JOHN 17:6 - LEKHARABU INTHENG (BSI)

⁶ “Vânhnōi raleia napek eng mihe’n nang anmanhretna sik che ke’n katlosō jo. Anmani natahei kae, khana kei napek eng kae. Anmani’n naṭong anjui,

JOHN 17:6 ပူးပေါင်းရင်းမြစ်များ

HLAHEI 119:11

Nang kadōia setna katlo makna sik kamalung shunga nadân kha ka’nda jo.

HLAHEI 22:22

Na’n naleitlo hei kha kamihei kamanthei sik hei; an-intûpna shunga nang kachoi ka-ân sik che.

SŌKSŌT 9:16

Tâk-kha karahming vânhnōia a’nthangna sik khana karatha hratna manhmuna sik kahringa kalada che kae.

ṬONGCHÎK-HEI 2:10

Mikasing hongkachang sik che, khana nathemna’n inpâkna apek sik che.

ṬONGCHÎK-HEI 23:23

Akadik, singna, themna, khana rachak kaṭhahei hi mankatamtak pek sik anrahōia kae, khana nang tajōrsōt sik a chu maner ka-omhêr hei.

JOHN 1:18

Tûte’n Pathen lahmu phung hêrmak. Pathen leh thakhat akae, khana Pa ângshunga aka-om, Sapa inkhat rōk khan Pathen manhretna amannei me.

JOHN 12:28

Apa, narahming jōng manlûr roh!” Khava pha marvâna inphut rasa inkhat in, “Ke’n kamanlûr jo, khana ke’n khang’khan kamanlûr nôk sik,” ajōng tia kae.

JOHN 15:19

Nangni vânhnōi ralei ta nanchang inchu, vânhnōi in atâ kapōtak a alungset sik chei kae. Tâk-kha ke’n nangni hiva vânhnōi raleia inphut kakadei chei kae, khana vânhnōi ralei ta changmak chei, khava jâra vânhnōi in nangni antahōt chei kae.

JOHN 15:3

Nangni chu ke’n mantheina kaleinei jo chei khana amanthengsa jo chei kae.

JOHN 15:7

Nangni keia nan-om ṭhak a, khana kaṭong nangni shunga a-omṭhak a achang inchu, hei-achang inum nangni’n nanta madu nantader kha nanchen sik.

JOHN 17:12

Ke’n anmani ka-ompuilai hei napek eng rahming, narahming ratha neina vâng khan anmani kahrunghei. Ke’n kahrungsōt heia, ṭong intheng huitlungna a’nhmang sikpa rōk kha tei loa, inkhatbek inhmang mak hei.

JOHN 17:14

Ke’n anhnenga ṭongpui hi kapek hei khana vânhnōi in anmani ahōt hei, ajârchu kei vânhnōi ta kachangmak kapōa anmani vânhnōi ta changmak hei.

JOHN 17:16

Kei raleichung ta kachangmak kapōa anmani raleichung ta changmak hei.

JOHN 17:2

Ajârchu nang in ama napek sōt mihei seng kha kumsôt hringna apek theina sik hei, mihring rakip chunga ratha neina kha ama hneng napek jo.

JOHN 17:24

“Apa! lûrna naleipek eng, khava kalûrna kha anmani’n anhmu theina sik nang in napek jo eng hei kha kei omna hmun a kaman om hnōm hei; ajârchu vânhnōi alei insyem mak hma nalei lungset jo eng.

JOHN 17:26

Nang in kei namalung setna eng kha anmani shunga a-omtheina sik, khan chu kei um anmania ka-om theina sik, nang anmanhretna sik che katlo jo khana kalatlo ṭhak sik.”

JOHN 17:7

khana napek eng heirakip hi nanga inphut akajōng kae ti hi tûn anmanhret jo.

JOHN 18:9

(Ama’n hiva ahrina jârchu: “Apa, nang in napek eng hei seng inkhatbek manhmang mak eng,” aleiti kha hui atlungna sik a kae.)

JOHN 6:37

Kapa’n apek eng hei seng kahnenga kahong sik hei. Kahnenga akahong mi kha tu achang innum ke’n hnongsōt hêrmak ning,

JOHN 6:39

Anijōng katirpa’n amantlo hnōm eng khachu hi kae; ti chu ama’n apek jo eng hei seng ankhenga manhmang loa, a’nchai ning hringna antachen sik kae.

JOHN 8:51

Akadik kha kahri pek chei kae. Tu achang inum kei mantheina kajui mi kha thihêr mak ning.”

JOHN 8:52

Anmani’n ahnenga anti, “Nang ṭai karôn che kae ti hi tûn keini’n inchêna kanmanhret jo che. Abraham kathi jo, Sânkathemhei kathi jo hei, kha’num nang in, ‘Tu achang inum kei ṭong kajui mi kha ahei tik a thimak ning,’ natia kae.

ṬŌNTLOHEI 13:48

Khava ṭong kha Jât-hlop he’n anthei pha, inpâk heia Rōngpu ṭong kha anchoi ka-ân jo; khana kumsôt hringna kachen sik a kadeisōt hei khan atakkasen kachang jo hei.

ROMANHEI 11:2

Pathen in a’nphutbia akadeisōtsa amihei kha hnōmpek mak tlomak, Elijah in Israelhei dōina Pathen hneng ahri ṭong intheng kha nangni’n nanmanhret:

CORINTHIANHEI INHNINA 4:6

Ajârchu, “Khō inthimna inphut vâr kha hong kavâr sik!” kati Pathen khan Christa hmaisōa Pathen lûrna vâr kha kanman hretna sik kanmalung shunga avâr kasat invâr kha Pathen khet kha kae.

COLOSSIANHEI 3:16

Christa ṭong kha aṭhatna rakip leh nanmalung shunga aka-om sik kae. Khat leh khat singna rakip vâng inse intheitō ruh. Inpâk hla, bek hla, hla intheng hei sak ruh; nanmalunga Pathen manpâk leh inṭhōia hla sak ruh.

TIMOTHY INHNINA 1:13

Nang tajui sik manhmuna, ṭong kadik kamanthei che kha matu manchak roh, khana Christa Jesua ni’nchunna shunga nita kachang jo lungsetna leh taksenna khan omṭhak roh.

HEBREWHEI 2:12

Ama’n Pathen hneng ahri: “Heimo natlo kha kamihei hneng kahri nger sik! An-intûpna shunga kachoi ka-ân nger sik che.”

HEBREWHEI 3:6

Tâk-kha Christa kha Pathen innshung karôn sik a taksen ka-om tak Sapa inkhat kae. Eini’n niratha hrokna leh ni’nngamna kha atorna katlung nimatu manhnet tlit inchu, eini a-innshung me kha kae.

PETER INKHATNA 1:1

Jesu Christa sonle Peter a inphut, Pontus, Galatia, Kappadocia, Asia leh Bithynia ramheia rekatlâna a’nchek chaia ka-om Pathen takadei mihei hnenga.

JOHN INKHATNA 5:20

Eini’n akadik Pathen kha nimanhretna sik, Pathen Sapa kha kajōnga manhret theina apek jo me ti hi eini’n nimanhret. Asapa Jesu Christa leh inchunna shunga, Pathen kadik leh inchun a eini akahring me kae. Hivahi Pathen kadik kha kae, khana kumsôt hringna kha kae.

ṬONGPHÔNG 2:13

Na-omna hmun kha Seitan len in-ongna hmun achang kha ke’n kamanhret. Taksen ka-om tak kasâkhi kachang Antipas kha, anleithat katlunga nataksenna eng nang in masō mak chea kei sik a akadik kachang che.

ṬONGPHÔNG 3:10

Ajârchu nande hratna sik a kaṭong pek chei kha nanjui, raleichung mi rakip enmansinna sik a, vânhnōi pumpui chunga malung inrimna ajōng katlung sik a inphut kahuksōt sik chei.

ṬONGPHÔNG 3:8

Ke’n naṭōntlo kha kamanhret; nang in ratha ajingte nanei ti kamanhret; nang in kaṭong manthei kha najuia kei taksenthei hongkachang che. Tûte’n antakhâr tor mak kot kha ke’n nahma kamahlang.