JOHN 19:24 - LEKHARABU INTHENG (BSI)

²⁴ Khava jâra sepeihei kha inkhat leh inkhat inbe heia, “Hiva hichu keihler mak rih, tu mo akachen sik tlâ sânna nei rih,” anti. Hivahi ṭong inthenga, “Anmani’n kapōn insem hei, anmani’n kazakkō kha vâng-enna annei,” inti kha huitlungna sik a kae. Hiva omchen hi sepeihei khan anleitlo joa kae.

JOHN 19:24 ပူးပေါင်းရင်းမြစ်များ

RENGHEI INHNINA 15:12

Khava jâra Rōngpu’n Reng Jehu hnenga ale’ntepna: “Nasōn-napâr he’n, khang 4 katlunga Israel reng hongkachang sik hei,” tina kha hui katlunga kae.

HLAHEI 22:18

Anmani’n kapōnsia vâng-enna annei ankâra insem hei.

SŌKSŌT 28:32

Lu thōnna sik a akave syem sik, hiva akave hi a’nhlêr makna sik a’nkhông pōn hrui vâng zakkō lu thōnna kha rabek kaṭhōi manve bit sik kae.

ISAIAH 10:7

Tâk-kha Assyria rengkalen inchu abinga re mantlukna anei. Ama’n jât katamtak suk manhmang sik a intluk a kae.

MATTHEW 27:35

Thingrake chunga anmakheia, anmani’n apōn kha vâng-enna insem hei.

MARK 15:24

Khava sōa Jesu kha thingrakea anhem mankop a apōn har kha tu tachen sik mo tia vâng-enna anneia insem jo hei.

LUKE 23:34

Jesu’n ati, “Apa, rangei mandam hei roh! Ajârchu anmani’n heimo antatlo manhret mak hei.” Khana anmani’n ankâra vâng-enna anneia azakkō kha insem jo hei.

JOHN 10:35

Ṭong intheng tahri khachu ahei tik a kadik ṭhak ti eini’n nimanhret; khana aṭong intheng karônhei kha Pathen in pathenhei atia kae.

JOHN 13:18

“Ke’n nangni nankhenga chungchânga kahri changmak; ke’n kakadei jo hei kha kamanhret hei. Tâk-kha ṭong inthenga, ‘Kabu kasâkpui mi kha kakadōia inṭang,” inti kha hui akatlung nger sik kae.

JOHN 19:28

Tûnchu heirakip pui katluk a inchai jo ti Jesu’n amanhret jo; khana ṭong inthenga a’nzet kha hui atlung theina sik, ama’n, “Katui kahre,” atia kae.

ṬŌNTLOHEI 13:27

Ajârchu Jerusalema ka-om mihei leh anhlam kakeihei khan Jesu hi Huk inhringpa kae ti hi leimanhret mak hei, khana serning akaia antateisōt sânkathemhei ṭonghei kha’m manhret mak hei. Kha’num Jesu anlei masetna vâng khan sânkathemhei ṭong leihri hei kha hui anmathlunga kae.