mi’n ama antaksen jâra, athisen vânga mihringhei set rangei mandam theina achangna sik, Pathen in ama aleitōksōt jo. Ama kadik ti kha manhmuna sik Pathen in hi atlo kae. Hmalai khan chu Pathen in mihei setna kha inhmu hlemsak a aleidesôt a kae; tâk tûnlai chu adikna kha manhmuna sik a ansetnahei kha a-enmansin jo. Hing’hin ama abingkhet a akadik kae khan chu mi rakip Jesu kataksenhei kha amandik jo hei ti kha Pathen in amalâr.

CORINTHIANHEI INKHATNA 5:7

Nangni nan-intheng sengna sik, khava setna che marō kha nanta losōt nger sik kae. Khava sōa nangni chê philo jâmdi hlomther inkhat kachang sik chei, kadik, khakhat kachang chei ti kamanhret. Ajârchu ni-Rakan Kût kha mantluk jo kae, tûn Rakan Kût kemōngte Christa kha antōksōt jo.

PHILIPPIANHEI 2:8

Ama amalung innem khana thina katlung ṭong ajui, Thingrake chunga athi katlunga.

HEBREWHEI 12:2

A’nphutbia inphut a’nchaina katlung nitaksen inhngatna Jesu kha enṭhak rih. Ama’n thingrake jâra khan aṭōntlo kha leihai mak. Akahai kanek a inpâk na’n ahngâk ṭhak kha amandona thingrake chunga hme kasetak a athi sik kha heite khôk leisak mak, khana tûnhin Pathen len in-ongna changting in-onga kae.

HEBREWHEI 9:22

Kadik, Dân dungjuia neinâk rakip hi thisen in amantheng khana thisen nisunthlōn rōk leh set rangei mandamna kha ka-om.